रोमियो 2:4 - बिलासपुरी नौआं नियम

⁴ क्या तुहें परमेशरा रिया महान किरपा जो, कने सहनशक्तिया कने धैर्य जो घटिया जाणाँ ये? क्या तुहें ये नीं समझदे भई परमेशरा री किरपा तुहांरी मन फिराव करने च अगुवाई कराँ इ?

रोमियो 2:4 Referans Kwoze

2 पतरस 3:9

प्रभु अपणे बायदे पूरा करने च देर नीं लगान्दा, तियां जे भई किछ लोक सोच्चां ये। बल्कि सै अहांरे प्रति धीरज रखां, काँह्भई सै नीं चाहन्दा भई कोई बी माह्णु नाश हो, पर सै त चांह भई सारे लोक पापां ते मन फिराई लो।

इफिसियां 1:18

हऊँ परमेशरा ने ये बी प्राथना कराँ भई सै तुहौं सच्चाईया जो समझणे च तुहांरी मदद करगा, भई तुहें तिसा आस्सा जो जाणी लो तिसरे खातर जे तिने तुहांजो सद्दीरा; कने तुहें इसा गल्ला जो जाणो भई सै आशीषां जे परमेशर अपणयां लोकां जो देणे रा वायदा कराँ सै कितणियां महान इ।

इफिसियां 2:7

तिने मसीह यीशुये रे जरिये इस तरिके ने अपणी दया अहां पर दिखाई ताकि औणे औल़े वगता च संसारा रे लोकां देखणा भई तिसरा अनुग्रह कितना महान आ। ये अनुग्रह सब्बीं ते महान आ।

इफिसियां 1:7

अहौं तिसच परमेशरा रे बौहत अनुग्रह रे मुतावक मसीह रे खून्ना रे जरिये छुटकारा, यनिके अहांरे पापां री माफी मिलीरी, परमेशरा रा अनुग्रह बौहत इ महान आ सै जे तिने अहांजो बौहत-जादा करीने दित्या।

रोमियो 3:25

परमेशरे यीशु मसीह जो अहांरे पापां रे खातर बलिदान हुणे जो भेज्या कने मसीहे अपणा खून्न बहाया ताकि तिस पर विश्वास करने रे जरिये अहें परमेशरा ले आई सक्को। परमेशरे ये दसणे खातर येढ़ा कित्या भई पैहले सै सहनशील कने पापियां जो माफ करने च सही था। यह ये बी दस्सां भई परमेशर सही आ ताहली जे सै मसीह पर विश्वास करने औल़यां जो ग्रहण कराँ।

2 पतरस 3:15

अहांरे प्रभुये रे धीरजा जो इक मौके रे रुपा च समझा सै जे तुहांजो छुटकारा पाणे रे खातर देईराँ, तियां जे अहांरे प्यारे साथी विश्वासी पौलुसे बी तिसजो परमेशरा रे दित्तिरे ज्ञाना रे मुतावक तुहांजो लिखिरा।

रोमियो 11:33

ओह! हकीकत च परमेशर सारयां रे खातर भला कने सै बौहत बुद्धिमान कने ज्ञानी आ। कोई बी तिसरे विचाराँ रा बखान करी नीं सकदा, कने कोई बी तिसरे मार्गां जो समझी नीं सकदा।

रोमियो 11:22

इस खातर तू परमेशरा रिया दया जो देख कने तिसरिया सख्तिया पर ध्यान दे। सै सख्ती तिन्हांरे खातर इ सै जे अविश्वासा रिया वजह ने गिरीगरे पर तिसरी दया तेरे खातर इ, तू अप्पूँ पर तिसरी दया बणीरी रैहणे दे, नैत डाल़ा ते तू बी बड्डीने सट्टि दित्या जाणा।

इफिसियां 2:4

पर परमेशर दया रा धनी आ; अपणे तिस महान प्यारा रिया बजह ने तिने अहांने प्यार कित्या,

2 पतरस 3:3

सब्बीं ते पैहले तुहांजो ये समझी लेणा चाहिन्दा भई आखरी दिनां च मजाक डवाणे औल़यां मजाक डवान्दे हुये औणा, कने तिन्हां अपणी बुरी इच्छां रे मुतावक चलना।

