Filipi 1:11 - Abun Scripture

¹¹ Ji ndek mo Yefun subere An ós nin subere suk mwa gato nin ben ne ndo sino tepsu Yefun Allah mit, sukibit yo mo nde, subere yé mwa un Yefun Allah ete bes An gum kok mo suk gato nin ben ne.

Filipi 1:11 Referans Kwoze

Ibrani 12:11

Men bi yenggras duno men, ete kwam men yo, sugane men nut do, yenggras kwam men yo tepsu men mit nde, men kaim yó ete men bi sukjimnut waiyu ndo nde. Sane dom, Yefun Allah syo sukye nai men mo sukibit gato men ben ne yo, men yo iwa nde. Sarewo kom mo rut, men jammo sukduno gato yenggras kwam men mone sa, sukduno ne kak os ndo wa men, anato men ben men bi suk-i ndo tepsu Yefun Allah mit, men kem ndo, men kwabom dek bot suk yo mo nde.

Yohanes 15:8

Nin do ben suk mwa gato ndo, tepsu bo mwa gato kom yo, nin tepsu Ji bi pakon gato sangge, ete bere yé bes Ji bi Ai gum kok sye wai o mone re.

Kolose 1:10

Men ki suk su Yefun wa nin sane subere nin kem mo bur ré, nin ben nin bi suk-i tepsu Yefun Allah mit, nin ben suk gato An iwa nin ben ne petok sor. Nin ben sane yo, bere suk gato bor kadit suk mwa gato nin ben ne ndo sino, bere nin jam Yefun Allah sisu ndo wai o kadit nyim neya o re.

Filipi 4:17

Ji yo ki subot suk gato nin syo nai ji ré subere nin syo suk yo o nai ji nde. Wo sukndo gato nin ben ne, ji iwa nin ben mwa wai o subere Yefun Allah waii ben sukndo nai nin mwa wai o dom et.

Kolose 1:6

Sukdu subot os ndo gato Yesus Kristus kak ne, ye ki frekbot yé mwa jam mo bur ré iwedewe re, anato ye mwa ne napyo simo os ndo ete ku sukndo mo sukdu ne re. Sane dom, nin waii jammo sukdu ne. Kadit kam ketke gato sukdu ne frekbotnin sa, nin simo os ndo ete nin ku sukndo mone re. Nin jam rer do, kapre nin yo ben suk yo nyim wa Yefun Allah nde, An dakai bi sukjimnut sye kas subot nin sor. Sukdu ne nin jam kom mo mit re.

Roma 6:22

Sarewo su ré, Yefun Allah sombok nin wé kadit sukjimnut ibit gato jom nin ne it. Nin tepsu Yefun Allah bi pakwerut it. Mone nin ku suk gato ndo anato Yefun Allah nai nin wa nin ben Yefun Allah dakai bi suk-i sor, ete kom mo rut sa, bere nin kem ndo to kapyo mato kapyo.

1 Petrus 2:9

Wo nin sa, Yefun Allah nai nin tepsu An dakai bi rus-i it. Nin anato tepsu yewis gato Yefun Allah bes tepsu yesu mo Yefun Allah bi nu wa nin ben suk wa Yefun gato gum kok wai o re. Nin anato yewis gato Yefun Allah fro tepsu An bi rus-i wa nin ben An bi suk-i sor. Yefun Allah kiwa nin mu kadit pe gato ndendu ma mo An bi pe gato rer ndo yé. Sane nin ki subot suk gato An ben ndo wai ne nai ye yi jam.

2 Tesalonika 1:12

Men benadi sane, subere yé bes men bi Yekwesu Yefun Yesus gum kok sye wai mo suk gato nin ben wa An. Sane dom, Yefun Yesus waii bes nin gum kok mo suk gato nin ben ne, we Yefun Allah si men bi Yekwesu Yesus Kristus ben sukndo su nin.

Efesus 5:9

Nin kem mo pe gato nden rer it yo, bere nin ben nin bi suk-i ne ndo bor wa nje me, tepsu kwe syesyar i-bo, bere nin ben suk sato ré: nin ben sukndo su nje, nin ben nin bi suk-i ndo tepsu Yefun Allah mit, nin ben nin bi suk-i ri-roi sor.

