Filipi 1:22 - Abun Scripture

²² Ji do kem mo bur ré yo, bere ji ben suk mwa gato ndo tó. Sane ji nutbot or et. Kwa u ana ndo wai ne? Ji kwop bado, ji mbau bado, ji jam nde tó.

Filipi 1:22 Referans Kwoze

1 Petrus 4:2

Sane nin kem mo bur ré yo, nin benbot suk gato Yefun Allah mit iwa ne kadit suk gato yetu iwa ne nde.

Galatia 2:20

Ben sato ji si Yesus Kristus kwop sino mo kwesukwin it. Sane ji dakai anato kem ré nde, wo Yesus Kristus anato kem mo ji mit. Ji onyar kem mo Yefun Allah bi Gan gato bi sukjimnut sye kas subot ji ete bi An nggwa kwop wa ji anato ji nggiwa ji kem mo bur ré re.

Filipi 1:24

Kwa dowe anato ji kem mo bur ré subere ji ós nin tó, we nin mitmo ji ós nin tó.

Suk Gato Yerasul Ben Ne 3:17

Ji bi nji, ji bi nyanggon, ji jam do, nin si nin bi yekwesu yo jam suk gato nin ben kom mo pe yo nde anato nin ben sukye nai Yefun Yesus,

2 Korintus 10:3

Sangge, men kem mo bur ré, sarewo yetu ge bok yo duwer men yo, men duwer yé bok ne satu tepsu yetu gato kem mo bur ré duwer nje nde, wo men duwer yé bok ne su Yefun bi os-i ne sor.

Kolose 2:1

Ji iwa nin jam do, ji wergat ji nggwa wa ji ben sukndo su nin si ye gato kem mo kota Laodikia, si yé yi neya gato yo ku ji nde tó.

Roma 11:2

Yefun Allah yo misyar An bi yetuge-i gato An fro su ketke ne nde. Nin jam suk gato ye krom mo Yefun Allah bi sukdu subot Elia bado? Tomgato Elia ki subot sukibit gato ye Israel ben ne, Elia ki nai Yefun Allah sare do,

Roma 1:13

Ji bi nji ji bi nyanggon ji mit iwa nin jam do, ji da fro os wa ji ba ku nin wam bok yo, sarewo kom more suk yo kwa wa ji petok sor. Ji iwa ba ku nin subere ji duno nin subot Yefun Yesus subere nin ge bok yo o waii sok mo Kristus bi yetuge-i, tepsu ji duno yewis yi neya gato tara kadit ye Yahudi ne, ete yé bok yo mone sok mo Kristus bi yetuge-i ne mó re.

Filipi 1:23

Ji nutbot os kwa we ré tó. Ji jam nde os u anato ndo wai ne? Kwa dik yo anato ji iwa ji mu kadit bur ré, ete ji mu kem su Yesus Kristus. Ji nut do, ji do si An kem sino it yo, ndo wai o re anane.