रोमियो 8:13 - बिलासपुरी नौआं नियम

¹³ काँह्भई जे तुहें अपणे पापी स्वभावा रे मुतावक जींगे तां मरगे, पर जे तुहें पवित्र आत्मा रे मुतावक अपणे पापी स्वभावा रे कम्मां जो मारगे तां तुहां जिऊंदा रैहणा।

रोमियो 8:13 Referans Kwoze

गलातियां 6:8

काँह्भई सै जे अपणे पापी स्वभावा रे मुतावक जीआं, तिसरा तिसरे पापी स्वभावा रिया वजह ने नाश हूणा, पर सै जे पवित्र आत्मा रिया अगुवाईया च चलां, तिस पवित्र आत्मा रिया वजह ने अनन्त जीवन पाणा।

1 पतरस 2:11

मेरे प्यारे मित्रो, हऊँ तुहांजो विनती कराँ भई तुहें अप्पूँजो परदेशी कने मुसाफर समझीने तिन्हां शरीरा री बुरियां इच्छां ते दूर रौआ सै जे हमेशा तुहांरिया आत्मा रे बरोधा च लड़ाई कराँ इयां।

1 कुरिन्थियों 9:27

पर हऊँ अपणे शरीरा जो कष्ट देआं कने वशा च रखां, येढ़ा नीं हो भई होरीं जो प्रचार करीने हऊँ खुद ईनाम पाणे रे खातर निकम्मा नीं बणुँ।

तीतुस 2:12

परमेशर अपणे अनुग्रह रिया वजह ते अहांजो सिखां भई तेढ़ा वर्ताव करना बन्द करा सै जे तिस्सो खुश नीं करदा कने तिन्हां चीजां रा लालच नीं करो तिन्हांरी इच्छा जे अविश्वासी लोक करां ए, कने जबकि अहें हल्तियें इसा इ पृथ्विया पर ए, तां समझदारिया ने कने धार्मिकता सौगी इस तरीके ने काम्म करा सै जे परमेशरा जो खुश करां।

गलातियां 5:24

सै जे यीशु मसीह रे लोक ये, तिन्हें अपणे पापी स्वभावा रियां इच्छां कने लालसां जो क्रूसा पर चढ़ाईत्या।

इफिसियां 4:22

तुहांरे गुरुये तुहौं तुहांरे पुराणे स्वभावा जो छडणे खातर सखाया, तुहांरी बुरी भलाखें तुहांजो भटकाया कने तुहांरी जिन्दगी बरबाद करीती।

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

रोमियो 7:5

काँह्भई ताहली जे अहें अपणे पैहलके स्वभावा रे मुतावक जीआं थे, तां पापी इच्छा अहांरे शरीरा च काम्म कराँ थी सै जे व्यवस्था ते जाग्गी थी कने जो किछ अहें येढ़ा कित्या सै मौती री सजा देआं था।

इफिसियां 5:18

शराब पीणे औल़े रा नशा मत करा, काँह्भई इसते गल़त इच्छा पैदा हुआं इ, पर पवित्र आत्मा ते भरदे जावा।

रोमियो 6:21

तुहांरिया पुराणिया जिन्दगिया ते तुहांजो क्या फायदा हुया? तुहें सिर्फ इसते शर्मिन्दा ये, काँह्भई तिन्हां कम्मां रा नतीजा मौत इ।

इफिसियां 4:30

परमेशरा रे पवित्र आत्मा जो दुखी मत करा काँह्भई परमेशरे अपणे पवित्र आत्मा ने तुहां पर मोहर लगाईरी भई इक दिन परमेशर तुहांजो पूरे तरिके ने छुड़वांगा।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

रोमियो 8:12

इस खातर मेरे साथी विश्वासियो, अहांजो इयां जीणा चाहिन्दा तियां जे परमेशरा रा आत्मा अहांने बोलां, पर अपणे पापी स्वभाव रे मुतावक नीं,