रोमियो 6:4 - बिलासपुरी नौआं नियम

⁴ ताहली जे अहें बपतिस्मा लेआ था, तां अहें मसीह ने सौगी मारे गये थे कने गड्डे गये थे ताकि अहें इक नई जिन्दगी जी सक्को, तियां जे मसीह पिता परमेशरा रिया महिमा रे जरिये मूईरयां चते जिऊंदा हुया था।

रोमियो 6:4 Referans Kwoze

2 कुरिन्थियों 5:17

इस खातर जे कोई मसीह पर विश्वास कराँ, तां हुण सै नया माहणु आ; पुराणा जीवन गुजरिग्या; कने नया जीवन शुरु हुईग्या।

कुलुस्सियां 3:10

कने तुहें नया माहणु बणी चुक्कीरे। तुहें अपणे रचणे औल़े साई जादा ते जादा बणी राँये कने तुहें तिस्सो अच्छे तरिके ने समझगे।

रोमियो 7:6

पर व्यवस्था अहांरे ऊपर राज नीं करदी, अहें मूईरे लोकां साई ये कने ये अहांरे ऊपर कोई हक नीं जताई सकदी। हुण अहें लिखिरी पुराणी व्यवस्था रा पालन करीने नीं वल्कि आत्मा सौगी नये तरिके ने परमेशरा री सेवा करी सक्कां ये।

1 पतरस 3:21

ये पाणी बपतिस्मे रा प्रतीक आ सै जे हुण तुहांजो बचां। तिस पाणिये ते जे तुहें बपतिस्मा लेईरा सै पाणी शरीरा रा मैल नीं दूर करदा, पर ये इक निशाण आ भई तुहें साफ अन्तरात्मा ने परमेशरा ते माफी मंगीरी। यीशु मसीह रे मूईरयां चते जिऊंदा हुणे रिया वजह ने तुहांजो माफी मिली सक्कां इ,

रोमियो 6:9

काँह्भई अहें जाणाँ ये भई मसीह मूईरयां चते जिऊंदा कित्या था सै फेरी कदी नीं मरना; कने मौती तिस पर कदीं राज नीं करना।

2 कुरिन्थियों 13:4

हलांकि मसीह कमजोर था ताहली जे तिस्सो क्रूसा पर लटकाया गया था, पर हुण सै परमेशरा रिया सामर्था रे जरिये जीवित आ। अहें कमजोर ये तियां जे मसीह था, पर तुहां देखणा भई अहां परमेशरा रिया सामर्था ने जीणा तियां जे मसीह जीवित आ।

रोमियो 6:3

तुहें जाणाँ ये भई ताहली जे अहें मसीह यीशुये सौगी इक हुणे रे खातर बपतिस्मा लेआ था, तां अहें तिस सौगी मरीगे थे।

1 यूहन्ना 2:6

सै जे कोई ये बोलां भई मेरा तिसने सम्बन्ध आ, तिस्सो परमेशरा रे हुक्मा रा पालन तियां इ करना चाहिन्दा, तियां जे यीशु मसीह कित्या।

1 कुरिन्थियों 6:14

परमेशरे अपणिया सामर्था ने प्रभुये जो जिऊंदा कित्या, कने तिसा इ सामर्था ने तिस अहें बी जिऊंदा करने,

रोमियो 8:11

कने जे परमेशरा रा आत्मा तिने जे यीशु मसीह जो मूईरेयां चते जिऊंदा कित्या, तुहांरे अन्दर वास कराँ। तां सै परमेशर तिने जे यीशु मसीह जो मूईरयां चते जिऊंदा कित्या था, तुहांरे नाशवान शरीरा जो अपणी आत्मा ते सै जे तुहांरे अन्दर बसीरा, जिऊंदा करना।

इफिसियां 4:17

इस खातर मिन्जो प्रभुये रे दित्ते गये अधिकारा ने हऊँ ये बोलां भई तुहें अविश्वासियां साई जिन्दगी नीं जीआ तिन्हांरी सोच जे बेकार इ।

रोमियो 6:19

हऊँ ये उदाहरण इस खातर इस्तेमाल करी रां काँह्भई तुहांरे खातर ये समझणा मुश्किल आ। तियां जे तुहें खुद अप्पूँजो दास्सा साई बुरयां कम्मां रे खातर अपवित्रता कने बुराईया रे खातर सौंपया था, तियां इ हुण तुहें अप्पूँजो परमेशरा रिया सेवा रे खातर सौंपी देआ, ताकि तुहें पूरी तरह तिसरे हुणे।

यूहन्ना 11:40

यीशुये तिसाजो बोल्या, “क्या मैं तेरने नीं बोल्या था भई जे तू विश्वास करगी, तां परमेशरा री महिमा जो देखगी।”

प्रेरितां 2:24

पर तिस्सो इ परमेशरे मौता रे बन्धना ते छुड़ाईने ज्यूंदा कित्या; काँह्भई ये कदीं मनी हुई सकदा था भई सै तिसरे बशा च रैहंदा।

कुलुस्सियां 4:1

मालको, तुहें अपणे-अपणे दास्सां ने न्याय कने ठीक-ठीक बर्ताव करा, याद रखा स्वर्गा च तुहांरा बी कोई मालक आ।

इफिसियां 5:8

ये हऊँ इस खातर बोल्ली कराँ भई इक बगत था ताहली जे तुहें अन्धकारा च थे, पर हुण तुहें प्रभुये च ज्योति ये; इस खातर ज्योतिया रे बच्चयां साई जीओ।

यूहन्ना 2:11

यीशुये गलील जिले रे काना नगरा च ये पैहला नशाण दस्सीने अपणी महिमा परगट कित्ती कने तिसरे चेलयां तिस पर विश्वास कित्या।

प्रेरितां 2:32

इस इ यीशुये जो परमेशरे जिऊंदा कित्या, तिसरे जे अहें सारे गवाह ये।

रोमियो 6:8

इस खातर जे अहें मसीह सौगी मरीगे, तां अहांरा ये विश्वास आ भई अहां तिस सौगी जिऊंदा बी हूणा।