रोमियो 3:25 - बिलासपुरी नौआं नियम

^25-26 परमेशरे यीशु मसीह जो अहांरे पापां रे खातर बलिदान हुणे जो भेज्या कने मसीहे अपणा खून्न बहाया ताकि तिस पर विश्वास करने रे जरिये अहें परमेशरा ले आई सक्को। परमेशरे ये दसणे खातर येढ़ा कित्या भई पैहले सै सहनशील कने पापियां जो माफ करने च सही था। यह ये बी दस्सां भई परमेशर सही आ ताहली जे सै मसीह पर विश्वास करने औल़यां जो ग्रहण कराँ।

रोमियो 3:25 Referans Kwoze

1 यूहन्ना 4:10

सच्चा प्यार इसच निआं भई अहें परमेशरा ने प्यार कित्या, बल्कि इसच आ भई तिने अहांने प्यार कित्या कने अहांरे पापां रे प्रायश्चिता खातर अपणे पुत्रा जो भेज्या।

1 यूहन्ना 2:2

कने सैई अहांरे पापां रे प्रायश्चिता खातर इक बलिदान बणया, कने न सिर्फ अहांरे पापां रा बल्कि सारे संसारा रे पापां रा बी।

रोमियो 5:9

काँह्भई हुण तां जे अहें तिसरे खून्ना रिया वजह ते धर्मी बणिगे, तां हुण तिसरे जरिये न्याय रे दिन परमेशरा रिया सजा ते जरूर बची जांणे।

प्रेरितां 17:30

इस खातर परमेशरे तिस बगता पर ताहली जे सब अंजाण थे ध्यान नीं दित्या, पर हुण हर जगह सब्बीं माहणुआं जो मन फिराणे रा हुक्म देआं।

इब्रानियों 10:4

काँह्भई बकरयां कने बछड़यां रा लहू पापां जो कदीं दूर नीं करी सकदा।

प्रकाशितवाक्य 13:8

कने धरतिया पर रैहणे औल़े सारे लोकां इस पशुये री पूजा करनी, यनिके सै लोक तिन्हांरा नौं जे बल़ि कित्ते गये मेमने रिया जीवना रिया कताबा च, संसारा रिया शुरुआता रे बगता ते नीं लखोईरे।

इब्रानियों 11:7

विश्वासा रे जरिये नूँह जो ताहली जे तिन्हां गल्लां री चेतावनी दित्ति गई सै जे तिने देक्खी तक नीं थिआं, तां तिने परमेशरा रा आदर करदे हुये तिसरे हुक्मा जो मन्नीने अपणे परिवारा जो बचाणे रे खातर इक जहाज बणाया था। अपणे विश्वासा रे जरिये तिने इस संसारा जो दोषी मन्नया कने इस खातर परमेशरे नूँह जो धर्मी घोषित कित्या, काँह्भई तिने परमेशरा पर विश्वासा कित्या।

रोमियो 5:1

इस खातर अहें विश्वासा ते धर्मी बणे, कांभई सै जे प्रभु यीशु मसीहे अहांरे खातर कित्या, तिसरे जरिए अहें परमेशरा सौगी शान्तिया ने रौ,

प्रकाशितवाक्य 20:15

कने तिस किसी रा नौं जे जीवना रिया कताबा च लिखिरा नीं मिलया, सै अग्गी रिया नदिया च पाया गया।

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,

इब्रानियों 11:14

सै जे येढ़ियां गल्लां बोलां ये, सै ये दस्सां ये भई अपणे देशा रिया टोल़ा चे।

1 यूहन्ना 1:10

जे अहें बोल्लो भई अहें कोई पाप नीं कित्तिरा, तां अहें परमेशरा जो झूट्ठा बणायें, कने न तिसरे वचना जो ग्रहण कराँ ये।

इब्रानियों 11:17

विश्वासा रे जरिये अब्राहमे परखे जाणे रे बगता च अपणे पुत्र इसहाका जो बल़िया खातर भेन्ट चढ़ाया। अब्राहमा जोई परमेशरे वायदा कित्या था फेरी बी सै अपणे इकलौते पुत्रा री बल़ि देणे जो त्यार था।