Efesus 1:14

Yefun Allah Gen bok nggwa mo men, sane mone men jam rer do, suk mwa gato An tom su men ne bere men ku mone tó. Yefun Gen bok nggwa mo men, sane mone men jam do, sangge, kom mo rut, Yefun nai men yé gato sok mo An bi rus-i ne wé kadit sukye mwa mo bur ré, ete men si An kem sino. Yefun Allah ben An bi suk-i ndo yé wai o re, sane men bes An gum kok mone sor.

1 Korintus 10:31

Sane ji bi sukdu-i sare, nin git sugit e, nin da syur e, suk mwa gato nin ben ne sino yo, nin ben wa nin bes Yefun Allah gum kok sor.

Matius 5:16

Sane dom, nin tepsu sukru gato rer ku nje et, subere yé me sukndo gato nin ben ne, ete yé un men bi Ai mo gu o re.”

1 Petrus 4:14

Yé kabor nin mo suk gato nin ben tepsu Yesus Kristus bi yetuge-i ne yo, bere Yefun ben sukndo su nin mone. Sane nin mit at wa sor, we Yefun Allah Gen gato nggi wai ne sisu nin mone petok sor.

1 Petrus 2:12

Nin si yé gato jam nde Yefun Allah kem mo bur ré yo, nin werwa nin ben nin bi suk-i ne ndo wai, subere kapre án iwa ki nin gum ibit yo, án yo ku os wa án ki nin gum ibit mó nde, wo án me do, nin sa, ben sukndo. Sane bere su kam gato Yefun ma wa ndobot men yetu mo bur ré, bere án bes Yefun Allah gum kok sye wai mo sukndo gato nin ben ne.

1 Petrus 2:5

Nin dom, nin tepsu jok mwa gato mbau. Ben sato yé nggo Yefun Allah bi nu su nin. Sane nin tepsu yesu gato ben Yefun Allah bi suk-i mo An bi nu ne. Yesus Kristus kak os wa nin subere nin syo suksom gato tepsu Yefun Allah mit mo nu ne.

Efesus 2:10

Yefun Allah anato ut men re. An syo Yesus Kristus ma kak os wa men sok mo An bi rus-i. An ben men nggi mone subere men ben sukndo gato An fro wa men ben ne.

Efesus 1:12

Yefun ben An bi suk-i sane subere men yé gato kwabom kam mo Kristus nyim kadit ye yi ne, men nutbot Yefun Allah gato ben bi suk-i ne ndo yé, ete men bes An gum kok mone sor.

2 Korintus 9:10

Yefun Allah gato fro sukjan gro si sugit wa men, An dom syo sukjan gro mwa gato men mit mone, An ben sukjan ne kom ndo, ete men ku i-gro mwa o mo naprut. Sane dom, men ben men bi suk-i ne ndo, men iwa syo suk nai nje, bere Yefun Allah syo suk mwa gato ndo o nai men satu, tepsu sukjan bo gato ndo ne syesyar i-bo mwa o mo naprut.

Yohanes 15:16

Nin anato bes Ji gum Yekwesu wa nin nde, wo Ji anato bes nin gum pakon wa Ji. Ji bes nin, orete Ji syogat nin mu ben suk mwa gato ndo, tepsu kwebo bor mo kweguk. Ji syogat nin ben sukndo gato tepsu kwebo gato bere yo ibit nde, wo bo gato kem pe sor. Nin ben sukndo gato kem pe, sane bere suk to nin ndek mo Ji bi Ai, ete nin ki Ji gum mó yo, bere Ji bi Ai syo nai nin re.

Yohanes 15:2

Ji bi Ai tot kwe anggur guk gato yo bo mo nde ne wé. Ji bi Ai me i-guk gato bo mó yo, An mbron i-nat napyo wé, subere i-guk ne ndo wa bo mwa o.

Roma 15:28

Sane bere ji mu mo Yerusalem, ete ji syo sugum mwa ne sino nai yé gato kem mone. Ji ben suk gato ye syogat ji ben ne or yo, ji mu mo bur Spanyol it anane. Ji do mu mone yo, bere ji ba ku nin mo nin bi kota-i, ete ji wai kadit nin mu mo bur Spanyol.

Titus 3:14

Men bi nje-i gato men duno ne, án ben suk gato ndo sor, subere kamdik-kamdik án ku suk gato án mitmo ne, subere án kem mo bur ré, án bambrai wa ben suk nde.