रोमियो 8:21 - बिलासपुरी नौआं नियम

²¹ पर आशा इ भई सृष्टिया बी नाश हुणे ते छुटकारा पाणा कने परमेशरा रे बच्चयां री महिमा रिया अजादिया च भागीदार हूणा।

रोमियो 8:21 Referans Kwoze

प्रेरितां 3:21

जरूरी आ भई यीशु स्वर्गा च तिस बगता तक रौ तदुआं तका जे सब्बीं गल्लां रा सुधार नीं करी लो, तिसरे बारे च जे पुराणे वगता ते परमेशरे अपणे पवित्र भविष्यवक्तयां रे मुँआं ते दस्सीरा।

प्रकाशितवाक्य 21:1

फेरी मैं इक नये अकाश कने नई धरतिया जो देख्या, काँह्भई पैहलका अकाश कने पैहलकी धरती खत्म हुई चुक्कीरे थे, कने समुद्र बी नीं रैया।

2 पतरस 3:13

पर परमेशरा रे वायदे रे मुतावक अहें इक नया अकाश कने नई धरतिया रा इन्तजार करया राँये, तित्थी जे लोकां परमेशरा रिया इच्छा रे मुतावक जीणा।

रोमियो 8:19

काँह्भई ये सृष्टि बड़िया आशा ने तिसा घड़िया रा इन्तजार करी राईं ताहली जे परमेशरा अपणयां बच्चयां जो परगट करना।

रोमियो 8:30

फेरी तिन्हांजो जे तिने पैहले ते तैह कित्या, तिन्हाजो बी तिने चुणया, कने सै जे तिने चुणे, सै तिने धर्मी घोषित कित्ते, कने तिन्हाजो जे तिने धर्मी घोषित कित्या, तिन्हां सौगी तिने अपणी महिमा बी बन्डी।

1 कुरिन्थियों 15:42

मुड़दयां रा जिऊंदा हूणा बी येढ़ा इ हया। देह नाशवान दशा च दफनाई जाईं, कने अविनाशी रुपा च जिऊंदा हुई जांई।

इब्रानियों 12:27

कने ये गल्ल भई, “इक बार फेरी” इसा गल्ला जो दस्सां भई बणाई हुई चीजां हिल्ली जाणियां, कने सै हटाई दित्ति जाणियां ताकि सै चीजां जे हिलाई नीं जाई सकदियां सै अटल रैहणियां।