Filemon 1:13 - Abun Scripture

¹³ Ji da syogat pa ba wa nan, sarewo ji iwa pa si ji kem more subere pa ós ji win nan. Ji ki sukdu subot os ndo gato Yesus Kristus kak wa men yetu anato yé bok ji mo sel, sane ji iwa pa kem su ji subere pa ós ji more.

Filemon 1:13 Referans Kwoze

Filipi 1:7

Ji mit at wa nin, ji jimnutbot nin anato ndo, we ji gen ne kem pe su nin mone re. Sane dom, ji jimnotku nin, we yé bok ji mo sel more yo, ji duno nje su sukdu subot os ndo gato Yesus Kristus kak ne yo, ji ki rer subot sukdu ne nai ye gato duwer ji mo sukdu ne yo, nin si ji tepsu dik wa ben suk gato Yefun Allah fro wa ji ben ne sino.

Efesus 3:1

Sane ji, gato gum do Paulus ré, ji werwa duno nin yewis yi subere nin onyar kem mo Yesus Kristus anato ye sok ji mo sel ne.

1 Korintus 16:17

Ji iwa Stefanus, Fortunatus si Akhaikus ma ku ji more. Kapre nin yo ma ku ji nde, an ka gri ne ma ku ji win nin re.

Filemon 1:1

Ji gato gum do Paulus, gato ye rai ete bok mo sel mo gato ji ben Yesus Kristus bi suk-i ne, ji si men bi nji, gato gum do Timotius, men ka we anato krom surat ré wa nan. Men ka we krom sukdu ré wa nan, Filemon, men bi yesyim gato men jimnotku, gato si men ka we ben Kristus bi suk-i sino.

Filipi 2:30

We Epafroditus ré, an iwa ben Yesus Kristus bi suk-i sor. An yo nutbot an dakai nde, anato an ma ós ji more, ete an ku suki ne, bergan an kwop rok mone. An ma win nin yé mwa gato kem mone, we nin yo ku os wa nin ma ós ji more nde.

Efesus 4:1

Sane, ji gato gum do Paulus ré, gato yé bok mo sel, we ji ben Yefun bi suk-i, ji ki sare do, Yefun Allah nai nin wa nin sok mo An bi rus-i tepsu An bi pá-i. Sane nin ben suk tepsu Yefun bi pá-i ne et. Nin jammo suk gato ji ki ré et.

Filemon 1:10

Su ré, ji ndek mo nan do, nan jambot ji bi sukdu subot ji bi pa, Onesimus ne et. Tomgato ji si pa ne mo sel, ji tepsu pa ne bi ai mo Kristus bi de-i, we ji duno pa subot Kristus mone re.

Filemon 1:12

Su ré, ji syogat pa gato ji jimnotku sye teker ne ba satu wa nan.