रोमियो 8:30 - बिलासपुरी नौआं नियम

³⁰ फेरी तिन्हांजो जे तिने पैहले ते तैह कित्या, तिन्हाजो बी तिने चुणया, कने सै जे तिने चुणे, सै तिने धर्मी घोषित कित्ते, कने तिन्हाजो जे तिने धर्मी घोषित कित्या, तिन्हां सौगी तिने अपणी महिमा बी बन्डी।

रोमियो 8:30 Referans Kwoze

प्रकाशितवाक्य 17:14

“तिन्हां सारयां मेमने ने लड़ना, पर मेमने तिन्हां पर जय पाणी; काँह्भई सै प्रभुआं रा प्रभु कने राजयां रा राजा, सै जे सद्दीरे, चुणीरे कने बफादार ये, तिस सौगी ये, तिन्हां बी जय पाणी।”

रोमियो 8:28

अहें जाणाँ ये भई परमेशर तिन्हां सारयां लोकां रे खातर अच्छी चीजां ल्यौआं सै जे तिस्सो प्यार कराँ ये; यनिके तिन्हांरे खातर सै जे तिसरिया मर्जिया रे मुतावक तिस्सो जे तिने चुणीरा।

इफिसियां 1:11

ये सारियां गल्लां परमेशरा रिया योजना कने फैसले रे मुतावक हुई, कने परमेशरे मसीह च अहौं अपणे लोक हुणे रे खातर अपणिया इच्छा रे मुतावक चुणया, सै जे परमेशरे पैहले तेई तैह करीने रखीरा था।

इब्रानियों 9:15

इस वजह ते मसीह नई वाचा रा बिचौल़िया, ताकि तिन्हांजो जे परमेशरा रे जरिये सद्दया गईरे, सै अनन्त आशीष पाई सक्को तिस राजे परमेशरे वायदा कित्तिरा था। काँह्भई पैहले वाचा रे अधीन कित्ते गईरे पापां ते तिन्हांजो अजाद कराणे रे खातर मसीह फिरौतिया रे रुपा च सै अपणे प्राण देई चुक्कीरा।

इफिसियां 1:5

काँह्भई परमेशरे अहांने प्यार कित्या इसा बजह ने तिने अहांजो यीशु मसीह रे जरिये अपणा पुत्र हुणे रा दर्जा देईने नियुक्त कित्या, येई तिसरी इच्छा कने तिसरी खुशी थी।

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

1 कुरिन्थियों 6:11

कने तुहां चते किछ लोक येढ़े इ थे, पर तुहें प्रभु यीशुये रे नौआं ते कने अहांरे परमेशरा रे आत्मा रे जरिये पापां ते धोये गैईरे कने पवित्र कित्ते गये कने धर्मी घोषित कित्ते गये।

1 पतरस 3:9

बुराईया रे बदले बुराई कने बेईज्जतिया रे बदले बेईज्जति मत करा बल्कि तुहौं आशीष देणी चाहिन्दी; काँह्भई आशीष देणे खातर तुहें परमेशरा रे जरिये चुणे गईरे, ताकि तुहें परमेशरा ते आशीष पाओ।

यूहन्ना 17:22

तैं मिन्जो सै जे महिमा दित्ति, सै मैं तिन्हांजो दईती, भई तियां जे अहें इक ये, तियां इ सै बी इक हुईजो।

2 पतरस 1:10

इस खातर मेरे साथी विश्वासियो, परमेशरे तुहांजो चुणीरा कने तुहांजो सद्दीरा इसजो दसणे री होर बी जादा कोशिश करा, काँह्भई जे तुहें ये गल्लां कराँ ये, तां तुहां कदीं अपणा विश्वास नीं छडणा।

1 कुरिन्थियों 1:9

परमेशर बफादार आ, तिने जे तुहांजो अपणे पुत्र अहांरे प्रभु यीशु मसीह रिया संगतिया च सद्दीरा।

1 थिस्सलुनीकियां 2:12

भई तुहांरा चाल-चल़ण परमेशरा रे लायक हो, सै जे तुहांजो अपणे राज्जा कने महिमा च सद्दां।

1 कुरिन्थियों 1:2

हऊँ ये चिट्ठी परमेशरा रिया तिसा कलीसिया रे लोकां जो लिख्या राँ सै जे कुरिन्थुस नगरा ची, तिस्सो जे परमेशरे मसीह यीशुये च पवित्र कित्तिरा कने पवित्र हुणे खातर सद्दीरा; कने तिन्हां सारयां विश्वासियां जो बी सै जे हर जगह अहांरे कने तिन्हारे प्रभु यीशु मसीह रे नौआं री प्राथना कराँ ये।

