Filipi 2:11 - Abun Scripture

¹¹ Sane bere men yetu mwa ne sino ki rer do, sangge, Yesus Kristus anato tepsu men bi Yekwesu gato jom men. Sane bere men bes men bi Ai, Yefun Allah, gum kok mone re.

Filipi 2:11 Referans Kwoze

1 Yohanes 4:15

Ye to ki an bi sukjimnut rer mo yé mwa gwem do, sangge, Yesus Kristus anato Yefun Allah bi Gan ne yo, bere Yefun Allah si ye ne tepsu dik. Sane dom, ye ne si Yefun Allah tepsu dik.

Roma 14:11

Men ki ye yi gum ibit nde, wo men bes Yefun Allah gum kok sor, tepsu ye krom mo Yefun Allah bi sukdu do, ”Yefun Allah ki do, ’Ji kem gesyos, sane bere suk gato Ji ki ne, sangge, bere bor sor, sangge, bere yetu gedik-gedik nyuwa Ji ete ma tu umsu mo Ji gwem. Bere yé mwa ne sino ki rer do, Ji anato Yefun Allah gato gum kok wai o re.’ ”

Yohanes 13:13

Nin ki Ji gum do, Yeguru, nin bi Yekwesu. Suk gato nin ki ne ndo, we sangge, Ji anato nin bi Yeguru, Ji anato nin bi Yekwesu.

1 Yohanes 4:2

Nin watbot sukdu gato ye ki ne subere nin jam do, sukdu ma kadit Yefun Allah Gen bado, kadit biris bi yekwesu gato jom ye ne e? Nin nutbot sare do, ye gato ki do, Yesus Kristus ma mo bur ré su kaim tepsu yetu yo, Yefun Allah Gen kem mo ye ne.

Roma 14:9

we Yesus Kristus kwop, or o An sun o, subere An gum Yekwesu wa ye gato kwop si ye gato mbau ne sino.

1 Korintus 12:3

Sane ji iwa nin jam do, Yefun Allah Gen yo ben men dufo mo Yefun Yesus nde, wo Yefun Allah Gen ne sor anato ben men ki do, ”Yefun Yesus anato men bi Yekwesu gato men jammo.”

Yohanes 14:13

Suk to nin ndek mo Ji bi Ai yo, nin ki Ji gum mo suk ne, bere Ji syo nai nin. Ji syo suk ne nai nin subere yé bes Ji bi Ai gum kok mo suk gato Ji syo nai nin ne.

1 Petrus 1:21

Sane Kristus ma ete kak os wa men yetu anato nin onyar kem pe mo Yefun Allah it. Yefun Allah sun Kristus kadit sukkwop ete bes An gum kok sye wai kadit ye yi neya o re. Sane anato nin onyar kem pe mo Yefun Allah, ete nin kwabom kam mo An mone dom.

1 Korintus 8:6

sarewo men yé gato onyar kem mo Kristus jam do, Yefun Allah ne ka dik sor. An anato nggi wai o re. Yefun Allah anato men bi Ai. An anato ut suk mwa mo bur ré si gu nim ne. Men kem mo bur ré wa men ben An bi suk-i sor. Men bi Yekwesu gato men jammo ne ka dik sor. Men bi Yekwesu ne anato Yesus Kristus. Yesus Kristus ne anato ós Yefun Allah ut suk mwa mo bur ré si gu nim. Kadit Yesus Kristus ne anato men mbau mó tó re.

Wahyu 3:5

Yé gato nggi wai kadit bur ré bi suk-i yo, bere án si yé bok ne sino it san gato kwo ndo. Bere Ji yo rus án gum wé kadit Buku Yegesyos nde. Bere Ji ki mo Ji bi Ai si malaikat mwa ne gwem do, Ji bi rus-i mo án.

Matius 10:32

”Ye gato ki mo yé mwa gwem do, an si Ji tepsu dik, bere Ji waii ki sane nai Ji bi Ai mo gu.

Suk Gato Yerasul Ben Ne 10:36

Yefun Allah taru sukdu subot men ye Israel ne do, An syogat Yesus Kristus ma mo bur ré wa kak os ndo wa men yetu subere Yefun Allah nai men gum sok mo An bi rus-i. Sane Yesus Kristus gato gum Yekwesu wa men sino ne kak os wa men si Yefun Allah kem ndo su yu re. Nin dakai jam sukdu ne mó re.

