तीतुस 1:1 - बिलासपुरी नौआं नियम

¹ हऊँ पौलुस, परमेशरा रा दास कने यीशु मसीह रा प्रेरित आ। परमेशरे मिन्जो इस खातर चुणया ताकि हऊँ परमेशरा रे चुणीरे लोकां रे विश्वासा जो मजबूत करी सक्कूँ कने यीशु मसीह रिया शिक्षां जो ठीक-ढंगा ने जाणने खातर तिन्हांरी मदद करी सक्कूँ ताकि सै इस तरिके रा जीवन जीओ सै जे परमेशरा जो खुश कराँ।

तीतुस 1:1 Referans Kwoze

रोमियो 1:1

हऊँ पौलुस यीशु मसीह रा दास आ कने प्रेरित होणे रे खातर परमेशरा रे जरिये चुणया गया, कने परमेशरा रिया खुशखबरिया रा प्रचार करने खातर लग कित्या गया।

1 तिमुथियुस 6:3

जे कोई झूट्ठी शिक्षा देआं, कने अहांरे प्रभु यीशु मसीह रे सही सन्देशा यनि परमेशरा रिया भगतिया रियां शिक्षा ते सहमत नीं हुन्दा,

2 तिमुथियुस 2:25

तिस्सो अपणे बरोधियां जो बी इसा आशा ने विनम्रता सौगी समझाणा चाहिन्दा भई परमेशरा तिन्हांरे मना जो बदलने च कने मसीह री सही शिक्षां जो बी जाणने च मदद करनी।

2 तिमुथियुस 2:23

पर मूर्ख कने बेकार बैहसा ते दूर रै, काँह्भई तू जाणाँ भई तिन्हांते झगड़ा हुआं।

2 पतरस 1:3

परमेशरा री अलौकिक सामर्थे अहांजो सब किछ दित्या, धार्मिक जीवन जीणे री तिसरी जे अहांजो जरूरत इ। ये हुई सक्कां, काँह्भई अहें परमेशरा जो जाणाँ ये, सैई हाया तिने जे अहांजो अपणी महिमा कने अच्छे गुणां च शामिल हुणे खातर सद्दीरा।

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

2 पतरस 3:11

काँह्भई ताहली जे परमेशरा इस तरिके ने सारियां चिज़ां खत्म करनियां, तां सोच्चा तुहांजो किस तरिके रा बर्ताव करना चाहिन्दा? तुहांजो पवित्र जीवन जीणा चाहिन्दा कने अपणे सारयां कम्मां च परमेशरा जो खुश करना चाहिन्दा।

1 तिमुथियुस 2:4

सै जे ये चांह भई सब्बीं माहणुआं रा छुटकारा हो, कने सै सच्चाईया जो ठीक-ढंगा ने पछयाणी लो।

कुलुस्सियां 2:2

ताकि तिन्हांरे मनां जो तसल्ली मिलो कने सै अप्पूँ चियें प्यारा ने इक हुईने रौ, कने हऊँ चाँह भई तिन्हां लोकां रा पूरा भरोसा ओ, काँह्भई सै परमेशरा रिया योजनां रा भेत पूरे तरिके ने समझी सक्को, सै जे खुद मसीह आ।

फिलिप्पियां 1:1

यीशु मसीह रे दास पौलुस कने तिमुथियुस रिया तरफा ते यीशु मसीह च फिलिप्पी नगरा रे रैहणे औल़े सारे पवित्र लोकां जो कने कलीसिया रे अगुवे कने सेवकां जो मलाईने हऊँ ये लिखिराँ,

2 कुरिन्थियों 1:1

हऊँ पौलुस, परमेशरा रिया इच्छा ते मसीह यीशुये रा प्रेरित आ कने अहांरे साथी विश्वासी तिमुथियुस रिया तरफा ते। ये चिट्ठी हऊँ कुरिन्थुस नगरा च परमेशरा री कलीसिया कने अखाया प्रदेशा च रैहणे औल़े सारे पवित्र लोकां जो लिखिराँ।

प्रेरितां 13:48

ये सुणी ने अन्यजातियां खुशी हुये, कने परमेशरा रे वचना री बडयाई करने लगे कने जितने अनन्त जीवना खातर ठहराईरे थे, तिन्हें विश्वास कित्या।

इफिसियां 2:8

काँह्भई परमेशरा रे अनुग्रह रे जरिये तुहांरे विश्वासा रिया वजह ने तुहांरा छुटकारा हुईरा, तिने तुहौं किछ करने रिया वजह ने नीं छुडवाया, पर ये परमेशरा रा दान आ;

1 यूहन्ना 2:23

सै जे कोई पुत्रा रा इन्कार कराँ तिसरा पिता परमेशरा ने कोई सम्बन्ध निआं, पर सै जे पुत्रा जो मन्नी लेआं, तिसरा पिता परमेशरा ने बी सम्बन्ध हाया।

लूका 18:7

तां क्या तुहांजो लगां भई परमेशरा अपणे चुणीरे लोकां रा ठीक न्याय नीं करना, सै जे दिन रात परमेशरा ते विनती करदे रैं? क्या तिस तिन्हारे बारे च देर करनी?

2 तिमुथियुस 2:10

इस खातर परमेशरा रे चुणी रयां लोकां खातर हऊँ सब किछ सैयां ताकि सै बी मसीह यीशुये च मिलणे औल़े छुटकारे जो अनन्त महिमा सौगी पाई सक्को।

याकूब 1:1

हऊँ याकूब, परमेशर कने प्रभु यीशु मसीह रा दास आ। हऊँ ये चिट्ठी यहूदी मसीह विश्वासियां रे बारा गोत्राँ जो लिखिराँ सै जे सारे संसारा च खिण्डीरे।

प्रकाशितवाक्य 1:1

यीशु मसीह रा प्रकाशन, सै जे परमेशरे तिस्सो इस खातर दित्या ताकि सै अपणे सेवकां जो तिन्हां गल्लां जो दिखाओ, तिन्हांरा जे जल्दी हुणे रे खातर परमेशरे तैह कित्तिरा। यीशु मसीहे अपणा स्वर्गदूत भेज्जीने इन्हौं अपणे सेवक यूहन्ने जो दस्या,