रोमियो 4:13 - बिलासपुरी नौआं नियम

¹³ ताहली जे परमेशरे ये वायदा अब्राहम कने तिसरे वंशां ने कित्या था भई तिस तिन्हांजो ये संसार देणा। ये वायदा इस खातर नीं कित्या गया था भई अब्राहमे व्यवस्था रा पालन कित्या था, वल्कि परमेशरा पर तिसरे विश्वासा रिया वजह ने सै धर्मी गिणया गया।

रोमियो 4:13 Referans Kwoze

गलातियां 3:29

कने काँह्भई तुहें मसीह रे, तां फेरी तुहें अब्राहम रे वंश ये, कने परमेशरे सै जे वायदा अब्राहमा ने कित्या था, तिस वायदे रे बारस बी ये।

रोमियो 9:8

यनिके इसरा मतलब ये निआं भई सारे अब्राहम रे बच्चे परमेशरा रे बच्चे मन्ने जाणे, पर सिर्फ वायदे रे बच्चे इ अब्राहम रे वंशज मन्ने जाणे।

प्रेरितां 13:32

अहें तुहांजो तिस वायदे रे बारे च सै जे परमेशरे अहांरे बापदादयां ने कीतिरा, ये खुशखबरी सुणावां ये,

रोमियो 4:12

अब्राहम खतना औल़यां रा बी आत्मिक पिता, पर तिन्हारा बी आ जे सै परमेशरा पर विश्वास करीने अहांरे पूर्वज अब्राहमा साई जीवन बितायें, तियां जे सै खतने ते पैहले जीया था।

इब्रानियों 7:6

पर मेलिकिसिदक, सै जे लेवी रे वंशा रा नीं था, फेरी बी अब्राहम ते दशमांश लेआ कने तिस्सो आशीष दित्ति तिसने जे परमेशरे वायदा कित्तिरा था।

इब्रानियों 11:7

विश्वासा रे जरिये नूँह जो ताहली जे तिन्हां गल्लां री चेतावनी दित्ति गई सै जे तिने देक्खी तक नीं थिआं, तां तिने परमेशरा रा आदर करदे हुये तिसरे हुक्मा जो मन्नीने अपणे परिवारा जो बचाणे रे खातर इक जहाज बणाया था। अपणे विश्वासा रे जरिये तिने इस संसारा जो दोषी मन्नया कने इस खातर परमेशरे नूँह जो धर्मी घोषित कित्या, काँह्भई तिने परमेशरा पर विश्वासा कित्या।