रोमियो 5:18 - बिलासपुरी नौआं नियम

¹⁸ इस खातर तियां जे इक माहणुये रा पाप सारयां लोकां रे खातर सजा लेईने आया, तियां इ मसीह रे धर्मा रा काम्म बी सारयां लोकां रे खातर धर्मी बणने री बजह बणया सै जे जीवन देआं।

रोमियो 5:18 Referans Kwoze

1 कुरिन्थियों 15:22

कने तियां जे आदमा रिया वजह ने सारे मराँ ये, तियां इ मसीह च सब जिऊंदा कित्ते जाणे।

रोमियो 5:12

इस खातर, तियां जे इक माहणु यनि आदम रे जरिये पाप संसारा च आया, कने आदम रे पापा रिया वजह ने मौत आई, कने इस तरिके ने मौत सारयां लोकां च फैल्लीगी काँह्भई सारयां पाप कित्तिरा था।

रोमियो 5:15

पर परमेशरा रा मुख्त बरदान आदम रे अपराधा साई नींआ। ये सच्च आ भई बौहत लोक इक्की माहणुये यनि आदमा रे पापा रिया वजह ने मरे। पर परमेशरा रे अनुग्रह कने तिसरे मुख्त बरदान बौहत सारयां लोकां रे खातर महान ए सै जे इक्की माहणुये यनि यीशु मसीह रे अनुग्रह ते औआं।

रोमियो 5:19

काँह्भई तियां जे तिस इक्की माहणुये रे हुक्म न मनणे रिया वजह ने बौहत लोक पापी बणे, तियां इ इक्की माहणुये रे हुक्म मनणे रिया वजह ने बौहत लोक धर्मी बणने।

प्रेरितां 13:39

कने तिन्हां गल्लां च जे तुहें मूसा री व्यवस्था रे जरिये निर्दोष नीं ठैहरी सकदे थे, तिन्हांई सब्बीं च हर इक विश्वास करने औल़ा यीशु मसीह जरिये निर्दोष ठैहरया।”

इब्रानियों 2:9

पर अहें यीशुये जो देक्खां ये, सै जे स्वर्गदूतां ते किछ इ वगता रे खातर घट कित्या गया था, ताकि परमेशरा रे अनुग्रह रे जरिये सै सब्बीं रे खातर मरी सक्को। कने काँह्भई तिने दुख सैया कने मरया, तां हुण अहें जाणाँ ये भई सै महिमामय आ कने आदर कित्या गईरा।

रोमियो 4:25

यीशु मसीह तिस्सो जे अहांरे पापां रे खातर मारने जो सौंपया गया था, कने भीं ते परमेशरे तिस्सो जिऊंदा कित्या, ताकि परमेशर अहांजो धर्मिये रे रुपा च ग्रहण करी सक्को।

यूहन्ना 1:7

सै गवाह बणीने आया भई सै लोकां जो ज्योतिया रे बारे च गवाही देई सक्को, ताकि सारे लोक तिसरे जरिये तिस पर विश्वास करी सक्को।

यूहन्ना 12:32

कने ताहली जे हऊँ धरतिया परा ते थोड़ा ऊपर चढ़ाया जाणा, तां मांह सब्बीं लोकां री अगुवाई करनी।”

1 यूहन्ना 2:20

पर यीशु मसीह तिने पवित्र आत्मा तुहांजो दित्या, इस खातर तुहें सारे सच्चाई जो जाणाँ ये।

2 पतरस 1:1

हऊँ शमौन पतरस, यीशु मसीह रा सेबक कने प्रेरित आ। हऊँ ये चिट्ठी तुहां सब्बीं जो लिखया राँ तिन्हें जे अहांरे परमेशर कने छुटकारा करने औल़े यीशु मसीह रिया धार्मिकता रे जरिये अहां साई बौहत कीमती विश्वास पाईरा।

यूहन्ना 3:26

इस खातर यूहन्ने रे चेले तिसले आये कने गलाया, “गुरू जी, सै माहणु जे यरदन नदिया रे पार तुहां सौगी था, कने तिसरे बारे च जे तुहें गल्ल कित्ती थी, सै माहणु बपतिस्मा देआं, कने हर इक माहणु तिसलौ बपतिस्मा लेणे जाया रां।”

रोमियो 3:25

परमेशरे यीशु मसीह जो अहांरे पापां रे खातर बलिदान हुणे जो भेज्या कने मसीहे अपणा खून्न बहाया ताकि तिस पर विश्वास करने रे जरिये अहें परमेशरा ले आई सक्को। परमेशरे ये दसणे खातर येढ़ा कित्या भई पैहले सै सहनशील कने पापियां जो माफ करने च सही था। यह ये बी दस्सां भई परमेशर सही आ ताहली जे सै मसीह पर विश्वास करने औल़यां जो ग्रहण कराँ।

रोमियो 6:14

फेरी तुहां पर पापां रा राज नीं हूणा, काँह्भई तुहें व्यवस्था रे सहारे नीं जिऊंदे वल्कि परमेशरा रे अनुग्रह रे सहारे जीआं ए।