Filipi 1:5 - Abun Scripture

⁵ Ji mit at wa ji ki suk su Yefun wa nin, we nin ós ji mu frot sukdu subot os ndo gato Yesus Kristus kak wa men yetu ne nai ye yi jam, kadit kam ketke gato nin onyar kem mo Yefun sor kom mo kam ré.

Filipi 1:5 Referans Kwoze

Ibrani 3:14

Tepsu men onyar kem pe mo Yefun Yesus su ketke ne, men waii werwa men onyar kem pe mo Yefun sane sor kom mo pe gato or mó. Sane bere men sino si Yesus Kristus tepsu dik mo suk mwa gato An ben ne.

Filemon 1:17

Sane nan nut mo ji do, nan si ji tepsu yedik mo Kristus bi de-i it yo, nan kak nan mit wa Onesimus satu ba tepsu nan kak nan mit wa ji ba ku nan.

Filipi 1:7

Ji mit at wa nin, ji jimnutbot nin anato ndo, we ji gen ne kem pe su nin mone re. Sane dom, ji jimnotku nin, we yé bok ji mo sel more yo, ji duno nje su sukdu subot os ndo gato Yesus Kristus kak ne yo, ji ki rer subot sukdu ne nai ye gato duwer ji mo sukdu ne yo, nin si ji tepsu dik wa ben suk gato Yefun Allah fro wa ji ben ne sino.

1 Yohanes 1:3

Suk gato men me si men jam ne, sukdu ne anato men waii ki nai nin jam subere nin si men tepsu yedik mo Yefun bi de-i. Men ki nai nin jam subere nin si men si men bi Ai, Yefun Allah sisu An bi Gan, Yesus Kristus sino tepsu dik.

Efesus 3:6

Sukdu gato Yefun Allah Gen ki ne bor it anare. Suga nyim tuya Yefun Allah fro os gato ndo wa yewis ye Yahudi sor re, wo su ré An syogat Yesus Kristus kak os ndo ne wa nin yewis yi gato jammo sukdu ne dom. Sane anato nin si ye Yahudi ne sino ku suk gato ndo kadit Yefun Allah. Nin yewis yi si ye Yahudi ne tepsu yedik mo Yefun Allah bi rus-i, ete suk gato Yefun Allah tom su ye Yahudi ré, An benbot su nin yewis yi ne dom. Suk mwa gato Yefun Allah fro wa ye Yahudi ne, Yesus Kristus anato kak os wa yewis yi ne waii ku dom.

2 Korintus 8:1

Men bi nji, men bi nyanggon, men iwa nin jam sukdu subot sukndo gato Yefun Allah ben su yé gato onyar kem mo Yefun Yesus gato sum mo nu ari bok yo mo bur Makedonia et. Yefun Allah ben sukndo su án dakai yi sor.

Roma 15:26

Ji gwat sugum gato nje mo nu ari mo bur Makedonia si bur Akhaya sum ne. Án mit iwa án sum sugum wa ós ye gato onyar kem mo Yefun Yesus deyo gato yewa suk mo kota Yerusalem.

1 Yohanes 1:7

Sarewo men ben men bi suk-i ne ndo, men ben suk tepsu ye gato kem mo pe gato rer, mo Yefun Allah bi de-i yo, men sino kem ndo su yu tepsu yedik mo Yefun bi rus-i it anane. Yefun Yesus kwop wa sukibit gato men ben ne, ben sato Yefun Allah bi Gan dé mus men bi siri or wé kadit men re.

2 Petrus 1:1

Ji gato gum do Simon Petrus anato krom surat ré wa nin. Ji anato tepsu Yesus Kristus bi pakwerut. Yesus Kristus bes ji gum yerasul. Ji krom sukdu ré wa nin yé gato si men sino onyar kem mo Yesus Kristus. Yesus Kristus gato kak os wa men kem ndo kadit bot gesyos ne, Yesus Kristus gato tepsu Yefun Allah gato jom men ne, An ben An bi suk-i ri-roi su men sino anato nin onyar kem mo An tepsu men re.

