Filipi 1:9 - Abun Scripture

⁹ Ji ndek mo Yefun Allah wa nin sare do: nin jimnotku yu wai kadit nyim ne o et, nin mewa yu sisu ndo wai o et, nin ben sukndo su yu mwa wai o et. Ji ndek mo Yefun subere nin jam Yefun kom mo mit, ete nin jam suk gato ndo kadit suk gato ibit wai kadit nyim ne o re,

Filipi 1:9 Referans Kwoze

1 Tesalonika 3:12

Men bi Yekwesu Yefun Yesus ete ben nin sane sor nin bi sukjimnut sye kas subot yu mwa o et. Yefun ete ben nin bi sukjimnut sye kas subot yé mwa ne sino sye wai kadit nyim neya, tepsu men bi sukjimnut sye kas subot nin re.

Kolose 1:9

Men jam sukdu mwa ré subot nin re, sane anato men ki suk su Yefun Allah wa nin petok sor. Men ndek mo Yefun Allah subere Yefun Allah Gen kak nin bi sukjimnut wa nin jammo suk mwa ne sino gato Yefun Allah iwa nin ben ne rer kom mo mit.

Filemon 1:6

Ji ki suk su Yefun Allah subere nan si ye gato onyar kem mo Kristus ki sukdu subot suk gato Kristus ben ne sino it yo, bere nin sino jam subot sukndo mwa gato Yesus Kristus dakai syo yi nai men wai kadit nyim ne o re.

Kolose 3:10

Su ré, nin tepsu yetu gato be or re. Sane nin ben nin bi suk-i tepsu yetu gato be it. Yefun Allah gato ut suk mwa ne sino, an kak nin bi sukjimnut subere nin ben nin bi suk-i be tepsu An mit ne mwa wai kadit nyim ne o re. An dakai kak nin bi sukjimnut sye o subere nin jam An kom mo mit re.

1 Petrus 1:22

Nin benbot Yefun Allah bi sukdu gato sangge it, sane anato nin bare sukibit gato ben nin ne wé kadit nin re, nin onyar kwo re. Sane dom, ye yi gato onyar kem mo Yefun Allah ne, nin mewa sisu sangge re. Sane nin mewa yu su nin mit dik si nin onyar dik sisu ndo wai o et.

2 Korintus 8:7

Nin sa, nin ben nin bi suk-i mwa ne sino ndo wai o re. Nin onyar kem mo Yefun nggi wai kadit ye yi ne o re, nin ki nin bi sukdu-i ndo wai o re, nin bi sukjimnut-i ko wai o re, nin wergat nin nggwa wa nin ben suk mwa ne sino ndo wai o re, nin bi sukjimnut sye kas subot men dom. Suk mwa ne sino nin ben ndo wai o re, sane men kiwa nin waii syo sugum dakai yi nai nje, subere nin ben suk ne ndo wai dom et.

1 Korintus 14:20

Ji bi nji, ji bi nyanggon, nin nutbot suk tepsu pa wokgan nde. Mo suk gato ibit sa, nin bi sukjimnut tepsu pabom anato ndo, sarewo mo suk gato ndo yo, nin bi sukjimnut kak tepsu yenggras et.

2 Tesalonika 1:3

Men bi nji, men bi nyanggon, men jam sukdu do, nin onyar kem mo Kristus nggi wai kadit nyim neya o re. Sane men ki ndo mo Yefun Allah mone. Sane dom, nin bi sukjimnut sye kas subot yu sye wai kadit nyim ne o re, sane men ki ndo mo Yefun Allah noru nombrak sor.

2 Petrus 3:18

Men bi Yekwesu Yesus Kristus gato nai men kadit sukye ete jowa men yetu ne, An ben sukndo su men yetu dakai yi. Sane nin dom ben nin bi suk-i ne ndo mwa wai o kadit nyim ne sor. Nin jam Yesus Kristus sisu ndo o et. Men bes An gum kok su ré sor to kapyo mato kapyo. Sangge.

Ibrani 5:14

Sarewo ye gato jam Yefun bi sukdu kom mo mit, an bi sukjimnut kak tepsu yenggras. Yenggras sor ete git sugit gato krat. Ye gato ka yenggras, án sa, án jam Yefun bi sukdu gato kru ne nam it, tepsu án git sugit gato krat ne nam it. Sane yenggras jam suk gato ndo si suk gato ibit ne kom mo mit re, yenggras o mó it.

Efesus 5:17

Sane, nin jimgon nde, nin jammo yetu bi sukdu-i nde, wo nin werwa nin jammo suk gato men bi Yekwesu Yesus Kristus iwa nin ben ne et.

1 Tesalonika 4:1

Sane, men bi nji, men bi nyanggon, men duno nin su sukduno gato kadum os wa nin subere nin jam suk gato ndo wa nin ben tepsu Yefun Allah mit it. Nin benbot sukduno ne napyo it. Sarewo su ré men kiwa nin jammo sukduno gato men bi Yekwesu Yefun Yesus tarubot men ne. Nin jammo ete nin werwa nin benbot sukduno mwa ne sino wai kadit nyim neya o re.