Filipi 2:10 - Abun Scripture

¹⁰ Sane bere yetu e, malaikat e, yerom e ne sino mo bur ré si gu nim ne, mo bur desnak, mo pe mwa ne sino tu án umsu mo Yefun Yesus gwem. Yé mwa si suk bok ne sino un Yefun Yesus gum mone, án sino ki do, sangge Yefun Yesus gum kok sye wai o re.

Filipi 2:10 Referans Kwoze

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

Ibrani 1:6

Sarewo Yefun Allah syogat An bi Gan gato gum kok wai o re ma mo bur ré sa, Yefun Allah ki do, ”Ji bi malaikat mwa ne sino som Pa ne et!”

Efesus 3:14

Sane anato ji tu ji umsu mo ji bi Ai Yefun Allah gwem ete ji ki sukdu su An.

Wahyu 4:10

yenggras ge musyu we sop at bare nggwa mo An gato kem mo kursi ne gwem. Yenggras ne un Yefun gato kem to kapyo mato kapyo. Yenggras ne bare bi topi gato án bom tepsu yekwesu ne mo Yefun bi kursi de gwem, ete án badek su do,

Efesus 1:10

Yefun Allah fro os ré, subere kom mo bi kam-i gato tepsu yo, bere Yesus Kristus wadigan gum Yekwesu wa jom suk mwa mo gu nim ne si bur ré sino.

Matius 27:29

Án nai kweran gato jak mó, ete án far kweran ne bot yu tepsu bumam, ete án bom mo Yefun Yesus su. Án syo kwepu wa Yefun Yesus jom mo Yefun syim ge, orete án tu án umsu mo Yefun Yesus gwem, ete án siker Yefun Yesus. Án kamo su Yefun Yesus, ete án ki do, ”Ye ré ye Yahudi bi Yekwesu anare. Men bes An gum kok et.”

Wahyu 20:13

Yé gato kwop mo sem mit syesyar ete ma ti mo Yefun Allah gwem. Yé gato mo gwinggri syo mo bur desnak si sukkwop bi nat-i ne syesyar sino ma ti mo Yefun Allah gwem dom. Orete Yefun Allah syo sukye nai nje gedik-gedik tepsu suk gato gedik-gedik ben ne.

Efesus 4:9

Sane sukdu gato ki do, ”An it mu mo pe gato kok wai ne” te, bi sukjimnut sa u ne? Sukdu ne bi sukjimnut do, An it nde tó, An is sor kom mo bur ré desnak nyim wé re.

Roma 11:4

Sane, Yefun Allah ki bi sukdu-i nai Elia sa u ne? Yefun Allah ki do, ”Nan sor ete sok mo Ji bi rus-i nde, wo Ji dakai fro Ji bi rus-i yetu ge ribu mufit dor wa Ji gato mbau tó. Ge ribu mufit ne yo som suk gato yé bes tepsu yefun gato yé kendo gum do Baal ne, yo mo nde.”

Matius 12:40

Tepsu Yunus kem mo boge sye on mit kom mo noru gri yo, kam gri yo, bere Yetu bi Pa waii kem mo bur ré desnak kom mo noru gri yo, kam gri yo. {Sane bere nin me Yefun Allah bi suktinggi bor mone.}

Wahyu 5:3

Sarewo mo gu nim ne si bur ré si bur desnak ne sino, ye yo ku yetu ge dik yo gato gum kok tep wa an kak lilin gum bok ne wé yo mo nde. Ye yo ku yetu ge dik yo gato gum kok tep wa kak lilin gum ne sor nde, wo ye yo ku ye gato gum kok tep wa baca buku ne dom nde.