Filipi 2:12

Sane yo, nin, ji bi yesyim gato ji jimnotku, nin benbot ji bi sukduno gato ji ki ré et. Yefun Allah anato nai nin sok mo An bi rus-i wé kadit bot gesyos it, sane nin ben nin bi suk-i tepsu yé gato jammo An et. Suga ji kem su nin tó yo, nin benbot ji bi sukdu petok sor. Sarewo su ré ji yo kem su nin nde, sane nin jammo ji bi sukduno pe, tepsu ji kem si nin tó. Mo suk mwa gato nin ben ne, nin jammo Yefun Allah sor, nin bi nin nggwa mo An, nin ben suk tepsu An mit,

1 Korintus 1:9

Yefun Allah ben An bi suk-i tepsu An tom su men ne. Yefun Allah kendo nin subere nin si An bi Gan gato men bi Yekwesu Yesus Kristus ne tepsu dik.

Roma 11:17

Men ye Yahudi tepsu kwe zaitun guk gato ye tot wé. Orete ye gwat kwe zaitun gato dakai kom mo nden guk-i bok yo ma but dom kweke win kwe zaitun guk gato ye tot wé ne. Nin yewis yi tepsu kwe zaitun guk gato ye gwat kadit nden ne ma. Yefun Allah but nin yewis yi dom kweke ne subere nin waii ku suk mwa gato ndo kadit kwe zaitun ke ne, tepsu nin ku os wa nin sok mo Yefun Allah bi rus-i anane.

Suk Gato Yerasul Ben Ne 2:42

Sane ye gato onyar kem mo Yefun Yesus ne werwa án jam yerasul bi sukduno-i si án mit dik án onyar dik, subere án sino jamwa pe. Kamdik-kamdik án mit iwa án sum sino petok sor, án git sino, án git roti wa napawa Yefun Yesus, án ki suk su Yefun sino.

Roma 12:13

Men ós Yefun Allah bi rus-i dogato yewa suk. Men kendo ye Kristen gato men jam nde ma si men sem mo men bi nu-i, men bambrai wa nde, wo men mit iwa sor.

Filipi 1:12

Ji bi nji, ji bi nyanggon gato onyar kem mo Yesus Kristus, ji iwa nin jam do, sukye gato ji ku mo sel ré kak os wa yé mwa jam ete onyar kem mo sukdu subot os ndo gato Yesus Kristus kak wa men yetu ne.

Filipi 1:16

Ye gato mit kwo ne, án ki sukdu subot Yesus Kristus, we án bi sukjimnut sye kas subot ji si Yefun Allah sino. Án ki sukdu subot Yesus Kristus, we án jam do, Yefun Allah bes ji wa ji ki rer subot os ndo ne sare do, os ne sangge.

Filipi 1:27

Yé sombok ji yo, ji kem more tó yo, nin ben nin bi suk-i tepsu sukdu subot os ndo gato Yesus Kristus kak ne sor. Nin ben suk tepsu sukdu gato ji duno nin su ne. Ji iwa nin ben nin bi suk-i sane subere ji ba ku nin yo, ji yo ba ku nde yo, ji jam sukdu subot nin do, nin tepsu dik wa nin jom Yefun bi sukdu-i pe sor. Nin mit dik si nin onyar dik wa nin duwer ye gato bariwa sukdu subot os ndo ne. Nin onyar kem mo sukdu ne pe sor.

Filipi 2:22

Nin dakai jam do, Timotius ré, an ye gato ben sukndo, we ji si Timotius mu ki sukdu subot os ndo gato Yesus Kristus kak ne nai yé mwa jam re. Timotius si ji mu mone, tepsu pa gato simo bi Ai, ben suk sino.

Filipi 4:3

Sane dom, ji ndek mo Sunsugus do, ”Nan si ji ben Yefun Yesus bi suk-i sino mó re, ji onyar kem mo nan. Sane Sunsugus, ji ndekwa nan tepsu yegweswai wa nggon we ne et, we nggon we ne si ji ben suk sino, men ki sukdu subot os ndo gato Yesus Kristus kak ne nai ye yi jam re.” Sugane an we wergat nggwa wa ós ji ki subot sukdu ne. An we sor nde, wo Klemens si yetu ge bok yo ós ji ki subot sukdu ne. Yé bok gane, Yefun Allah krom án gum mo An bi Buku Yegesyos re.