तीतुस 2:2 - बिलासपुरी नौआं नियम

² बजुर्गां जो अनुशासित कने हरेक हालता च अपणे बर्ताव कने भावनां जो काबू करने खातर कने ईज्जतदार हुणे खातर, कने विश्वास, प्यार, कने धीरजा च मजबूत हुणे खातर निर्देश देओ।

तीतुस 2:2 Referans Kwoze

गलातियां 5:23

नम्रता कने आत्म संयम आ। येढ़ियां गल्लां रे बरोधा च कोई व्यवस्था नीं।

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

1 तिमुथियुस 3:11

तियां इ सेवकां रियां पत्नियां जो बी ईज्जतदार हूणा चाहिन्दा; सै दोष लाणे औल़ियां नीं हो पर हरेक हालता च अपणे बर्तावा जो काबू करने औल़ी कने सारियां गल्लां च विश्वासा लायक हो।

1 पतरस 5:8

खुद अप्पूँजो काबुये च रखा कने सावधान रौआ, काँह्भई तुहांरा दुश्मण शैतान हुरन्गदे हुये शेरा साई इसा तलाशा च रैयां, भई किस जो अपणा शिकार बणाये।

तीतुस 1:13

ये गल्ल सच्च इ, इस खातर तिन्हांजो शख्त्याईया ने डान्ट ताकि सै यीशु मसीह री सच्चिया शिक्षा पर विश्वास करगे,

1 तिमुथियुस 3:2

इस खातर ये जरूरी आ भई अगुवा निर्दोष कने इक्की पत्निया रा पति, हरेक हालता च अपणे बर्ताव कने भावनां जो काबू करने औल़ा, ईज्जतदार, आदर-खातर करने औल़ा, कने परमेशरा रे वचना जो ठीक ढंगा ने सखाणे रे काविल हो।

1 थिस्सलुनीकियां 5:8

पर अहें सै जे दिनां रे, विश्वास कने प्यारा जो रक्षा कवचा साई पैहना तियां जे इक फौजी अपणी रक्षा करने खातर पैहनां, कने अहांरी आशा अहौं टोपा साई बचाओ।

रोमियो 12:3

इस खातर परमेशरा रे अनुग्रह रिया वजह ने सै बरदान जे तिने मिन्जो दित्या, तिस्सो ध्याना च रखदे हुये हऊँ तुहां चते हर इक्की ने बोलां, भई तेढ़ा जे समझणा चाहिन्दा तिसते बधीने कोई खुद अप्पूँजो नीं समझे; यनिके जितना विश्वास परमेशरे तुहांजो दित्या, तिसरे मुतावक अप्पूँजो समझा।

1 पतरस 1:13

इस खातर अपणे मना जो काम्म रे खातर त्यार करा। सचेत रौआ कने अपणी आस पूरी तरह तिस अनुग्रह पर रखा सै जे मसीह यीशुये रे भीं ते औणे रे बगत तुहांजो दित्या जाणा।

1 कुरिन्थियों 15:34

तुहें अपणे होशा च आई जावा कने पाप करना बन्द करा; काँह्भई कितणे येढ़े लोक ये सै जे परमेशरा जो नीं जाणदे, हऊँ तुहांजो शर्मिन्दा करने खातर ये बोलां।

2 पतरस 1:6

तुहांजो सिर्फ बुद्धिमानिया ने बर्ताव करने रे बारे ची पता नीं हूणा चाहिन्दा, बल्कि तुहांजो अप्पूँजो बी काबुये च करना चाहिन्दा, तुहांजो नां सिर्फ अप्पूँजो काबुये च करना चाहिन्दा बल्कि तुहांजो परेशानिया च बी धीरज रखणा चाहिन्दा, नांई तुहांजो धीरज रखणा चाहिन्दा, बल्कि इस तरिके ने जीणा चाहिन्दा सै जे परमेशरा जो खुश कराँ।

तीतुस 2:7

तिज्जो हर गल्ला च खरयां कम्मां रे जरिए उदाहरण पेश करना चाहिन्दा, तिसरा जे दूज्जे लोक हमेशा पालन करी सक्को। ताहली जे तू विश्वासियां जो परमेशरा रे बारे च सखां, तां तिज्जो खरे ईरादे ने सखाणा चाहिन्दा कने इस तरीके ने भई लोक तेरा आदर करो।

तीतुस 1:8

पर तिस्सो मेहमान्नां रा आदर खातर करने औल़ा, भले काम्म करने औल़ा, अपणियां भावनां पर काबू रखणे औल़ा, न्यायी, पवित्र कने अनुशासित हूणा चाहिन्दा।

