रोमियो 5:12 - बिलासपुरी नौआं नियम

¹² इस खातर, तियां जे इक माहणु यनि आदम रे जरिये पाप संसारा च आया, कने आदम रे पापा रिया वजह ने मौत आई, कने इस तरिके ने मौत सारयां लोकां च फैल्लीगी काँह्भई सारयां पाप कित्तिरा था।

रोमियो 5:12 Referans Kwoze

रोमियो 5:19

काँह्भई तियां जे तिस इक्की माहणुये रे हुक्म न मनणे रिया वजह ने बौहत लोक पापी बणे, तियां इ इक्की माहणुये रे हुक्म मनणे रिया वजह ने बौहत लोक धर्मी बणने।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

रोमियो 3:23

इस खातर भई सारयां पाप कित्तिरा कने सारे परमेशरा रिया महिमा ते दूर ये,

याकूब 1:15

फेरी बुरियां इच्छां गर्भवति हुईने पापा जो पैदा कराँ इ कने ताहली जे पाप बडा हुई जां, तां सै मौती जो जन्म देआं।

रोमियो 5:21

भई तियां जे सारयां लोकें पाप कित्या कने सै सारे मरीगे, तियां इ परमेशरा रा अनुग्रह अहां पर राज कराँ कने परमेशरे अहांजो अहांरे प्रभु यीशु मसीह रिया वजह ते धर्मी बणाया। इसरा मतलब अहांजो अनन्त जीवन मिलणा।

याकूब 3:2

अहें सारे बौहत गल़तियां कराँ ये, पर सै माहणु जे अपणिया जुबाना जो बशा च करी सक्कां, सै खरा माहणु आ; कने हरेक हालाता च अप्पूँजो बशा च करी सक्कां।

रोमियो 5:18

इस खातर तियां जे इक माहणुये रा पाप सारयां लोकां रे खातर सजा लेईने आया, तियां इ मसीह रे धर्मा रा काम्म बी सारयां लोकां रे खातर धर्मी बणने री बजह बणया सै जे जीवन देआं।

रोमियो 6:21

तुहांरिया पुराणिया जिन्दगिया ते तुहांजो क्या फायदा हुया? तुहें सिर्फ इसते शर्मिन्दा ये, काँह्भई तिन्हां कम्मां रा नतीजा मौत इ।

1 कुरिन्थियों 15:56

मौती रा डंग पाप आ; कने पापा री ताकत व्यवस्था इ।

इफिसियां 2:3

इक बगत था ताहली जे अहें सब बी तिन्हां साई जीआं थे कने बासनां कने अपणे पापी स्वाभावा रियां इच्छां जो पूरा कराँ थे। अहें अपणे स्वभावा च दुज्जेयां लोकां साई थे इस खातर परमेशर अहांने गुस्सा था।