रोमियो 7:1 - बिलासपुरी नौआं नियम

¹ मेरे साथी विश्वासियो, क्या तुहें नीं जाणदे (हऊँ तिन्हां लोकां ने बोल्ली कराँ सै जे व्यवस्था जो जाणाँ ये) भई व्यवस्था रा राज किसी माहणुये पर तदुआं तक इ रैयां तदुआं तक जे सै जिऊंदा?

रोमियो 7:1 Referans Kwoze

रोमियो 6:14

फेरी तुहां पर पापां रा राज नीं हूणा, काँह्भई तुहें व्यवस्था रे सहारे नीं जिऊंदे वल्कि परमेशरा रे अनुग्रह रे सहारे जीआं ए।

रोमियो 7:6

पर व्यवस्था अहांरे ऊपर राज नीं करदी, अहें मूईरे लोकां साई ये कने ये अहांरे ऊपर कोई हक नीं जताई सकदी। हुण अहें लिखिरी पुराणी व्यवस्था रा पालन करीने नीं वल्कि आत्मा सौगी नये तरिके ने परमेशरा री सेवा करी सक्कां ये।

रोमियो 6:3

तुहें जाणाँ ये भई ताहली जे अहें मसीह यीशुये सौगी इक हुणे रे खातर बपतिस्मा लेआ था, तां अहें तिस सौगी मरीगे थे।

रोमियो 10:1

मेरे साथी विश्वासियो, ये मेरे दिला री इच्छा इ कने हऊँ परमेशरा ने इस्राएल रे लोकां खातर प्राथना कराँ भई तिन्हांरा छुटकारा ओ।

गलातियां 4:21

व्यवस्था रे अधीन रैहणे औल़यां ते हऊँ पुछणा चाँह; क्या तुहें नीं सुणदे भई व्यवस्था क्या बोलां इ?

रोमियो 9:3

तिन्हां रिया भलाईया रे खातर हऊँ ये चाँह था भई हऊँ खुद परमेशरा रे श्रापा रे अधीन हुईने मसीह ते लग हुई जान्दा।

1 कुरिन्थियों 9:8

ये गल्ल हऊँ आम जीवना रे उदाहरणां पर इ नीं बोल्या राँ बल्कि मूसा री व्यवस्था बी येई गल्ल बोलां इ।

रोमियो 1:13

मेरे साथी विश्वासियो, हऊँ नीं चांहन्दा भई तुहें इसते अंजाण रौ भई मैं तुहांले बार-बार औणा चाहया ताकि हऊँ तुहांरी आत्मिक तरक्किया च मदद करी सक्कूँ, तियां जे अन्यजातियां रे लोकां रे बिच कित्तिरा, पर हुण तक किसी वजह ने रुकिरा रैया।

रोमियो 10:4

काँह्भई मसीह तिस मकसदा जो पूरा करी चुक्कीरा, जिस मकसदा खातर जे व्यवस्था दित्ति गई थी, ताकि सै जे कोई तिस पर विश्वास करो सै परमेशरा रिया नज़राँ च धर्मी हुई सक्को।