Suk Gato Yerasul Ben Ne 2:36

Petrus ki o do, ”Sa ndo sa, nin ye Israel ne sino jam do, Yefun Yesus gato nin gu kwop mo kwesukwin ne, Yefun Allah bes tepsu men bi Yekwesu. Yefun Allah anato bes Yefun Yesus gum Kristus, Ye gato Yefun Allah syogat ma mo bur ré wa nai men yetu kadit sukye ete jowa men ne.”

Yohanes 9:22

Pa bi im si bi ai ki sane, we an we nyuwa ye Yahudi, we ye Yahudi nai sukjimnut do, ye gato ki rer do, Yefun Yesus anato Yekwesu gato Yefun Allah syogat ma mo bur ré wa nai men yetu kadit sukye ete jowa men ne yo, ye gato ki sukdu sane, bere ye Yahudi duyawa ye ne sok mo ye Yahudi bi nu ari re.

Yohanes 5:23

Ji bi Ai bes Ji gum wa Ji ndobot yetu subere yé mwa ne sino jammo An bi Gan tepsu yé jammo An. Ye gato yo jammo Ji nde yo, ye ne yo jammo Ji bi Ai gato syogat Ji ma mo bur ré dom nde.

2 Yohanes 1:7

Yé mwa gato kidar suk frekbot bur ré iwedewe mó re. Ye gane ki bi sukdu-i sare do, ”Yesus Kristus ma mo bur ré yo, An yo ma su kaim tepsu yetu nde.” Ye gato ki sukdu sane, an kidar, an ki bi sukdu-i tepsu yekwesu mo yeko wa Kristus.

1 Korintus 15:47

Adam doketke ne Yefun Allah ut kadit bur, wo Adam kedowe ma kadit gu.

Roma 15:9

Kristus ma subere yewis yi neya bes Yefun Allah gum kok sye wai dom re. Yefun Allah dakai jimnotku yewis yi anato yewis yi bes Yefun Allah gum kok tepsu ye krom mo Yefun Allah bi sukdu subot Kristus do, ”Yefun Allah ki do, ’Sane bere Ji un Nan gum wa yewis yi ne jam sino. Bere Ji kos sukos un Nan gum.’ ”

Yohanes 20:28

Tomas ki nai Yefun Yesus do, ”Nan anato Ji bi Yekwesu, Nan anato Yefun gato jom Ji it.”

Yohanes 17:1

Yefun Yesus ki sukdu su An bi pakon subere pakon ne nyuwa suk daret nde or sa, Yefun Yesus sok mu nim mo gu, ete An ki do, ”Ji bi Ai, Ji bi kam tep it are. Ji bi Ai, Ji gato Nan bi Gan, Nan bes Ji gum kok sye wai et, subere Ji waii bes Nan gum kok sye wai o re.

Yohanes 12:42

Kapre Yesaya ki sukdu sane o, yetu mwa nai sukjimnut dik wa án onyar kem mo Yefun Yesus. Ye Yahudi bi yepasye ge bok yo dom nai sukjimnut digane, sarewo án nokwa án ki bor nai ye yi jam, we án ki rer sane yo, bere ye Farisi duyawa án sok ari o re.

Lukas 2:11

Su kam ré, mo Daud bi nat-i ne, nggon dik yo kem su Pa gato bere ós men. Pa ne anato Yekwesu gato Yefun Allah syogat ma mo bur ré wa nai men yetu kadit sukye ete jowa men. Yefun Allah bes Pa ne gum Kristus.

Yohanes 14:23

Yefun Yesus ki nai an do, ”Ye to bi sukjimnut sye kas subot Ji it yo, bere ye ne benbot sukduno gato Ji duno an su ne. Bere Ji bi Ai bi sukjimnut sye kas subot an. Bere Ji si Ji bi Ai ma mo an, ete si an kem sino.

Yohanes 13:14

Sane Ji gato gum Yeguru, Ji gato nin bi Yekwesu ne mus nin gwes tak sane yo, nin deyo waii mus nin deyo gwes tak sane o.