रोमियो 2:12 - बिलासपुरी नौआं नियम

¹² इस खातर भई सै जे बिणा व्यवस्था पाये पाप कराँ ये, तिन्हां बगैर तिस तेई मरी बी जाणा; कने सै जे मूसा री व्यवस्था जो जाणदे हुये पाप कराँ ये, तिन्हांजो सजा बी व्यवस्था रे मुतावक ही मिलणी;

रोमियो 2:12 Referans Kwoze

1 कुरिन्थियों 9:21

सै लोक जे व्यवस्था रे अधीन नींये तिन्हांजो ल्याणे रे खातर हऊँ तिन्हां साई बणीग्या, हलाँकि हऊँ परमेशरा रिया व्यवस्था ते अजाद निआं, पर मसीह री व्यवस्था रे अधीन आ।

गलातियां 3:10

पर सै लोक सै जे व्यवस्था पालन करने पर भरोसा रक्खां ये, सै त शरापा रे बशा चे। पवित्रशास्त्रा च लिखिरा : “येढ़ा हरेक माहणु शापित आ सै जे व्यवस्था रिया कताबा च लिखी रिया हर गल्ला रा हमेशा पालन नीं करदा।”

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

रोमियो 1:32

इयां त सै परमेशरा री विधि जाणाँ ये भई येढ़ि जिन्दगी जीणे औल़े मौती रिया सजा रे हकदार ये, तां बी न सिर्फ सै अप्पूँ इस तरिके रे काम्म कराँ ये, पर येढ़े काम्म करने औल़यां ते सै बड़े खुश हुआं ये।

मत्ती 11:24

पर हऊँ तुहां लोकां ने बोलां, भई न्याय रे दिन परमेशरा तिज्जो सदोम रे निवासियां ते जादा सजा देणी।”

याकूब 2:10

काँह्भई सै जे कोई इक्की हुक्मा जो छड्डिने सारिया व्यवस्था रा पालन कराँ, तिस माहणुये साई आ तिने जे सारिया व्यवस्था जो नीं मन्नया।

रोमियो 4:15

ताहली जे लोक व्यवस्था रा पालन नीं करदे, तां परमेशर गुस्से हुआं, पर तित्थी जे व्यवस्था नीं तित्थी व्यवस्था रा तोड़ना बी निआं।

मत्ती 11:22

पर हऊँ तुहां लोकां ने बोलां भई न्याय रे दिन सूर कने सैदा नगराँ री हालत तुहां ते जादा सैहणे लायक हूणी।

गलातियां 3:22

पर पवित्रशास्त्र घोषणा कराँ भई सै सारे संसारा रे लोक पापा रिया शक्तिया रे अधीन आ, ताकि परमेशरे सै जे वायदा कित्तिरा तिस्सो तिन्हौं देई सक्को सै जे यीशु मसीह पर विश्वास कराँ ये।

यूहन्ना 19:11

यीशुये तिस्सो जबाब दित्या, “जे परमेशरा रिया तरफा ते तिज्जो अधिकार नीं दित्या हुन्दा; तां तेरा मांह पर कोई अधिकार नीं हुंदा; इस खातर तिने माहणुये जे मिन्जो तेरे हवाले कित्तिरा, तिसरा पाप जादा।”

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।