Filipi 1:19 - Abun Scripture

¹⁹ we ji jam do, bere yepasye sombok ji kadit sukye gato ji ku mo sel ré. Nin ki suk su Yefun wa ji, sane bere Yefun Gen ós ji dom anato ji jam do, bere yé sombok ji re.

Filipi 1:19 Referans Kwoze

Roma 8:28

Men yé gato bi sukjimnut sye kas subot Yefun Allah ne, men jam do, mo suk mwa ne sino gato bor mo men, bere kom mo rut, Yefun Allah fro suk mwa ne ndo wa men yé gato simo os ndo gato An fro ne.

Suk Gato Yerasul Ben Ne 16:7

An we mu kom mo bur Misia sa, an we iwa an we mubot bur Bitinia, sarewo Yefun Yesus Gen duyawa an we ware, an we mu mone nde.

2 Korintus 1:11

Sane nin ós men dom, nin ki suk su Yefun wa men et, subere Yefun Allah mewa men tepsu nin si yé mwa neya benadi wa men ne. Sane bere Yefun Allah ben sukndo su men, ete bere nin si yé mwa ne sino un Yefun Allah mone.

Galatia 4:6

Men anato Yefun Allah bi pá-i, sane anato Yefun Allah syo An bi Gan Gen bok nggwa mo men mit. An bi Gan Gen ben men ki su men mit dik nai Yefun Allah do, ”Ai o, Ji bi Ai o.”

Roma 8:9

Nin dakai sa, sukjimnut gato tik nin mit wa nin ben sukibit ne yo jom nin o nde, wo Yefun Allah Gen jom nin sor re. Yefun Allah Gen do kem pe mo nin mit yo, bere An jom nin re. Wo Yefun Allah Gen yo kem mo nin mit nde yo, bere An yo jom nin nde. Ye gato Yefun Allah Gen yo kem mo an mit nde yo, ye ne yo sok mo Yesus Kristus bi yetuge-i nde.

1 Korintus 4:17

Sane ji syogat Timotius ba ku nin mone subere an duno nin subot suk gato ji ben ne. Timotius anato tepsu ji bi pa gato ji jimnotku. Pa ne ben bi suk-i ri tepsu Kristus mit. Bere Timotius duno nin satu o subere nin napawa suk gato ji ben tepsu ye gato onyar kem mo Yesus Kristus ne. Ji dom duno nje mo nu ari mwa mo pe mwa ne sino gato ji mu mone, subere án waii benbot suk gato ji ben ne.

1 Petrus 1:11

Yenabi bok ne jam sukdu subot sukye gato bere Kristus ku ne. Kristus Gen bok nggwa mo yenabi, ete ki sukdu napyo nai yenabi bok ne jam re. Yenabi jam do, bere ye bes Kristus gum kok mo os ndo gato An kak ne. Sane yenabi werwa án jam kom mo mit o et, án ndobot do, ”Os ne bere Yefun kak sa u ne? Kam ot ete bere Yefun kak os ne?” Yenabi ne ndobot, sarewo án yo jam sukdu mwa ne or sino nde.

Galatia 3:5

Nin onyar kem mo Yefun Yesus anato Yefun Allah Gen bok nggwa mo nin ete ben nin nggiwa nin ben suk gato ben nje yeket bado? Nin wergat nin nggwa wa nin benbot ye Yahudi bi sukduno-i anato Yefun Allah Gen ben nin nggiwa nin ben suk gato ben nje yeket bado? Sane nde, wo nin jam sukdu subot os ndo gato Kristus kak ne, ete nin onyar kem mo An, sane anato Yefun Allah Gen bok nggwa mo nin ete ben nin nggiwa ben suk gato ben nje yeket ne.

Filipi 1:18

Sarewo suk yo o nde! Ji do ku sukye mwa wai o it yo, suk yo o nde, sarewo suk gato ndo wai anato yé ki sukdu subot Kristus nai yé mwa jam sor. Kapre ye gato ki subot Kristus, ye deyo bi sukjimnut ibit e, ye deyo bi sukjimnut ndo e, yé ki subot Kristus nai yé mwa jam anato ji mit at wa. Sane dom ji mit at wa pe sor,