रोमियो 5:3 - बिलासपुरी नौआं नियम

³ इतणा इ नीं, बल्कि ताहली जे अहें परेशानियां च हुआं ए तां बी आनन्दित हुई सक्कां ए, काँह्भई अहें जाणाँ ये भई ताहली जे अहें दुख सैआं ए तां बौहत अच्छे तरीके ने धीरज रखणा बी सिक्खां ए,

रोमियो 5:3 Referans Kwoze

याकूब 1:12

परमेशर तिसजो आशीष देआं सै जे मुशिबतां च अटल रैयां काँह्भई परीक्षां च खरा उतरने ते बाद तिस अनन्त जीवना रा मुकट पैहनणा, तिस्सो जे परमेशरे अपणे प्यार करने औल़यां जो देणे रा वायदा कित्तिरा।

1 पतरस 3:14

पर जे तुहें सही काम्म करने पर दुख सैयां ये, तां तुहांजो परमेशरा आशीष देणी, तियां जे यशायाह भविष्यवक्ते लिखिरा तियां करा, “तिन्हांरे डराणे ते मत डरा कने नां घबरावा।”

2 कुरिन्थियों 4:17

अहांरा ये छोट्टा कने पल भरा रा दुख, अहांरे खातर अनन्त कने बौहत इ जादा महिमा त्यार करी रां, तिसरी तुलना जे करी नीं सकदे।

लूका 21:19

जे तुहें सब्र रखीने विश्वासा च बणीरे रैहन्गे तां तुहां सदा जीवित रैहणा।

इफिसियां 3:13

इस खातर हऊँ तुहांजो विनती कराँ भई तुहांरे खातर हऊँ सै जे दुख सही राँ तिसरिया वजह ने तुहें निराश नीं हुईजो, काँह्भई इसी दुखा च तुहांरी महिमा इ।

प्रेरितां 5:41

सै इस गल्ला ते खुश हुईने महासभा रे सामणे ते चलीगे, भई अहें यीशुये रे खातर बदनाम हुणे लायक त बणे।

फिलिप्पियां 1:29

काँह्भई मसीह रिया तरफा ते तुहांजो न सिर्फ तिस पर विश्वास करने रा, पर तिसरे खातर मुशीवतां झेलणे रा बी खास मौका दित्तिरा;

रोमियो 5:11

कने सिर्फ येई नीं, पर अहें अपणे प्रभु यीशु मसीह रे जरिये परमेशरा च आनन्द कराँ ये, तिसरिया बजह ने जे हुण अहांरा मेल हुईरा।

रोमियो 8:23

न सिर्फ ये सृष्टि बल्कि अहें बी तिन्हां च जे हुणे औल़ी महिमा रे पैहले ते स्वाद चखणे रे रुपा च पवित्र आत्मा रा निवास आ, खुद अन्दरा ते बिलखां ये; पर हुण परमेशर अहांजो सच्चे बच्चयां साई गोद लेणे रा इन्तजार कराँ, ये तां हूणा ताहली जे तिस अहांरे शरीराँ रा छुटकारा करी देणा।

रोमियो 9:10

इतणा इ नीं पर रिबका रे जुड़वा बच्चयां रा इक इ पिता था, सै जे अहांरा पूर्वज इसहाक था।

2 कुरिन्थियों 8:19

इसते इलावा इस सेवा रे कम्मां च कलीसियां रे विश्वासियें तिस्सो अहांरे सौगी यात्रा करने जो बी भेज्जिरा था। हुण ये सेवा अहें इस खातर कराँ ये भई प्रभुरी महिमा कने ये दसणे खातर भई अहें यरूशलेम नगरा च रैहणे औल़े विश्वासियां री मदद करने रे खातर उत्सुक ये।