Filipi 1:8 - Abun Scripture

⁸ Yefun Allah jam do, sangge, ji da o ku nin, ji bi sukjimnut sye kas subot nin tepsu Yesus Kristus bi sukjimnut sye kas subot nin ne.

Filipi 1:8 Referans Kwoze

Filipi 4:1

Sane yo, ji bi nji, ji bi nyanggon gato ji jimnotku, ji mit at ndo nde mo suk gato nin ben ne. Ji mit iwa dom, tepsu ye gato ku sukndo wai o re. Sane yo, ji bi yesyim, nin jom men bi Yekwesu Yesus Kristus bi sukdu-i ne pe it yo, bere nin benbot suk mwa gato ji krom gado ne sor.

Roma 1:9

Ji ki suk su Yefun Allah yo, ji napawa nin petok sor. Sangge, ji yo kidar nde, Yefun Allah gato ji ben suk wa ne, An dakai jam sukdu gato ji ki ré sangge, ji yo kidar nde. Ji ben Yefun Allah bi suk-i su ji mit dik si ji onyar dik, ji mu ji ki sukdu subot os ndo gato An bi Gan kak wa men yetu ne. Yefun Allah gato ji ben suk wa ne jam do, ji sa, napawa nin pe re.

2 Timotius 1:4

Ji napawa tomgato men ka we top yu, nan wo, nan jimnotku ji ndo nde. Sane ji da o wa men ka we ku yu o et. Ji iwa men ka we ku yu subere ji mit at wa wai o re.

1 Tesalonika 2:8

Men bi sukjimnut sye kas subot nin sye teker anato men iwa men frot sukdu subot os ndo gato Yesus Kristus kak ne nai nin sor nde, wo men bi men nggwa mo nin wa men ós nin mo suk mwa neya, we men jimnotku nin ndo nde.

Roma 9:1

Ji gum anato sok mo Kristus bi rus-i it, sane suk gato ji ki ré sangge, ji yo kidar nde. Sane dom, Yefun Allah Gen jom ji bi sukjimnut mo ji mit, sane suk gato ji ki ré sangge, ji jam ware.

Filemon 1:12

Su ré, ji syogat pa gato ji jimnotku sye teker ne ba satu wa nan.

Kolose 2:1

Ji iwa nin jam do, ji wergat ji nggwa wa ji ben sukndo su nin si ye gato kem mo kota Laodikia, si yé yi neya gato yo ku ji nde tó.

Galatia 4:19

Ji bi pá, nin gato ji jimnotku, ji nutbot nin sor, ji yo ndo nde tepsu nggon far gato nukwe i su pa. Ji bi sukjimnut waiyu subot nin, ji yo ndo nde sane sor ji jam do, nin bi sukjimnut-i gato kem pe mo nin mit tepsu Yesus Kristus bi sukjimnut-i ne et.

Galatia 1:20

Suk gato ji krom ré sangge, ji yo kidar nde, Yefun Allah dakai jam re.

2 Korintus 7:15

Su ré, Titus bi sukjimnut sye kas subot nin wai kadit nyim neya o re, we an napakom nin do, nin sino iwa jammo an, ete nin ku an sa, nin nyu si nin tetet mo an.

2 Korintus 6:12

Men rek men mit si men onyar mu nai nin jam re, men mit dek ket nin, sarewo nin bariwa karowa men, ete nin mit dek ket men mó nde tó.

Lukas 1:78

Yefun Allah gato jom men ne, An dakai jimnotku men ndo nde anato An fro os ndo wa men. An syogat Yetu ge dik yo is kadit gu ma mo bur ré. Yefun Allah syogat Ye ne ma ós ete jowa men tepsu Yefun Allah syogat kam it, ete kam gat men.

1 Yohanes 3:17

Sane ye gato ku suk mwa mo bur ré, ete an me an bi nji mo Kristus bi rus-i deyo gato yewa suk, wo an yo jimnotku ye ne nde, ete an yo ós ye ne su suk yo mo nde, or an ki do, an bi sukjimnut sye kas subot Yefun Allah, sane yo, men jam do, ye ne kidar ko ne.

Filemon 1:20

Men tepsu yedik mo Yefun, sane ji iwa nan ós ji et. Nan tepsu ji bi nji mo Kristus bi de-i, sane nan ben ji mit ndo, nan nai Onesimus satu ma sisu ndo et.

1 Tesalonika 2:5

Nin dakai jam do, tomgato men kem su nin, men yo ki suk su men syokwet wik nde. Sane dom, men ki Yefun Allah bi sukdu-i nai nin sa, men yo meret os wa men ku suk mwa kadit nin dom nde. Yefun Allah dakai jam men mit re.

Kolose 3:12

Nin anato sok mo Yefun Allah bi rus-i, An dakai jimnotku nin ndo nde, An bes nin wa nin ben An bi suk-i. Sane anato, nin dakai jimnotku ye yi, nin ben sukndo su ye yi et. Nin bes nin nggwa kok nde, nin ben nin bi suk-i njep su ye yi sor. Kapre nin ku sukye, nin benbot Yefun bi sukdu-i petok sor.

Filipi 2:26

wo su ré an da o wa an ba ku nin it. An jimnotbot sukdu gato nin jam subot an do, an ku suki more re. An jimnotbot teker, sawe nin nut do an i tó.

Filipi 2:1

Nin sok mo Kristus bi rus-i, sane nin kwabom kam mo An do, bere An mewa nin, sane nin nokwa suk teker nde. Yefun Allah Gen bok nggwa mo nin, sane nin tepsu dik su An, An ós nin subere nin jimnotku yu, nin ben sukndo su yu.

2 Korintus 13:9

Men yo nggi nde, wo nin do nggi yo, men mit iwa mone. Men ki suk su Yefun Allah wa nin subere nin ben suk gato ibit saga nyim ne o nde, wo men ki suk su Yefun subere nin ben nin bi suk-i mwa ne ndo sino sor, kwa yo gwet mo nde.

Galatia 3:26

Nin onyar kem mo Yesus Kristus, sane anato nin tepsu Yefun Allah bi pa-i mone it.