रोमियो 6:22 - बिलासपुरी नौआं नियम

²² पर हुण तुहांजो पापा ते छुटकारा मिली चुक्कीरा कने तुहें परमेशरा रे दास बणी चुक्कीरे। इस खातर इन्हां तुहांजो पवित्र बनाणा कने अनन्त जीवना री तरफ लेई जाणा।

रोमियो 6:22 Referans Kwoze

1 पतरस 2:16

अजाद माहणुये साई जीओ, पर अपणिया इसा अजादिया जो बुराईया रे खातर आड मत बणावा; पर अप्पूँजो परमेशरा रे सेवक समझीने जीओ।

रोमियो 6:18

कने हुण परमेशरे तुहांजो पापा रिया सामर्था ते अजाद कित्तिरा कने तुहें परमेशरा रे दास बणी चुक्कीरे, ताकि तुहें सै जे सही आ सै करी सक्को।

रोमियो 8:2

काँह्भई पवित्र आत्मे अहांजो जीवन देआं सै जे यीशु मसीह ते औआं कने मिन्जो पाप कने मौती ते अजाद करी देआं।

यूहन्ना 8:32

कने जे तुहें सच्चाई जाणगे, तां सच्चाईया तुहें अजाद करने।”

गलातियां 5:13

पर मेरे साथी विश्वासियो, परमेशरे तुहांजो अजाद रैहणे रे खातर चुणीरा, पर येढ़ा नीं हो भई ये अजादी पापी स्वभावा जो पूरा जरने रे खातर अवसर बणो, इसरे बदले प्यारा रिया वजह ने अप्पूँ चियें इक्की दुज्जे री सेवा करा।

1 कुरिन्थियों 7:22

काँह्भई प्रभुये रे जरिये सद्दया जाणे रे वगत सै जे दास था, सै प्रभुये रे जरिये अजाद कित्या गईरा। तियां इ सै जे प्रभुये रे जरिये सद्दया जाणे रे वगत सै जे अजाद था सै मसीह रा दास आ।

1 पतरस 1:9

काँह्भई तुहांरियां आत्मां पूरी तरह छुटकारा पाया कराँ ईयाँ। येई तुहांरे विश्वासा रा ईनाम आ।

गलातियां 1:10

साफ तौर पर, हऊँ लोकां जो खुश करने री कोशिश नीं करदा, पर परमेशरा जो खुश करना चाँह। हकीकत च हऊँ लोकां जो खुश नीं करना चाहन्दा, जे हऊँ हुण तक लोकां जोई खुश करदा रैहन्दा, तां हऊँ मसीह रा सेवक नीं हुन्दा।

रोमियो 6:14

फेरी तुहां पर पापां रा राज नीं हूणा, काँह्भई तुहें व्यवस्था रे सहारे नीं जिऊंदे वल्कि परमेशरा रे अनुग्रह रे सहारे जीआं ए।

गलातियां 5:22

पर पवित्र आत्मा रा फल़ प्यार, खुशी, शान्ति, धीरज, दया, भलाई, विश्वास,

रोमियो 7:4

तियां इ मेरे साथी विश्वासियो, तुहें बी मसीह रिया देहा रे जरिये व्यवस्था खातर मरी चुक्कीरे, इस खातर हुण तुहें बी किसी दुज्जे ने नाता जोड़ी सक्कां ये, सै जे मूईरयां चते जिऊंदा हुईग्या: ताकि अहें परमेशरा री सेवा करी सक्को।

रोमियो 6:21

तुहांरिया पुराणिया जिन्दगिया ते तुहांजो क्या फायदा हुया? तुहें सिर्फ इसते शर्मिन्दा ये, काँह्भई तिन्हां कम्मां रा नतीजा मौत इ।

मत्ती 25:46

फेरी इन्हां बुरयां लोकां अनन्त काल री सजा भुगतणी कने धर्मी लोकां अनन्त काल री जिन्दगी पाणी।”

तीतुस 1:1

हऊँ पौलुस, परमेशरा रा दास कने यीशु मसीह रा प्रेरित आ। परमेशरे मिन्जो इस खातर चुणया ताकि हऊँ परमेशरा रे चुणीरे लोकां रे विश्वासा जो मजबूत करी सक्कूँ कने यीशु मसीह रिया शिक्षां जो ठीक-ढंगा ने जाणने खातर तिन्हांरी मदद करी सक्कूँ ताकि सै इस तरिके रा जीवन जीओ सै जे परमेशरा जो खुश कराँ।