2 तिमुथियुस 2:11

ये गल्ल सच्च इ भई, जे अहें तिस सौगी मरी चुक्कीरे, तां अहां तिस सौगी जीणा बी आ,

प्रकाशितवाक्य 19:9

फेरी स्वर्गदूते मेरने गलाया, “ये लिख, भई आशीषित सै ये, तिन्हौं जे मेमने रे ब्याह रिया धाम्मा च सद्दया गया।” फेरी तिने मेरने गलाया, “ये वचन परमेशरा रे सच्चे वचन ये।”

यूहन्ना 17:24

“हे पिता! सै लोक जे तैं मिन्जो दित्तिरे, मेरी ये इच्छा इ भई तित्थी जे हऊँ आ तित्थी सै बी रौ, काँह्भई सै मेरिया तिसा महिमा जो देक्खी सक्को सै जे तैं मिन्जो दित्ति। काँह्भई संसारा रिया सृष्टिया ते पैहले तू मिन्जो प्यार कराँ था।

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

कुलुस्सियां 3:4

ताहली जे मसीह सै जे अहांरा जीवन आ, भीं ते परगट हूणा, तां तुहें बी तिस सौगी तिसरिया महिमा समेत परगट कित्ते जाणे।

इफिसियां 4:4

जिस्म इक आ कने पवित्र आत्मा बी इक आ, इयां इ ताहली जे तुहांजो बी सद्दया गया तां इक इ आस्सा च हिस्सेदार हुणे रे खातर सद्दया गया।

2 कुरिन्थियों 4:17

अहांरा ये छोट्टा कने पल भरा रा दुख, अहांरे खातर अनन्त कने बौहत इ जादा महिमा त्यार करी रां, तिसरी तुलना जे करी नीं सकदे।

यूहन्ना 5:24

हऊँ तुहांजो सच्च बोलां, सै जे मेरा बचन सुणीने मेरे भेजणे औल़े पर विश्वास कराँ, सै अनन्त काल रा जीवन पां; कने तिस पर सजा रा हुक्म नीं हुन्दा, पर सै अनन्त काल रिया मौती ते बचीने पैहले तेई नईया जिन्दगिया च दाखल हुई चुक्कीरा।

इफिसियां 2:6

काँह्भई परमेशरे अहौं मसीह साई मूईरयां चते जिऊंदा कित्या कने मसीह सौगी अहांरे रिश्ते रिया वजह ने स्वर्गा च तिस सौगी बठाल़या।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

रोमियो 1:6

तिन्हां चते तुहें लोक बी यीशु मसीह रे हुणे खातर सद्दीरे।

रोमियो 8:21

पर आशा इ भई सृष्टिया बी नाश हुणे ते छुटकारा पाणा कने परमेशरा रे बच्चयां री महिमा रिया अजादिया च भागीदार हूणा।

रोमियो 11:29

काँह्भई परमेशर अपणे बरदानां ते कने अपणिया बुलाहटा ते कदीं अपणा मन नीं बदलदा।

1 कुरिन्थियों 2:7

पर अहें सै जे ज्ञान्ना रियां गल्लां दस्सां ये सै परमेशरा रा ज्ञान आ सै जे माहणुआं ते छिपिरा था, काँह्भई तिसजो जे परमेशरे संसारा जो बनाणे ते पैहले अहां रिया महिमा रे खातर तैह कित्या था।

गलातियां 1:6

हऊँ तुहांरे बारे च हैरान आ! भई तुहें लोक इतणी जल्दी तिस परमेशरा जो छड्डया राँये तिने जे तुहांजो मसीह रे अनुग्रह रे जरिये सद्दया, कने किसी होर सन्देशा जो सै जे खुशखबरी बोल्या जां तिसजो तुहें ग्रहण करया राँये।

गलातियां 1:15

पर परमेशर तिने जे मेरे जमणे ते पैहले इ मिन्जो चुणया कने तिने अपणे अनुग्रह ने मिन्जो सद्दया।

गलातियां 5:8

येढ़ि सीख सै जे तुहांजो सच्चाईया ते दूर करी राईं, तुहांरे सद्दणे औल़े परमेशरा रिया तरफा ते नीं आईरी।

इफिसियां 3:11

ये तिस सनातन इच्छा रे मुतावक हुया सै जे तिने अहांरे प्रभु यीशु मसीह च पूरी कित्तिरी।