रोमियो 3:24 - बिलासपुरी नौआं नियम

²⁴ पर परमेशरा रे अनुग्रह ते तिने अहांजो यीशु मसीह रे जरिये मुख्ता च ग्रहण कित्या कने अहांरे पापां रिया सजा ते छुटकारा दित्या।

रोमियो 3:24 Referans Kwoze

कुलुस्सियां 1:14

अपणे पुत्रा रे बलिदान्न रे जरिये परमेशरे अहांजो शैतान्ना रिया शक्तिया ते अजाद कित्या, कने अहांरे पापां जो माफ कित्या।

रोमियो 5:9

काँह्भई हुण तां जे अहें तिसरे खून्ना रिया वजह ते धर्मी बणिगे, तां हुण तिसरे जरिये न्याय रे दिन परमेशरा रिया सजा ते जरूर बची जांणे।

तीतुस 2:14

तिने अप्पूँजो अहांरे खातर बलिदान करित्या ताकि अहांजो हरेक पापा ते छडवाई लो कने शुद्ध करीने अपणे खास लोक बणाई लो, सै जे भले काम्म करने च पूरे समर्पित ये।

रोमियो 4:16

इस खातर, विश्वासा रे जरिये परमेशरा रा वायदा औआं, ताकि वायदा परमेशरा रे अनुग्रह रे जरिये अब्राहम रे सारे वंशां रे खातर पक्का हुई सक्को। न सिर्फ तिन्हां खातर सै जे व्यवस्था रा पालन कराँ ये बल्कि तिन्हां सारयां खातर बी सै जे अब्राहमा साई विश्वास रखां ये, सै जे अहां सारयां रा पूर्वज आ,

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

मत्ती 20:28

तियां जे भई माहणुये रा पुत्र, यनि हऊँ इस खातर नीं आया भई अपणी सेवा करवाऊँ, पर हऊँ इस खातर आया भई अप्पूँ सेवा करूँ कने बौहत सारे लोकां जो पापां ते छुड़ाणे खातर अपणा प्राण देऊँ।”

1 तिमुथियुस 2:6

तिने जे अपणिया जिन्दगिया जो सब्बीं माहणुआं रे छुटकारे रे खातर कीमता रे रुपा च बल़ि करित्या, कने तिसरिया मौती रे जरिये परमेशरे सही वगता पर ये सबूत दित्या भई सै चांह भई सारे लोक छुटकारा पाओ।

1 कुरिन्थियों 6:11

कने तुहां चते किछ लोक येढ़े इ थे, पर तुहें प्रभु यीशुये रे नौआं ते कने अहांरे परमेशरा रे आत्मा रे जरिये पापां ते धोये गैईरे कने पवित्र कित्ते गये कने धर्मी घोषित कित्ते गये।

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,

प्रकाशितवाक्य 7:14

मैं तिसजो जबाब दित्या, “हे स्वामी, हऊँ नीं जाणदा, पर तूई जाणाँ।” तिने मेरने गलाया, ये सै लोक ये, सै जे तिस बड़े दुखा ते निकल़ीने आईरे; इन्हें अपणे कपड़े मेमने रे खून्ना ने धोईने चिट्टे कित्तिरे।

रोमियो 4:4

काम्म करने औल़े जो मजदूरी देणा कोई दान निआं, पर हक समझया जां।

प्रेरितां 15:11

हाँ, अहांरा ये निश्चा जरूर आ भई तियां-तियां ने प्रभु यीशुये रे अनुग्रह ते छुटकारा मिलणा; तियां-तियां इ अहांजो बी मिलणा।”