रोमियो 6:10 - बिलासपुरी नौआं नियम

¹⁰ ताहली जे मसीह मरया, सै इक इ बार सब्बीं रे पापा रे खातर मरया। पर हुण सै जिऊंदा, कने सिर्फ परमेशरा रे खातर जिऊंदा।

रोमियो 6:10 Referans Kwoze

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

1 पतरस 4:6

इसा वजह ने मूईरे लोकां जो बी खुशखबरी सुणाई गई थी। सारयां लोकां साई तिन्हांरे शरीरा जो मरना था, पर हुण सै सदा रे खातर आत्मा च परमेशरा सौगी जीवित ये।

1 पतरस 3:18

हऊँ इस खातर सै बोलां भई, मसीहे बी दुख सैहण कित्या कने अहांरे पापां रे खातर इक इ बार मरया। सै धर्मी माहणु था सै जे पापी लोकां रे खातर मरया, ताकि सै तुहांजो परमेशरा रे नजदीक ल्याई सक्को। तिसरी शारीरिक मौत त हुईगी, पर सै परमेशरा रिया आत्मा रे जरिये जिऊंदा कित्या गया।

2 कुरिन्थियों 5:15

कने सै सारयां लोकां खातर मरया काँह्भई सै लोक जे ज्यून्दे, सै अपणे खातर नीं जीओ, बल्कि तिसरे खातर जीओ सै जे मरने ते बाद भीं ते जिऊंदा हुईग्या।

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

रोमियो 6:11

इयां इ तुहें अपणे बारे च बी सोच्चा भई तुहें पापा रे खातर मरी चुक्कीरे, पर मसीह यीशुये तुहांजो जीवन दित्या कने तुहें परमेशरा रे खातर जिऊंदा ये।

लूका 20:38

परमेशर त मुड़दयां राँ नीं पर ज्यून्दया रा परमेशर आ: काँह्भई तिसरिया नज़राँ च सारे ज्यून्दे इ हाये।”

रोमियो 6:9

काँह्भई अहें जाणाँ ये भई मसीह मूईरयां चते जिऊंदा कित्या था सै फेरी कदी नीं मरना; कने मौती तिस पर कदीं राज नीं करना।