Filipi 2:13 - Abun Scripture

¹³ we Yefun Allah dakai kak nin bi sukjimnut, subere nin iwa jammo An, subere nin mit iwa ben suk gato tepsu Yefun Allah mit ne.

Filipi 2:13 Referans Kwoze

Ibrani 13:21

Yefun Allah ós men kem ndo ete fro men su sukndo mwa gato men mitmo ne subere men nggiwa ben suk tepsu An mit. Yesus Kristus kak os wa men it, sane Yefun Allah ete ben suk mo men mit tepsu pe gato An imo ne. Men bes Kristus gum kok sane sor to kapyo mato kapyo. Sangge.

2 Korintus 3:5

Men dakai yo nggiwa ben suk yo bor wa nin me mone nde, wo Yefun Allah anato ben men nggiwa men ben suk mwa ne su nin sino re.

2 Timotius 1:9

Yefun Allah fro os ndo wa nai men wé kadit bot gesyos, subere men kem ndo to kapyo mato kapyo. Yefun Allah kiwa men brek ma kadit os ibit gato men muket ne, ete men tepsu An bi rus-i ben An bi suk-i gato ndo petok sor. An yo me mo sukndo gato men ben ne nde, wo An dakai fro An bi os-i, An dakai bi sukjimnut sye kas subot men yi sor, men yo ben suk yo nyim wa An nde. Sane anato An yo ut bur ré nde tó, An fro os ndo ne su Yesus Kristus nyim wé re, subere ri ma Kristus ma wa kak os ne wa men re.

Roma 9:16

Sane Yefun Allah ben An bi suk-i su nje it yo, An yo me kadit suk gato ye mit iwa ne nde, Yefun Allah yo me kadit suk gato ye werwa ben ne dom nde, wo Yefun Allah dakai jimnotku nje anato An fro suk gato An ben ne,

1 Korintus 15:10

Sarewo Yefun Allah bi sukjimnut sye kas subot ji dakai yi anato An bes ji gum yerasul. Yefun Allah ben An bi suk-i ndo su ji yi anato su ré ji samok wa ben suk mwa ne ndo sino wai kadit yerasul yi neya. Ji samok wa ben suk tepsu yerasul kadit ji dakai bi suktinggi-i nde, wo kadit Yefun Allah dakai ben sukndo su ji yi, anato ji samok wa ben Yefun Allah bi suk-i.

Yohanes 3:27

Yohanes ki do, ”Suk yo o nde, Yefun Allah syo nje nai men, ondesa men ku nje yo mo nde.

Efesus 1:11

Yefun Allah fro Yesus Kristus wa men sane anato Yefun Allah nai sukjimnut ete ben suk mwa ne sino tepsu pe gato An ki kwop mone it. Kadit ketke it, An iwa nai men sok mo An bi rus-i tepsu pe gato An dakai fro ne. Sane An ben suk mwa ne kas subere suk gato An fro ne bor.

1 Korintus 12:6

Suk mwa gato men ben wa men bi Yekwesu ne kwa mwa yé re, sarewo Yefun Allah ka dik ne anato bi suktinggi nai men sino wa men ben suk ne.

2 Tesalonika 1:11

Men jam do, nin sok mo Yefun bi rus-i, sane anato men ki suk su Yefun Allah wa nin petok sor. Men ki suk su Yefun wa nin subere Yefun Allah nut mo nin do, nin sa, tep wa nin ben suk gato An fro wa nin ben ne. Suk ne sor nde, wo men ki suk su Yefun Allah subere Yefun syo An bi suktinggi wa ben nin nggiwa nin ben sukndo mwa gato nin iwa nin ben ne dom. Men ki suk su Yefun subere nin nggiwa nin ben suk mwa gato nin iwa nin ben, we nin onyar kem mo Yefun Yesus ne dom.

Efesus 1:5

kadit ketke ne it, anato An bi sukjimnut wa nai men tepsu An dakai bi pá-i, we men sibot os gato Yesus Kristus kak ne. Yefun Allah mit iwa An fro os ne wa men.

Efesus 2:8

Yefun Allah dakai bi sukjimnut sye kas subot men sye teker anato An nai men wa men si An kem ndo to kapyo mato kapyo. Men onyar kem mo Kristus anato An nai men sor. Men dakai yo ben suk yo subere men kem gesyos ne nde, wo Yefun Allah dakai kak os wa men yi sor.

Lukas 12:32

”Nin yé gato yo mwa nde, nin nyu nde, nin anato Ji bi suksi. Bere nin bi Ai mo gu bes nin tepsu yekwesu gato ós An wa jowa An bi suk mwa ne sino.

Efesus 1:9

Os ndo gato Yefun Allah fro wa men ne, gato nyim tuya yo bor nde, An iwa ki bor wa men jam it anare. Os gato An fro wa men anato bor mo Yesus Kristus it.

Yohanes 6:65

Yefun Yesus ki o do, ”Nin deyo bariwa jammo Ji bi sukdu-i anato suga nyim Ji ki nai nin do, Ji bi Ai kak yé bi sukjimnut anato yé ne jammo Ji, ondeyo ye yo jammo Ji nde.”

Roma 9:11

Suga nyim tuya Ribka kem su pa ge we ne nde tó, Yefun Allah fro pa we wok tepsu yeketke mo yewis ye Yahudi ne nyim wé re. Pa we sye si pa we wok yo ben suk gato ndo si suk gato ibit mo nde tó, wo Yefun Allah dakai bes pa we wok nyim wé re, tepsu pe gato Yefun Allah dakai iwa fro ne, we Ribka bi pa yebris ge we ne yo ben suk gato ndo si suk gato ibit mo nde tó.

Yohanes 6:45

Yenabi krom mo Yefun bi sukdu do, ’Bere Yefun Allah duno yé mwa ne sino.’ Yé mwa ne sino gato jam sukduno kadit Ji bi Ai ete benbot, bere ye ne ma mo Ji.

1 Petrus 1:3

Men bes Yefun Allah, men bi Yekwesu Yesus Kristus bi Ai ne gum kok et. Yefun Allah dakai jimnotku men sye wai o re, sane anato An sun Yesus Kristus kadit sukkwop, ete An fro os mone wa men subere men kem ndo tepsu yetu gato be o re. Sane men kwabom kam mo An do,

Suk Gato Yerasul Ben Ne 11:21

Yefun Allah sisu án mo suk mwa gato án ben ne. Sane yé mwa nai sukjimnut do, án brek kadit os nyim, ete án jammo Yefun Yesus tepsu án bi Yekwesu, án onyar kem mo Yefun Yesus it.

Lukas 2:14

”Men bes Yefun Allah gato kem mo pe gato kok mo gu ne gum kok sye wai o et. Yefun Allah, Nan ben nje gato Nan dakai jimnotku ne kem not mo bur ré et.”

Roma 12:3

Yefun Allah syo suktinggi nai ji dakai yi, sane ji ki nai nin sino sare do, nin bes nin nggwa kok teker eta nde, wo nin nutbot nin nggwa pare et. Nin onyar kem mo Yesus Kristus anato Yefun Allah syo suktinggi nai nin. Sane nin gedik-gedik nutbot nin nggwa pare tepsu pe gato nin onyar kem mo Yesus Kristus ne et.