1 तिमुथियुस 3:4

तिस्सो अपणे घरा जो सही ढंगा ने चलाणा चाहिन्दा कने अपणे बाल-बच्चयां जो सारियां गल्लां च आदरा सौगी तिस्सो मनणे खातर सखाणा चाहिन्दा।

1 तिमुथियुस 1:5

तिज्जो ये हुक्म देणे रा मेरा मकसद येआ भई तू इक्की दूये जो साफ दिला ते कने शुद्ध अन्तरात्मा ने कने बिणा कपटा औल़े विश्वासा ते प्रेम करगा।

1 थिस्सलुनीकियां 5:6

इस खातर अहें होरसीं साई सुत्तीरे नीं रौ, पर जागदे कने सावधान रौ।

फिलिप्पियां 4:8

इस खातर साथी विश्वासियो, तिन्हां गल्लां रा ध्यान करा सै जे सच्चियां इ, कने सै गल्लां जे आदर रे लायक इ, कने सै जे किछ ठीक आ, कने सै जे किछ पवित्र आ, सै जे किछ सुन्दर आ, सै जे किछ सराहना रे लायक आ, यनिके कोई बी होर उत्तम गुण या प्रशंसा री गल्लां ओ तिन्हां पर ध्यान लगाया करा।

2 कुरिन्थियों 5:13

काँह्भई जे कोई अहांने बोलां भई अहें पागल ये तां परमेशरा खातर ये, कने जे दुज्जे लोक बोलां ये भई अहें सयाणे तां सै तुहांरे खातर ये।

1 कुरिन्थियों 9:25

हरेक पैहलवाण सब प्रकारा रा संयम कराँ; सै त इक मुर्झाणे औल़े मुकटा जो पाणे खातर ये सब किछ कराँ ये, पर अहें त तिस मुकटा खातर कराँ ये सै जे मुर्झान्दां निआं।

प्रेरितां 24:25

ताहली जे सै धर्मिकता, कने संयम, कने औणे औल़े न्याय रे बारे च चर्चा करया राँ था, तां फेलिक्स डरा रे मारे जवाब दित्या, “हुण तू जा; मौका देखीने हऊँ तिज्जो फेरी सदगा।”

लूका 8:35

कने लोक ये जे हुया था तिसजो देखणे निकल़े, कने यीशुये ले आईने तिस माहणुये ते जे बुरीआत्मां निकल़ियां थीं, तिस्सो यीशुये रे पैराँ ले कपड़े पैहनीरा कने होशा च बैठिरा देखीने डरीगे।

मरकुस 5:15

यीशु तित्थी जे था तिसा जगह आईने लोकें तिस माहणुये जो तिसच जे बुरीआत्मां समाई रियां थिआं, कपड़े पैहनीरा कने होशा च बैठिरा देखीने डरीगे।

1 तिमुथियुस 3:8

तियां इ सेवक बी ईज्जतदार कने ईमानदार हुणे चाहिन्दे, कने सै पियक्कड़ कने नीच कमाईया रे लालची नीं हो;

1 तिमुथियुस 1:2

तिमुथियुस हऊँ ये चिट्ठी तिज्जो लिखिराँ कने तू मेरे खातर इक पुत्रा साई आ, काँह्भई तू यीशु मसीह पर विश्वास कराँ। हऊँ प्राथना कराँ भई पिता परमेशर, कने मसीह यीशु अहांरे प्रभु तिज्जो अनुग्रह, दया कने शान्ति देओ।

1 तिमुथियुस 1:10

व्यभिचारियां, आदमी सै जे आदमियां ने शारीरिक रिश्ता रखां ये, माहणुये रे बेचणे औल़यां, झूट्ठ बोलणे औल़यां, कने झूट्ठी कसम खाणे औल़यां, कने इन्हांजो छड्डिने खरे उपदेशा रे सारे विरोधियां खातर बणाई गईरी।

1 तिमुथियुस 1:14

कने अहांरे प्रभुये रा अनुग्रह तिस विश्वास कने प्यारा सौगी सै जे मसीह यीशु चा, बौहत जादा माह पर हुया।

1 तिमुथियुस 5:1

किसी सयाणे जो नीं थिड़क, पर तिस्सो अपणे पिता साई जाणीने प्यार कने आदरा ने समझाई दे, कने जवानां जो अपणे भाईये साई जाणीने;