Filemon 1:9 - Abun Scripture

⁹ ji yo syaugat nan nde, wo ji ndek mo nan sor re, we ji bi sukjimnut sye kas subot nan. Ji, gato gum do Paulus, ré ne ji yenggras rok it, ye rai ji, orete ye bok ji mo sel mo gato ji ben Kristus bi suk-i.

Filemon 1:9 Referans Kwoze

Efesus 4:1

Sane, ji gato gum do Paulus ré, gato yé bok mo sel, we ji ben Yefun bi suk-i, ji ki sare do, Yefun Allah nai nin wa nin sok mo An bi rus-i tepsu An bi pá-i. Sane nin ben suk tepsu Yefun bi pá-i ne et. Nin jammo suk gato ji ki ré et.

2 Korintus 5:20

Sane Yefun Allah bi suktaru subot os be gato Kristus kak ne, men anato mu ki napyo nai nje jam. Yefun anato kendo yetu mwa ne ma wa si An kem ndo mo sukdu gato men ki ne. Sane nin jammo sukdu subot Kristus gato men ki ré et: Nin bariwa nde, wo nin sibot os be subere nin si Yefun Allah kem ndo su yu se!

Roma 12:1

Sane, ji bi nji, ji bi nyanggon, Yefun Allah dakai jimnotku men anato An yo ben suk su men tepsu sukibit gato men ben su An nde, wo An ben sukndo su men sor. Sane nin benbot suk gato ji ki ré et: Tepsu suga nyim yé gu suge kwop wa yé som Yefun su ne, su ré men bi men nggwa su mbau wa men som Yefun su et. Men werwa men bi men nggwa wa men ben Yefun bi suk-i tepsu An mit sor. Men som Yefun Allah su sangge it anane.

Efesus 3:1

Sane ji, gato gum do Paulus ré, ji werwa duno nin yewis yi subere nin onyar kem mo Yesus Kristus anato ye sok ji mo sel ne.

1 Petrus 2:11

Ji bi nji ji bi nyanggon gato ji jimnotku, nin tepsu yedamok gato muya-muma mo bur ré. Sane nin jammo suk gato ji krom ré et, nin ben suk ket nin í ne o nde. Suk gato nin ben ket nin i ben sato ben sukndi su nin bi sukjimnut gato ndo mo nin mit ne.

Ibrani 13:19

Ji dakai ndek mo nin do, nin ki suk su Yefun nggi wai o wa ji, subere yo nam nde ge, Yefun Allah kak os yo wa ji satu ba ku nin mone kekro et.

2 Korintus 6:1

Men anato ye gato ben Yefun Allah bi suk-i, sane men ki nai nin do, nin kamo su os ndo gato Yefun Allah dakai fro yi wa nin nde. Yefun Allah dakai fro os ne wa nin, nin yo ben suk yo nyim wa An nde, sane nin misyar os ndo ne nde, wo nin simo os ne sisu sangge sor.

Galatia 3:26

Nin onyar kem mo Yesus Kristus, sane anato nin tepsu Yefun Allah bi pa-i mone it.

Efesus 6:20

Yefun Allah bes ji wa ji mu ki An bi sukdu-i subot os ndo gato Yesus Kristus kak wa men mo bur ré, anato ye rai ji, ete ye sok ji mo sel. Sane nin ki suk su Yefun wa ji subere ji nggiwa ji ki sukdu ne, ete ji yo nyu nde, wo ji ki sukdu ne tepsu pe gato Yefun Allah imo ne.

1 Timotius 1:12

Ji ki ndo mo men bi Yekwesu Yesus Kristus. An syo suktinggi nai ji wa ji ben An bi suk-i re. An nut mo ji do, ji sa, bere ben An bi suk-i ri tepsu An mit anato An bes ji wa ji ben An bi suk-i re,

Titus 2:2

Nan duno yebris gato sye nyim kadit nan sare do, án mewa nggwa kadit nau, án ben án bi suk-i ndo, subere ye un án gum mone. Án mewa nggwa kadit sukibit. Án jowa Yefun Allah bi sukduno gato sangge ne pe mo án mit sor. Án bi sukjimnut sye kas subot yé mwa ne tepsu yu. Án ku sukye yo, án misyar Yefun nde, wo án simo Yefun pe sor. Nan duno yenggras sane.