Filipi 1:7 - Abun Scripture

⁷ Ji mit at wa nin, ji jimnutbot nin anato ndo, we ji gen ne kem pe su nin mone re. Sane dom, ji jimnotku nin, we yé bok ji mo sel more yo, ji duno nje su sukdu subot os ndo gato Yesus Kristus kak ne yo, ji ki rer subot sukdu ne nai ye gato duwer ji mo sukdu ne yo, nin si ji tepsu dik wa ben suk gato Yefun Allah fro wa ji ben ne sino.

Filipi 1:7 Referans Kwoze

2 Korintus 7:3

Ji yo iwa ki nin gum ibit mo sukdu ré nde, wo ji ki sukdu ré, tepsu sukdu gato ji ki nyim ne mó re. Men jimnotku nin ndo nde. Men kwop o, men mbau o, men mit iwa men si nin tepsu yedik petok sor anato ji ki sukdu ré.

Filipi 1:5

Ji mit at wa ji ki suk su Yefun wa nin, we nin ós ji mu frot sukdu subot os ndo gato Yesus Kristus kak wa men yetu ne nai ye yi jam, kadit kam ketke gato nin onyar kem mo Yefun sor kom mo kam ré.

2 Timotius 2:9

anato ji ku sukye re. Ye rai ji su rantai tepsu ye rai ye gato ben sukibit. Sarewo ye yo bi os wa ye rai Yefun Allah bi sukdu ne su rantai nde.

Kolose 4:18

Ji, gato gum do Paulus ré, ki ndo mo nin sor. Ji dakai krom sukdu kwa gato wari ré su ji syim. Ji kem mo sel tó, nin mbrinket ji nde. Yefun Allah ete mewa nin sino sor.

Filipi 4:14

Sarewo suk gato nin bi wa ji ne, ji ki ndo mo nin, we nin anato ós ji mo sukye gato ji ku more ne.

Efesus 6:20

Yefun Allah bes ji wa ji mu ki An bi sukdu-i subot os ndo gato Yesus Kristus kak wa men mo bur ré, anato ye rai ji, ete ye sok ji mo sel. Sane nin ki suk su Yefun wa ji subere ji nggiwa ji ki sukdu ne, ete ji yo nyu nde, wo ji ki sukdu ne tepsu pe gato Yefun Allah imo ne.

Efesus 3:1

Sane ji, gato gum do Paulus ré, ji werwa duno nin yewis yi subere nin onyar kem mo Yesus Kristus anato ye sok ji mo sel ne.

Suk Gato Yerasul Ben Ne 20:23

Suk gato ji jam anato sukdu gato Yefun Allah Gen ki nai ji sare do, bere ji ku sukye, ete ye sok ji mo penjara mo kota mwa ne sino.

1 Yohanes 3:14

Men bi sukjimnut sye kas subot men bi nji mo Kristus bi rus-i anato men jam do, men tepsu ye gato bere kwop o nde, men sok mo biris bi yekwesu bi de-i o nde, wo men sok mo Yefun bi de-i o re, men tepsu ye gato kem ndo to kapyo mato kapyo it. Sarewo ye gato bi sukjimnut sye yo kas subot ye yi nde, bere ye ne yo kem gesyos nde, wo bere an kwop rut re.

2 Petrus 1:13

Sane ji kem mo bur ré tó yo, ji nut do, ndo sa, ji wergat nin, ji ki suknapa subere nin nutbot sukdu gato nin jam ne mwa o et.

1 Petrus 4:13

Nin nutbot sukye ne teker eta nde, wo nin mit at wa sor, we ben sato nin si Kristus ku sukye ne sino. Sane bere su kam gato Kristus kadum An bi suktinggi bor mo bur ré, nin mit at wa wai o re.

Ibrani 3:1

Sane ji bi nji, ji bi nyanggon, nin si men sino anato yé gato Yefun Allah nai sok mo An bi rus-i. Sane men nutbot Yefun Yesus sisu ndo o et. Yefun Allah syogat Yesus Kristus gwat Yefun bi sukdu ne ma wa men tepsu Yekwesu gato gum kok wai mo Yefun Allah bi nu. An sa, tepsu yegweswai wa men si Yefun Allah gato men onyar kem mó.

2 Timotius 1:8

Sane nan nyuwa nan ki sukdu subot men bi Yekwesu Yefun Yesus nai nje nde. Nan damen wa ji gato ye grem mo sel ré nde, we ji ki subot os ndo gato Yesus Kristus kak ne anato ye grem ji mo sel more. Nan ki subot os ndo gato Yefun Yesus kak wa men yetu ne, nan nyuwa nde, wo Yefun Allah ete ben nan nggiwa nan waii ku sukye mone sato ji ku re.

1 Tesalonika 5:5

we nin sino ben nin bi suk-i ne bor su nombrak, sane nin tepsu ye gato kem mo pe gato rer sor. Men ben men bi suk-i ne, tepsu ye gato kem mo ndendu nde. Yé ne ben an bi suk-i su noru subere an gurik sukibit gato an ben ne.

