रोमियो 2:14 - बिलासपुरी नौआं नियम

¹⁴ फेरी तां जे अन्यजाति लोक तिन्हांले जे व्यवस्था नीं, पर सै लोक स्वभावा तेई व्यवस्था रे मुतावक चलां यें, तां सै ये दस्सां भई क्या करना चाहिन्दा या क्या नीं करना चाहिन्दा, हलांकि तिन्हांले व्यवस्था नीं।

रोमियो 2:14 Referans Kwoze

रोमियो 2:12

इस खातर भई सै जे बिणा व्यवस्था पाये पाप कराँ ये, तिन्हां बगैर तिस तेई मरी बी जाणा; कने सै जे मूसा री व्यवस्था जो जाणदे हुये पाप कराँ ये, तिन्हांजो सजा बी व्यवस्था रे मुतावक ही मिलणी;

रोमियो 2:27

कने सै माहणु तिसरा जे शरीरा ते खतना नीं हुईरा, कने जे सै व्यवस्था रा पालन करो, तां क्या तिस माहणुये तिज्जो दोषी नीं मन्नणा, हलाँकि तेरले लिखिरी व्यवस्था इ कने खतना हुणे ते बाद बी व्यवस्था रा पालन नीं करदा?

इफिसियां 2:12

याद करा तिस बगत तुहें लोक मसीह ते लग थे, तुहें इस्राएल रिया बरादरिया ते बाहर थे, कने तिसरे वायदे रिया वाचां रे हिस्सेदार नीं थे कने इस संसार च बगैर आशा ते कने बगैर परमेशरा ते थे।

प्रेरितां 17:30

इस खातर परमेशरे तिस बगता पर ताहली जे सब अंजाण थे ध्यान नीं दित्या, पर हुण हर जगह सब्बीं माहणुआं जो मन फिराणे रा हुक्म देआं।

प्रेरितां 10:35

पर हर जातिया चते सै जे परमेशरा ते डराँ ये कने धर्मा रे काम्म कराँ ये, तिन्हांजो परमेशर ग्रहण कराँ।

रोमियो 1:32

इयां त सै परमेशरा री विधि जाणाँ ये भई येढ़ि जिन्दगी जीणे औल़े मौती रिया सजा रे हकदार ये, तां बी न सिर्फ सै अप्पूँ इस तरिके रे काम्म कराँ ये, पर येढ़े काम्म करने औल़यां ते सै बड़े खुश हुआं ये।

1 कुरिन्थियों 11:14

क्या प्रकृति खुद तुहांजो ये शिक्षा नीं देन्दी भई लम्बे बाल रखणा माहणुये रे खातर अपमान्ना री गल्ल इ,

फिलिप्पियां 4:8

इस खातर साथी विश्वासियो, तिन्हां गल्लां रा ध्यान करा सै जे सच्चियां इ, कने सै गल्लां जे आदर रे लायक इ, कने सै जे किछ ठीक आ, कने सै जे किछ पवित्र आ, सै जे किछ सुन्दर आ, सै जे किछ सराहना रे लायक आ, यनिके कोई बी होर उत्तम गुण या प्रशंसा री गल्लां ओ तिन्हां पर ध्यान लगाया करा।

प्रेरितां 14:16

तिने पिछले बगता च सब्बीं जातियां जो अपणे-अपणे रस्तयां पर चलने दित्या।

रोमियो 2:15

सै व्यवस्था रियां गल्लां जो अपणे-अपणे मनां च लिखी रियां दस्सां ये कने तिन्हांरी अन्तरात्मा (विवेक) बी इसा गल्ला री गवाही देईं, कने तिन्हारा सोच-बचार अप्पूँ बाटियें तिन्हांजो दोष लगां; या तिन्हांजो निर्दोष बणां।

1 कुरिन्थियों 9:21

सै लोक जे व्यवस्था रे अधीन नींये तिन्हांजो ल्याणे रे खातर हऊँ तिन्हां साई बणीग्या, हलाँकि हऊँ परमेशरा रिया व्यवस्था ते अजाद निआं, पर मसीह री व्यवस्था रे अधीन आ।

इफिसियां 2:3

इक बगत था ताहली जे अहें सब बी तिन्हां साई जीआं थे कने बासनां कने अपणे पापी स्वाभावा रियां इच्छां जो पूरा कराँ थे। अहें अपणे स्वभावा च दुज्जेयां लोकां साई थे इस खातर परमेशर अहांने गुस्सा था।