तीतुस 1:16 - बिलासपुरी नौआं नियम

¹⁶ ये झूट्ठे शिक्षक बोलां ये भई सै परमेशरा जो जाणाँ ये, पर तिन्हांरा बर्ताव साफ तौर पर ये साबित कराँ भई सै तिस्सो नीं जाणदे। परमेशर इन्हां लोकां ते नफरत कराँ कने सै तिसरे हुक्मां रा पालन नीं करदे, कने कोई भला काम्म बी नीं करी पान्दे।

तीतुस 1:16 Referans Kwoze

1 यूहन्ना 2:4

सै जे कोई ये बोलां भई “मेरा परमेशरा ने गैहरा रिश्ता,” कने तिसरे हुक्मा रा पालन नीं करदा, तां सै झूट्ठा, कने सै तिसा सच्चाईया जो नीं ग्रहण करदा तिसाजो जे परमेशरे परगट कित्तिरा।

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

यहूदा 1:4

काँह्भई किछ लोक सै जे परमेशरा जो नीं मनदे कने झूट्ठी शिक्षा देआंये, अहां रिया जानकारिया बगैर चुपचाप अहांरे बिच घुसी चुक्कीरे। ये सै लोक ये तिन्हांजो जे परमेशरे बौहत पैहले पवित्रशास्त्रा च बोल्या था भई तिस तिन्हांजो सजा देणी। ये लोक विश्वास कराँ ये भई सै अनैतिक जीवन जी सक्कां ये, काँह्भई अहांरा परमेशर अनुग्रहकारी आ कने सै अहांरे इकलौते शासक कने प्रभु यीशु मसीह रा इन्कार कराँ ये।

रोमियो 1:28

कने काँह्भई तिन्हे परमेशरा जो पछयाणने ते मना करित्या, इस खातर परमेशरे तिन्हौं तिन्हांरे मूर्ख बचाराँ पर छड्डीत्या, कने सै येढ़े बुरे काम्म करने लगे सै जे तिन्हौं नीं करने चाहिन्दे थे।

प्रकाशितवाक्य 21:27

कने तिसच कोई बी अपवित्र चीज या गन्दा काम्म करने औल़ा, झूट्ठ बोलणे औल़ा, किसी बी तरिके ने नीं औणा, पर सिर्फ सै लोक तिन्हांरे नौं जे मेमने रिया जीवना रिया कताबा च लिखिरे।

प्रकाशितवाक्य 21:8

पर डरपोकां, अविश्वासियां, घिनौनयां, हत्यारयां, व्यभिचारियां, जादूगराँ, मूर्तीपूजकां, कने सब्बीं झुट्ठयां रा हिस्सा तिसा नदिया च मिलणा, सै जे अग्गी कने गन्धका ते भखदी रैयांई: ये दुज्जी मौत इ।”

1 तिमुथियुस 5:8

पर जे कोई अपणयां रिस्तेदाराँ रा खास करीने अपणे परिवारा रा ख्याल नीं रखो, तां सै विश्वासा ते मुकरी गरा कने अविश्वासिये ते बी बुरा बणी गरा।

1 तिमुथियुस 1:9

अहें ये बी जाणाँ ये भई व्यवस्था धर्मी माहणुये खातर नीं पर तिन्हांरे खातर इ सै जे परमेशरा रिया व्यवस्था जो नीं मनदे, भगती हिनां, पापियां, अपवित्र कने अशुद्ध माहणुआं, माता-पिता रा खून करने औल़यां, हत्यारयां,

2 तिमुथियुस 3:17

ताकि परमेशरा रा माहणु हर तरिके रा भला काम्म करने रे खातर पूरा त्यार कने लायक बणी जाओ।

तीतुस 3:1

विश्वासियां जो याद दिला भई सै राजयां कने अधिकारियां रे अधीन रौ, तिन्हांरा हुक्म मन्नो, कने हरेक खरे कम्मां खातर त्यार रौ,

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।