Kolose 4:3

Nin do ki suk su Yefun yo, nin ki suk su Yefun wa men more dom, subere Yefun Allah kak os ndo wa men ki sukdu subot Kristus ne frek subot ye yi neya. Sukdu ne, suga nyim neya Yefun Allah gurik re. Ji kibot sukdu ne anato ye sok ji mo sel.

Efesus 4:1

Sane, ji gato gum do Paulus ré, gato yé bok mo sel, we ji ben Yefun bi suk-i, ji ki sare do, Yefun Allah nai nin wa nin sok mo An bi rus-i tepsu An bi pá-i. Sane nin ben suk tepsu Yefun bi pá-i ne et. Nin jammo suk gato ji ki ré et.

Galatia 5:6

Yesus Kristus kak os wa men anato men sok mo Yefun bi rus-i it. Sane yo, kapre men simo sunat e, men simo sunat nde e, suk ne yo ós men nde. Wo suk dik yo sor re anato tep wa ós men, sare do, men onyar kem mo Kristus. Men onyar kem mo Kristus sane sa, bere men ben sukndo su ye yi neya sor, bere yé mwa ne me bor re.

2 Korintus 3:2

suk gato nin dakai ben bor ne anato tepsu surat subot men ne it. Surat ne, ben sato nin krom mo men mit it. Yé mwa ne sino ma baca, yé mwa ne jam re, ye yo mitmo surat gato ye krom mo kertas det nde.

1 Korintus 13:7

an yo kibot sukibit gato ye yi ben ne nde, an nutbot ye yi su sukjimnut gato ndo; an kwabom kam mo ye yi do, bere ye ne ben bi suk-i tepsu Yefun Allah mit mone tó, an yo misyar ye yi nde, wo an bi sukjimnut sye kas subot ye yi pe sor.

1 Korintus 9:23

Ji ben suk mwa ré subere yé mwa sibot os ndo gato Yesus Kristus kak ne, subere ji si ye gato jammo sukdu ne, men sino ku suk gato ndo kadit Yefun mone.

Suk Gato Yerasul Ben Ne 21:33

Yesukmise bi padosye ne ma but Paulus. An syaugat ye rai Paulus su rantai koi we. Orge an ndobot nje mone do, ”Ye gare gum sa u ne? Ye gare ben suk sato suma anato nin gu an ne?”

1 Petrus 5:1

Ji ré anato tepsu yekwesu mo nu ari dik yo. Ji dakai me sukye gato Kristus ku su ji gro re. Bere mo Yefun Allah bi nat-i ji sisu Kristus ku suk gato ndo wai o mone. Sane ji kiwa nin, yekwesu mo nu ari, nin jammo suk gato ji ki ré et, sare,

Filipi 1:12

Ji bi nji, ji bi nyanggon gato onyar kem mo Yesus Kristus, ji iwa nin jam do, sukye gato ji ku mo sel ré kak os wa yé mwa jam ete onyar kem mo sukdu subot os ndo gato Yesus Kristus kak wa men yetu ne.

Filipi 1:13

Kadit yé bok ji mo sel ré anato yesukmise mwa ne sino gato mewa ji mo gubernur bi nu si ye yi dom jam do, yesukmise ne rai ji more mo gato ji ki sukdu subot Yesus Kristus.

Filipi 1:14

Yé rai ji mo sel ré sane anato Yefun ós ye gato onyar kem mo Yefun Yesus mo kota ré, bergan yé mwa ne sino, án yo nyuwa ki Yefun Allah bi sukdu saga nyim ne o nde. Án yo nokwa nje gato ben sukye nai án o nde.

Filipi 2:22

Nin dakai jam do, Timotius ré, an ye gato ben sukndo, we ji si Timotius mu ki sukdu subot os ndo gato Yesus Kristus kak ne nai yé mwa jam re. Timotius si ji mu mone, tepsu pa gato simo bi Ai, ben suk sino.

Filipi 4:3

Sane dom, ji ndek mo Sunsugus do, ”Nan si ji ben Yefun Yesus bi suk-i sino mó re, ji onyar kem mo nan. Sane Sunsugus, ji ndekwa nan tepsu yegweswai wa nggon we ne et, we nggon we ne si ji ben suk sino, men ki sukdu subot os ndo gato Yesus Kristus kak ne nai ye yi jam re.” Sugane an we wergat nggwa wa ós ji ki subot sukdu ne. An we sor nde, wo Klemens si yetu ge bok yo ós ji ki subot sukdu ne. Yé bok gane, Yefun Allah krom án gum mo An bi Buku Yegesyos re.

Filipi 4:15

Ji bi nji, ji bi nyanggon gato kem mo Filipi, nin dakai jam do, subot os ndo gato Kristus kak wa men yetu ne, ji ba duno nin nyim, orete ji mu kadit nin bi bur-i mo Makedonia sa, nin yé gato onyar kem mo Yefun Yesus mo nu ari mone sor ete ós ji. Nin sor si ji tepsu yedik, ete nin syo suk wa ji, tepsu nin si ji ben suk sino.

Filemon 1:13

Ji da syogat pa ba wa nan, sarewo ji iwa pa si ji kem more subere pa ós ji win nan. Ji ki sukdu subot os ndo gato Yesus Kristus kak wa men yetu anato yé bok ji mo sel, sane ji iwa pa kem su ji subere pa ós ji more.