Filemon 1:2 - Abun Scripture

² Men ka we krom surat ré wa yé gato onyar kem mo Yefun Yesus gato sum mo Filemon, nan bi nu ne sino. Men ka we anato krom surat ré wa Apfia, men bi nyanggon. Men ka we krom surat ré wa Arkhipus, men bi yesyim gato si men sino werwa ben Yefun Allah bi suk-i.

Filemon 1:2 Referans Kwoze

Kolose 4:17

Nin ki nai Arkhipus do, ”Nan ben suk gato men bi Yekwesu, Yefun Yesus syogat nan ben ne kom mo pe gato or mó et.”

Filipi 2:25

Sarewo ji nut do, ndo sa, ji syokom Epafroditus satu ba ku nin. Epafroditus ré, an tepsu ji bi yesyim, ji si an ben suk wa Yefun Yesus sino. Men ka we tepsu Yesus Kristus bi yesukmise gato ben An bi suk-i. Nin dakai syokom Epafroditus ma ku ji more wa ós ji mo suk gato ji yéwa,

Roma 16:5

Nin ki nai yé gato onyar kem mo Yefun Yesus gato sum mo an we bi nu ne dom do, ji ki ndo mo án sino. Nin ki nai Epenetus gato ji jimnotku do, ji ki ndo mo an. An anato onyar kem mo Kristus nyim kadit ye yi mo bur Asia.

Kolose 4:15

Nin ku ye gato onyar kem mo Yefun Yesus mo kota Laodikia yo, nin ki do, men ki ndo mo án sino. Nin ku Nimfa si ye gato onyar kem mo Yefun gato sum wa ben ari mo Nimfa bi nu ne yo, nin ki do, men ki ndo mo án.

1 Korintus 16:19

Yé mwa gato onyar kem mo Yefun Yesus gato kem mo bur Asia ki ndo mo nin sino. Akwila si Priskila si ye gato onyar kem mo Yefun Yesus gato sum mo an we bi nu ne ki ndo mwa mo nin sino gato bi Yekwesu tepsu men ne.

Roma 16:1

Ji iwa ki sukdu subot men bi nggon yesu gato gum do Febe ne et. Nggon ne ben bi suk-i ne ndo. Mom anato ós yé gato onyar kem mo Yefun Yesus gato kem mo kota Kengkrea.