इब्रानियों 9:5

सन्दूका रे ऊपर करुब बणीरे थे सै जे परमेशरा रिया मौजूदगिया जो दस्सां थे। सै अपणे फंगा ने तिसा जगह पर छाया करी रां थे तित्थी जे पाप माफ कित्ते गये थे। पर हुण इन्हां गल्लां री चर्चा अहें बिस्तारा ने नीं करी सकदे।

1 तिमुथियुस 1:15

ये गल्ल सच्च कने हर तरिके ने मनणे लायक इ भई मसीह यीशु पापियां रा छुटकारा करने खातर संसारा च आया, तिन्हां सब्बीं च हऊँ बड़ा पापी आ।

रोमियो 5:11

कने सिर्फ येई नीं, पर अहें अपणे प्रभु यीशु मसीह रे जरिये परमेशरा च आनन्द कराँ ये, तिसरिया बजह ने जे हुण अहांरा मेल हुईरा।

रोमियो 2:4

क्या तुहें परमेशरा रिया महान किरपा जो, कने सहनशक्तिया कने धैर्य जो घटिया जाणाँ ये? क्या तुहें ये नीं समझदे भई परमेशरा री किरपा तुहांरी मन फिराव करने च अगुवाई कराँ इ?

प्रेरितां 4:28

भई जो किछ पैहले ते तेरिया सामर्था कने बुद्धिया ते ठहराईरा सैई करो।

प्रेरितां 3:18

पर तिन्हां गल्लां जो जे परमेशरे सब भविष्यवक्तयां रे मुँआं ते पैहले इ दस्सी तरा था, भई परमेशरा रे भेज्जीरे मसीहे दुख सैहणा कने मरना था, तिन्हांजो तिन्हें इसा रितिया ते पूरा कित्या।

प्रेरितां 15:18

येढ़ा सैई प्रभु बोलां सै जे जगता रिया उत्पतिया ते इन्हां गल्लां री खबर देन्दा आया।’

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

यूहन्ना 6:47

हऊँ तुहांजो सच्च बोलां भई सै जे विश्वास कराँ अनन्त जीवन तिसरा इ हाया।

प्रेरितां 14:16

तिने पिछले बगता च सब्बीं जातियां जो अपणे-अपणे रस्तयां पर चलने दित्या।

रोमियो 5:18

इस खातर तियां जे इक माहणुये रा पाप सारयां लोकां रे खातर सजा लेईने आया, तियां इ मसीह रे धर्मा रा काम्म बी सारयां लोकां रे खातर धर्मी बणने री बजह बणया सै जे जीवन देआं।

1 कुरिन्थियों 5:7

तुहें पापा जो निकाल़ी देआ सै जे पुराणे खमीरा साई आ ताकि तुहें पूरी तरह पवित्र हुई सक्को। फेरी तुहें नये गुन्हीरे आट्टे साई बणी जाणा सै जे बगैर खमीरा तेआ, तियां जे तुहें हकीकता चे। काँह्भई तिन्हे मसीह रा बलिदान कित्तिरा सै जे अहांरा फसह रे त्योहारा रा मेमना।

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

इफिसियां 1:7

अहौं तिसच परमेशरा रे बौहत अनुग्रह रे मुतावक मसीह रे खून्ना रे जरिये छुटकारा, यनिके अहांरे पापां री माफी मिलीरी, परमेशरा रा अनुग्रह बौहत इ महान आ सै जे तिने अहांजो बौहत-जादा करीने दित्या।

इफिसियां 2:13

इक वगत था ताहली जे तुहें परमेशरा ते दूर थे, पर हुण मसीह यीशु च तिसरे खून्ना रे जरिये नेड़े लन्दे।

इब्रानियों 9:28

इस खातर तियां इ मसीह इक इ बार कई माहणुआं रे पापां जो दूर करने खातर बलिदान हुया था। कने सै पापां जो दूर करने रे खातर नीं, पर तिन्हां लोकां रा छुटकारा करने रे खातर मसीहे दोवारा औणा, सै जे तिसरा बेसब्रिया ने इन्तजार करया राँये।

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।