रोमियो 3:11 - बिलासपुरी नौआं नियम

¹¹ कोई बी माहणु नीं समझदा भई क्या ठीक आ; कोई बी परमेशरा जो जाणना नीं चाहन्दा।

रोमियो 3:11 Referans Kwoze

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

रोमियो 8:7

काँह्भई पापी स्वभावा रे मुतावक चलना त परमेशरा ने बैर रखणा, काँह्भई नांत पापी स्वभाव परमेशरा रिया व्यवस्था रे अधीन आ कने नां तिसरिया व्यवस्था रा पालन करी सक्कां;

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।

रोमियो 1:28

कने काँह्भई तिन्हे परमेशरा जो पछयाणने ते मना करित्या, इस खातर परमेशरे तिन्हौं तिन्हांरे मूर्ख बचाराँ पर छड्डीत्या, कने सै येढ़े बुरे काम्म करने लगे सै जे तिन्हौं नीं करने चाहिन्दे थे।

रोमियो 1:22

हलाँकि तिन्हें अप्पूँजो समझदार हुणे रा दावा कित्या, पर सै मूर्ख बणिगे,

मत्ती 13:19

लोक सै जे परमेशरा रे बारे च सुणां यें भई सै कियां लोकां रियां जिन्दगियां पर राज कराँ कने नीं समझदे भई जो किछ तिन्हें सुणया सै तिसा बाटा साई आ तित्थी जे सै किछ दाणे पैईरे, शैतान औआं कने जो किछ तिन्हें सुणीरा हुआं तिसजो भुलाई देआं।

रोमियो 3:10

तियां जे पवित्रशास्त्र बोलां, “परमेशरा रे सामणे कोई बी धर्मी निआं, इक बी नीं।

रोमियो 3:12

सारे परमेशरा ते भटकीरे, सारे रे सारे तिसरे खातर बेकार हुईगरे; कोई भलाई करने औल़ा निआं, इक बी नीं।