रोमियो 4:15 - बिलासपुरी नौआं नियम

¹⁵ ताहली जे लोक व्यवस्था रा पालन नीं करदे, तां परमेशर गुस्से हुआं, पर तित्थी जे व्यवस्था नीं तित्थी व्यवस्था रा तोड़ना बी निआं।

रोमियो 4:15 Referans Kwoze

रोमियो 5:13

परमेशरा री मूसा जो व्यवस्था देणे ते पैहले लोकें संसारा च पाप कित्या, पर तिस वगत व्यवस्था नीं थी इस खातर तिन्हांरा पाप नीं गिणया गया।

गलातियां 3:10

पर सै लोक सै जे व्यवस्था पालन करने पर भरोसा रक्खां ये, सै त शरापा रे बशा चे। पवित्रशास्त्रा च लिखिरा : “येढ़ा हरेक माहणु शापित आ सै जे व्यवस्था रिया कताबा च लिखी रिया हर गल्ला रा हमेशा पालन नीं करदा।”

1 कुरिन्थियों 15:56

मौती रा डंग पाप आ; कने पापा री ताकत व्यवस्था इ।

गलातियां 3:19

फेरी भला व्यवस्था कजो दित्ति गई थी? लोक कितणे पापी ये, ये दसणे खातर व्यवस्था दित्ति गई थी, पर व्यवस्था तिस वंशा रे औणे तक बणीरी रौ तिसने जे वायदा कित्या गया था। परमेशरे अपणी व्यवस्था स्वर्गदूता रे जरिये मूसा जो दित्ति, सै जे परमेशर कने लोकां रे बिच इक बिचौल़िया था।

यूहन्ना 3:36

इस खातर सै जे कोई परमेशरा रे पुत्रा पर विश्वास करां, तिसजो इ अनन्त जीवन मिलणा; पर सै माहणु जे परमेशरा रे पुत्रा री गल्ल नीं मनदा, तिस्सो अनन्त जीवन नीं मिलणा, पर परमेशरा तिसजो अनन्त काल री सजा देणी।”

1 यूहन्ना 3:4

सै जे कोई पाप कराँ, सै परमेशरा रिया व्यवस्था जो तोड़ां, काँह्भई व्यवस्था जो तोड़ना इ पाप आ।

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

यूहन्ना 15:22

जे हऊँ नीं औन्दा कने तिन्हांने गल्लां नीं करदा, तां तिन्हां चते किसी बी पापी नीं हूणा था। पर हुण अपणे पापां खातर तिन्हाले कोई बी बहान्ना निआं।

कुलुस्सियां 3:6

इन्हां इ गल्लां रिया वजह ने परमेशरा रा कोप हुक्म नीं मनणे औल़यां रे ऊपर पौंवा।

रोमियो 1:17

काँह्भई खुशखबरी अहांजो ये दस्सां इ भई परमेशर कियां माहणुये जो अपणिया नज़राँ च धर्मी बणाँ; सै शुरु ते लेईने आखिर तक विश्वासा पर टिकिरा; तियां जे भई पवित्रशास्त्रा च लिखिरा, “धर्मी माहणु विश्वासा ते जिऊंदा रैहणा।”

प्रकाशितवाक्य 19:15

जाति-जाति जो मारने खातर तिसरे मुँआं ते तेज धार तलवार निकल़ां इ। तिस तिन्हांरे ऊपर लोहे री रौड़ा ने राज करना। तिस सर्वशक्तिमान परमेशरा रे भयानक गुस्से री जलजलाहटा री मदिरा रे कुण्डा च अंगूरां जो पीहणा।