रोमियो 4:17 - बिलासपुरी नौआं नियम

¹⁷ तियां जे पवित्रशास्त्र बोलां, भई “अब्राहम कई जातियां रा पूर्वज हूणा।” ये वायदा अब्राहमा ने इस खातर कित्या गया था, काँह्भई तिसरा विश्वास परमेशरा पर था, सै जे मूईरयां जो जिन्दगी देआं कने नई चीजां री सृष्टि कराँ।

रोमियो 4:17 Referans Kwoze

1 कुरिन्थियों 1:28

कने परमेशरे संसारा रे नीच कने त्यागीरे लोकां जो बी चुणील्या तिन्हांजो जे बेकार समझया जां, ताकि सै जे खास समझे जायें तिन्हांजो नाश करो।

यूहन्ना 5:21

काँह्भई तियां जे पिता मूईरयां जो ठवाल़ीने तिन्हांजो नौंईं जिन्दगी देआं, तियां इ पुत्र बी तिन्हौं जे चाँह तिन्हौं जिन्दगी देआं।

1 पतरस 2:10

पैहले तुहें परमेशरा रे लोक नीं थे, पर हुण तुहें परमेशरा रे लोक ये। पैहले तुहां पर परमेशरा री दया नीं हुईरी थी, पर हुण हुईरी।

यूहन्ना 6:63

परमेशरा रा आत्मा त जीवन देणे औल़ा, शरीरा ते कोई फैदा निआं; सै गल्लां जे मैं तुहांजो गलाईयां सै पवित्र आत्मा ते औईयां, कने लोकां जो जीवन देईयां।

रोमियो 8:11

कने जे परमेशरा रा आत्मा तिने जे यीशु मसीह जो मूईरेयां चते जिऊंदा कित्या, तुहांरे अन्दर वास कराँ। तां सै परमेशर तिने जे यीशु मसीह जो मूईरयां चते जिऊंदा कित्या था, तुहांरे नाशवान शरीरा जो अपणी आत्मा ते सै जे तुहांरे अन्दर बसीरा, जिऊंदा करना।

यूहन्ना 5:25

“हऊँ तुहांजो सच्च बोलां भई सै बगत औणे औल़ा बल्कि आई चुक्कीरा, तिसच जे आत्मिक तरिके ने मूईरयां लोकां परमेशरा रे पुत्रा रा यनि मेरा बचन सुणना, कने सै जे सुणगे तिन्हां अनन्त जीवन पाणा।

इब्रानियों 11:12

इस वजह ते तिस इक माहणुये ते सै जे मरने औल़ा था इतणे बंशज पैदा हुये भई सै अम्बरा रे तारयां कने समुद्रा रे कनारे रे रेता रियां कणियां साई अनगिणत ये।

रोमियो 3:29

क्या परमेशर सिर्फ यहूदियां राई परमेशर हाया? क्या सै अन्यजातियां रा परमेशर निआं? हाँ, परमेशर तिन्हांरा बी आ।

2 पतरस 3:8

पर मेरे प्यारे मित्रो, इसा इक्की गल्ला जो मता भुलदे: प्रभुरे खातर इक दिन हजार साल्ला रे बराबर ये कने हजार साल इक्की दिना रे बराबर आ; तिसरे खातर इक दिन कने हजार साल दोन्नों बराबर ये।

इब्रानियों 11:7

विश्वासा रे जरिये नूँह जो ताहली जे तिन्हां गल्लां री चेतावनी दित्ति गई सै जे तिने देक्खी तक नीं थिआं, तां तिने परमेशरा रा आदर करदे हुये तिसरे हुक्मा जो मन्नीने अपणे परिवारा जो बचाणे रे खातर इक जहाज बणाया था। अपणे विश्वासा रे जरिये तिने इस संसारा जो दोषी मन्नया कने इस खातर परमेशरे नूँह जो धर्मी घोषित कित्या, काँह्भई तिने परमेशरा पर विश्वासा कित्या।

1 तिमुथियुस 6:13

परमेशरा जो गवाह मन्नीने सै जे सब्बीं जो जिन्दगी देआं, कने यीशु मसीह जो बी गवाह मन्नीने तिने जे पुन्तियुस पिलातुसा रे सामणे अपणे बारे च सच्च बोल्या था, हऊँ तिज्जो हुक्म देआं,

रोमियो 9:26

कने येढ़ा हूणा भई तिसा जगह च परमेशरे तिन्हाने ये गलाया था भई तुहें मेरे लोक नींये, तिसा जगह पर सै जिऊंदा परमेशरा रे बच्चे कहलाणे।”

1 कुरिन्थियों 15:45

पवित्रशास्त्रा च ये लिखिरा, “पैहला माहणु यनि आदम जिऊंदा प्राणी हुया” कने आखरी आदम यनि मसीह जीवन देणे औल़ी आत्मा हुया।

रोमियो 4:2

जे अब्राहमा जो तिसरे कम्मां रिया वजह ने धर्मी बणाया हुन्दा, तां ये तिसरे खातर घमण्डा री गल्ल थी; पर परमेशरा रे सामणे सै घमण्ड नीं करी सकदा।

प्रेरितां 15:18

येढ़ा सैई प्रभु बोलां सै जे जगता रिया उत्पतिया ते इन्हां गल्लां री खबर देन्दा आया।’

मत्ती 3:9

इसा गल़तफैहमिया च मत रौआ भई अब्राहम तुहांरा पिता; काँह्भई हऊँ तुहांजो बोलां भई इन्हां पत्थराँ ते परमेशर अब्राहमा रे खातर बच्चा पैदा करी सक्कां।

रोमियो 4:18

अब्राहमे विश्वास कित्या कने आशा रखी, हलाँकि ताहली जे आशा करने री कोई वजह नीं थी, इसा वजह ने “सै बौहत सारी जातियां रा पूर्वज बणया।” काँह्भई परमेशरे तिसने बोल्या था, “तेरा वंश येढ़ा हूणा।”

रोमियो 9:11

जुड़वा बच्चयां रे जमणे ते पैहले कने सै किछ बी भला बुरा करने ते पैहले परमेशरे रिबका जो बोल्या, भई “तेरे बड्डे बेटे छोट्टे री सेवा करनी।” परमेशरे ये दसणे खातर ये बोल्या भई सै अपणा चुनाब खुद कराँ कने इसरी वजह ये नीं थी भई तिन्हां चते किन्हिये किछ कित्या था।

इब्रानियों 11:3

विश्वासा तेई अहें जाणाँ यें भई संसारा री सृष्टि परमेशरा रे वचनां रे जरिये हुई थी। इस खातर अहें जो बी देक्खां ये सै तिन्हां चीजां ते बणीरा तिस्सो जे अहें देक्खी नीं सकदे।