कुलुस्सियां 1:10

ताकि तियां जे प्रभु चाँह तुहें तियां जी सकगे, कने तुहां हरेक गल्ला च प्रभुये जो खुश करना, कने तुहां हर तरिके रे भले काम्म करदयां रैहणा, कने तुहें परमेशरा जो अच्छे तरिके ने जाणगे।

फिलिप्पियां 4:17

हऊँ ये नीं बोलां भई हऊँ उपहार लेणे रा इच्छुक आ, पर तुहांरिया सहायता रिया वजह ते हऊँ तुहांजो परमेशरा री आशीष पान्दे हुये देखणा चाँह।

फिलिप्पियां 1:11

तियां जे इक पेड़ फल़ देआं तियां इ तुहें यीशु मसीह रिया सामर्था रे जरिये भलयां कम्मां जो करगे, इसच बधदे रौआ तिसते जे परमेशरा री महिमा कने स्तुति हुन्दी रौ।

इफिसियां 5:9

काँह्भई ज्योति हर किस्मा री भलाई, धार्मिकता कने सच्चाई पैदा कराँ इ।

2 कुरिन्थियों 3:17

प्रभु त आत्मा: कने तित्थी जे किति प्रभुरा आत्मा, तित्थी अजादी।

रोमियो 7:25

यीशु मसीह रे जरिये मेरा छुटकारा करने रे खातर हऊँ परमेशरा रा धन्यवाद कराँ। इस खातर हऊँ अपणे मना ते परमेशरा रिया व्यवस्था री सेवा कराँ, हलाँकि हऊँ अपणे पापी स्वभावा च पापा रिया व्यवस्था री सेवा कराँ।

यूहन्ना 15:16

तुहें मिन्जो नीं चुणया, पर मैं तुहांजो अपणे खातर चुणीरा; कने नियुक्त कित्तिरा भई तुहें जाओ कने कामयाब हुईने औआ, हऊँ चांह भई तुहांरी कमयाबी बणीरी रौ, काँह्भई ताहलूं जे तुहें पिता ते मेरे चेले हुणे रे नाते जो किछ मंग्गो, तां सै तुहांजो मिली जाओ।

यूहन्ना 15:2

सै जे डाल़ी मेरे च हई कने फल़ नीं ल्यान्दी, तिस्सो सै बढी देआं। कने सै डालियां जे फल़ देईयां, तिन्हांजो सै छांगी देआं भई सै होर बौहत फल़ ल्याओ।

यूहन्ना 4:36

बढाई करने औल़ा अपणी मजदूरी पां, कने अनन्त जीवना खातर फसल कठेराँ, ताकि फसल बाहणे औल़ा कने बढणे औल़ा ये दोन्नों मिलीने मौज करो।

मत्ती 19:29

कने तिन्हे जे मेरे खातर अपणा घर-बार, या भाईयां, या बैहणां, या माता-पिता, या बच्चे, या खेतां जो छड्डीतरा, तिसजो सौ गुणा मिलणा, कने परमेशरा तिसजो अनन्त जीवना रा बारस बनाणा।

मत्ती 13:43

तिस वगत धर्मियां अपणे पिता रे राज्जा च सूरजा साई चमकणा। जो बी मेरी गल्ल सुणां, सै ध्यान देईने सुणो कने समझो।

मत्ती 13:40

ठीक तियां इ तियां जे जंगली ब्यूआं जो कट्ठा करीने अग्गी च फुकी दित्या जां, तियां इ सृष्टिया रे अन्त बिच हूणा।

प्रकाशितवाक्य 7:13

इस पर प्राचीनां चते इक्की मेरते पुच्छया, “ये चिट्टे कपड़े पैहनीरे लोक कुण ये? कने किति ते आईरे?”

याकूब 1:1

हऊँ याकूब, परमेशर कने प्रभु यीशु मसीह रा दास आ। हऊँ ये चिट्ठी यहूदी मसीह विश्वासियां रे बारा गोत्राँ जो लिखिराँ सै जे सारे संसारा च खिण्डीरे।

कुलुस्सियां 4:12

इपफ्रास रा बी तुहांजो नमस्कार हो, सै जे तुहांरे नगरा चते इक आ कने यीशु मसीह रा दास आ, कने सदा तुहांरे खातर लगना ने प्राथनां च कोशिश करदा रैयां, ताकि तुहें सिद्ध हुईने पूरे विश्वासा सौगी परमेशरा रिया इच्छा च टिक्कीरे रौओ।

इब्रानियों 12:14

सब्बीं ने शान्तिया ने रैहणे, कने पवित्र हुणे रे खातर हर तरह री कोशिश करदे रौआ, काँह्भई पवित्रता ते बिणा कोई प्रभुये जो कदीं बी नीं देखी सकदा।