रोमियो 8:33 - बिलासपुरी नौआं नियम

³³ कोई बी अहांजो परमेशरा रे सामणे दोष नीं देई सकदा काँह्भई सैई हाया सै जे अहांजो धर्मी घोषित कराँ।

रोमियो 8:33 Referans Kwoze

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

लूका 18:7

तां क्या तुहांजो लगां भई परमेशरा अपणे चुणीरे लोकां रा ठीक न्याय नीं करना, सै जे दिन रात परमेशरा ते विनती करदे रैं? क्या तिस तिन्हारे बारे च देर करनी?

1 थिस्सलुनीकियां 1:4

परमेशरा रे प्यारे लोको कने अहांरे भाईयो, अहें जाणाँ ये भई तुहें परमेशरे चुणीरे।

मत्ती 24:24

“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।

1 पतरस 1:2

परमेशर पिता बौहत पैहले अपणे लोक हुणे खातर तुहांजो चुणने खातर तैह कित्या कने तुहांजो पवित्र आत्मा रे कम्मा रे जरिये पवित्र बणाया। तिने ये इस खातर कित्या ताकि तुहें यीशु मसीह जो मन्नी सक्को कने तिसरे खून्ना रे जरिये शुद्ध हुई सक्को। हऊँ प्राथना कराँ भई परमेशर तुहांजो बौहत जादा अनुग्रह कने शान्ति देओ।

गलातियां 3:8

परमेशरे पवित्रशास्त्रा च पैहले तेई दस्सी तरा था, भई परमेशरा अन्यजातियां जो बी तिन्हांरे विश्वासा रे जरिये धर्मी बनाणा, इस खातर ये गल्लां हुणे ते पैहले परमेशरे पैहले तेई अब्राहमा जो ये खुशखबरी सुणाईती थी “सारी जातियां तेरे जरिये आशीष पाणी।”

तीतुस 1:1

हऊँ पौलुस, परमेशरा रा दास कने यीशु मसीह रा प्रेरित आ। परमेशरे मिन्जो इस खातर चुणया ताकि हऊँ परमेशरा रे चुणीरे लोकां रे विश्वासा जो मजबूत करी सक्कूँ कने यीशु मसीह रिया शिक्षां जो ठीक-ढंगा ने जाणने खातर तिन्हांरी मदद करी सक्कूँ ताकि सै इस तरिके रा जीवन जीओ सै जे परमेशरा जो खुश कराँ।