1 पतरस 3:20

ये तिन्हां लोकां रियां आत्मां थिआं तिन्हेंजे बौहत पैहले परमेशरा रा हुक्म नीं मन्नया था ताहली जे नूँह जहाज बणाईराँ था, कने परमेशर धीरजा ने इन्तजार करया राँ था भई सै मन फिराई लो। पर येढ़ा नीं हुया कने जलप्रलय ते बाद सिर्फ आट्ठ माहणु इ बची पाये।

1 तिमुथियुस 6:17

इस संसारा रे अमीर लोकां जो हुक्म देओ भई सै घमण्डी नीं हो कने सै धना पर आशा नीं रखो सै जे किछ वगता रे खातर आ, पर सै परमेशरा पर आशा रखो सै जे अहांरे सुखा खातर सब किछ ईमानदारिया ने अहांजो देआं।

फिलिप्पियां 4:19

कने मसीह यीशुये सै जे कित्या तिसरिया वजह ते मेरे परमेशर तुहांजो अपणे बौहत धना ने सै किछ जे तुहांरी जरूरत इ तिसजो परमेशरा देणा।

प्रकाशितवाक्य 3:20

देख, हऊँ दरवाजे पर खड़ीने भित ठल़काँ; जे कोई मेरी अवाज़ सुणी ने खोलगा, तां मांह अन्दर आईने तिसने सौगी रोटी खाणी कने तिस मेरे सौगी रोटी खाणी।

1 तिमुथियुस 1:16

पर माह पर इस खातर दया हुई भई मुझ सब ते बड़े पापिये च यीशु मसीह अपणी पूरी सहनशीलता दस्सो, भई सै जे लोक तिस पर अनन्त जीवना खातर विश्वास करगे तिन्हां खातर हऊँ इक आर्दश बणुँ।

कुलुस्सियां 1:27

परमेशरे अपणयां लोकां जो ये परगट करने रा फैसला कित्या भई तिसरी योजना होरीं जातियां रे लोकां खातर सही माईने च कितणी अदभुत इ, कने मसीह तुहां च वास कराँ ताकि तुहें भरोसे सौगी स्वर्गा च परमेशरा री महिमा च भागीदार हुई सक्को।

रोमियो 6:15

तां अहें क्या करिये? क्या अहें पाप करिये काँह्भई अहें व्यवस्था रे अधीन नींये, वल्कि परमेशरा रे अनुग्रह रे अधीन जीआं ये? कदीं मनी!

रोमियो 6:1

तां फेरी अहांजो क्या बोलणा चाहिन्दा? तां क्या अहें लगातार पाप करदे रौ, ताकि परमेशरा रा अनुग्रह बधो?

कुलुस्सियां 2:2

ताकि तिन्हांरे मनां जो तसल्ली मिलो कने सै अप्पूँ चियें प्यारा ने इक हुईने रौ, कने हऊँ चाँह भई तिन्हां लोकां रा पूरा भरोसा ओ, काँह्भई सै परमेशरा रिया योजनां रा भेत पूरे तरिके ने समझी सक्को, सै जे खुद मसीह आ।

इफिसियां 3:16

हऊँ प्राथना कराँ भई सै अपणी बेथाह महिमा रे मुतावक अपणिया पवित्र आत्मा रे जरिये तुहांरिया अन्तरात्मा जो सामर्था ने भरीने मजबूत करो।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

रोमियो 10:12

ये इस खातर आ भई यहूदियां कने अन्यजातियां च कोई फर्क निआं, काँह्भई सारयां रा प्रभु त इक इ हाया कने सै जे तिसजो पुकाराँ ये तिन्हांजो सै बौहत आशीष देआं।

2 कुरिन्थियों 8:2

ताहली जे बौहत संकटा ते तिन्हांरा इम्तेहान हुया था तां बी सै बौहत खुश हुये कने हलाँकि ये बौहत गरीब थे फेरी भीं तिन्हें उदारता ने दुज्जे विश्वासियां री मदद करने जो पैसा दित्या।

2 पतरस 1:11

कने परमेशरा तुहांजो दिला ते राज्जा च स्वागत करना, तित्थी जे यीशु मसीह सै जे अहांरा प्रभु कने अहांरा छुटकारा देणे औल़े सदा खातर राज्ज करना।

प्रकाशितवाक्य 2:21

मैं तिसाजो तिसारे व्यभिचारा ते मन फिराणे रा वगत दित्तिरा, पर सै मन नीं फिराणा चाहन्दी।