तीतुस 1:15 - बिलासपुरी नौआं नियम

¹⁵ तिन्हां लोकां खातर सब चिज़ां शुद्ध इयां तिन्हांरे मन जे शुद्ध ये, पर अशुद्ध कने अविश्वासी लोकां खातर किछ बी शुद्ध निआं, काँह्भई तिन्हांरे मन कने अन्तरात्मा दोन्नों अशुद्ध ये।

तीतुस 1:15 Referans Kwoze

रोमियो 14:14

हुण प्रभु यीशुये मिन्जो ज्ञान कने विश्वास दित्तिरा भई कोई बी खाणा अपणे अप्पूँ ते अपवित्र नींआ, पर जे सै सिर्फ तिसरे खातर अपवित्र इ, सै जे तिस्सो अपवित्र मन्नां।

रोमियो 14:20

खाणे रे खातर परमेशरा रे कम्मां जो नीं बगाड़ा। हरेक किस्मा रा खाणा पवित्र आ, पर तिस माहणुये रे खातर बुरा, ताहली जे तिसरा खाणा दुज्जे माहणुये ते पाप करवां।

1 कुरिन्थियों 10:23

“मिन्जो सब किछ करने री अनुमति हाई,” पर सब किछ फायदे रा निआं; “मिन्जो सब किछ करने री अनुमति हाई,” पर सब किछ उपयोगी नींआ।

मत्ती 15:18

पर सै जे माहणुये रे मुँआं ते बाहर औआं, सै तिसरी भावना कने विचारा रा परिणाम आ, येई तिसजो अपवित्र कराँ।

रोमियो 14:23

पर सै जे बैहम करीने खां सै सजा रे लायक आ, काँह्भई सै विश्वासा ने नीं खान्दा; कने सै सारा किछ सै जे विश्वासा पर नीं टिकिरा, सै पाप आ।

1 कुरिन्थियों 10:31

इस खातर तुहें चाये खाओ, चाये पीओ, चाये जो किछ करो, सब किछ परमेशरा रिया महिमा रे खातर करा।

प्रेरितां 10:15

फेरी दुज्जी बारी तिस्सो तेढ़ा इ सुणया, “जो किछ परमेशरे शुद्ध बणाईरा, तिस्सो तू अशुद्ध मत बोलदा।”

1 कुरिन्थियों 8:7

पर सारे लोक ये नीं जाणदे। किछ लोक येढ़े सै जे हुण तक मूर्तियां ने जुड़ीरे कने सै ताहली जे येढ़ा खाणा खांये तां सै हुण बी ये समझां ये भई ये मूर्तियां रे सामणे बल़ि कित्तिरा खाणा, इस खातर सै ये समझां ये भई सै अशुद्ध हुईगरे, काँह्भई तिन्हांरी अन्तरात्मा कमजोर इ।

इब्रानियों 10:22

इस खातर औआ, अहें सच्चे दिला ने कने पूरे विश्वासा ने, अन्तरात्मा रे दोषा जो दूर करदे हुये, शुद्ध दिला ने कने अपणे शरीरा जो शुद्ध पाणिये ने धोकर परमेशरा रे सामणे जाईये।

1 कुरिन्थियों 10:25

जो किछ कसाईयां ले बिकां, तिस्सो खाओ कने अन्तरात्मा रिया वजह ते किछ नीं पुछो।

1 तिमुथियुस 6:5

कने इक्की दूये ने नीं खत्म हुणे औल़े झगड़े, कने तिन्हांरी बुद्धि भ्रष्ट हुईगरी, कने सै सच्चाईया जो नीं समझी सकदे, सै समझां ये भई परमेशरा री सेवा करना इ अमीर हुणे रा जरिया।

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।

इब्रानियों 12:15

कने ध्यान रखा, येढ़ा नीं ओ भई कोई परमेशरा रे अनुग्रह ते छुटी जाओ, या अविश्वासा री कड़वी जड़ तुहांरे बिच फुटी जो कने अपणे जहरा रे जरिये बौहत सारे लोकां जो दुख देओ कने अशुद्ध बणाये।