Filipi 1:13 - Abun Scripture

¹³ Kadit yé bok ji mo sel ré anato yesukmise mwa ne sino gato mewa ji mo gubernur bi nu si ye yi dom jam do, yesukmise ne rai ji more mo gato ji ki sukdu subot Yesus Kristus.

Filipi 1:13 Referans Kwoze

2 Timotius 2:9

anato ji ku sukye re. Ye rai ji su rantai tepsu ye rai ye gato ben sukibit. Sarewo ye yo bi os wa ye rai Yefun Allah bi sukdu ne su rantai nde.

Efesus 3:1

Sane ji, gato gum do Paulus ré, ji werwa duno nin yewis yi subere nin onyar kem mo Yesus Kristus anato ye sok ji mo sel ne.

Filipi 1:7

Ji mit at wa nin, ji jimnutbot nin anato ndo, we ji gen ne kem pe su nin mone re. Sane dom, ji jimnotku nin, we yé bok ji mo sel more yo, ji duno nje su sukdu subot os ndo gato Yesus Kristus kak ne yo, ji ki rer subot sukdu ne nai ye gato duwer ji mo sukdu ne yo, nin si ji tepsu dik wa ben suk gato Yefun Allah fro wa ji ben ne sino.

Efesus 6:20

Yefun Allah bes ji wa ji mu ki An bi sukdu-i subot os ndo gato Yesus Kristus kak wa men mo bur ré, anato ye rai ji, ete ye sok ji mo sel. Sane nin ki suk su Yefun wa ji subere ji nggiwa ji ki sukdu ne, ete ji yo nyu nde, wo ji ki sukdu ne tepsu pe gato Yefun Allah imo ne.

Suk Gato Yerasul Ben Ne 26:29

Paulus ki do, ”Bergan yo o, ndo yo, nam o, ndo yo, wo ji ki suk su Yefun subere nan sor nde, wo yé bok ne sino gato jam suk gato ji ki su kam ré nai sukjimnut wa án jammo Yefun Yesus tepsu ye Kristen. Ji iwa yé bok ne sino ye Kristen tepsu ji, wo ji bari yé rai án sino su rantai sato yé rai ji su ne.”

Filipi 4:22

Ye gato onyar kem mo Yesus Kristus gato kem mo kota ré, án sino ki ndo mo nin. Yé gato ben suk mo Kaisar bi nu more, án ki ndo mo nin dom.

Suk Gato Yerasul Ben Ne 28:30

Paulus kem mo nu gato an bi sugum wa ye gato bi nu ne sor kom mo tahun we. Paulus mit iwa ku yé mwa gato ma wa ku an mo nu ne.

Suk Gato Yerasul Ben Ne 28:20

Sane anato ji kendo nin ma wa men kibot sukdu ne. Ji kwabom kam mo Ye gato ma wa kak os ndo wa Yefun Allah nai men gum sok mo Yefun Allah bi rus-i do, Ye ne ma tepsu ye Yahudi bok ne sino eswa An ma ne. Kadit ji kwabom kam mo Ye ne anato ye rai ji su rantai ré.”

Suk Gato Yerasul Ben Ne 28:17

Kam gri rek or, Paulus kendo ye Yahudi bi yekwesu ma sum mo an bi nu. Yenggras bok ne ma sum sino, ete Paulus ki nai án do, ”Yenggras, ji bi nji, ji yo ben sukibit nai men ye Yahudi nde, ji yo ben siri kadit men bi amui bi sukduno-i nde, wo ye but ji mo Yerusalem, ete syo ji mo ye Roma syim.

Suk Gato Yerasul Ben Ne 26:31

or án sino mu kadit nu ne. Án sino mu saresa, án ki nai yu do, ”Ye gare yo ben suk tepsu men syogat ye gu an kwop nde. An yo ben suk tepsu men sok an mo penjara dom nde.”

Efesus 4:1

Sane, ji gato gum do Paulus ré, gato yé bok mo sel, we ji ben Yefun bi suk-i, ji ki sare do, Yefun Allah nai nin wa nin sok mo An bi rus-i tepsu An bi pá-i. Sane nin ben suk tepsu Yefun bi pá-i ne et. Nin jammo suk gato ji ki ré et.

Filipi 1:30

Su ré yé gato bariwa Yesus Kristus, án ben sukye nai nin tepsu wam ga nyim nin me do yé ne ben sukye nai ji dom. Su ré dom, nin jam do, ye gato bariwa Yesus Kristus ne ben sukye nai ji tó.