रोमियो 2:10 - बिलासपुरी नौआं नियम

¹⁰ पर सै जे कोई अच्छाईया पर चलां, तिस्सो परमेशरा महिमा, आदर कने शान्ति देणी, पैहले यहूदिये जो कने फेरी अन्यजातियां जो।

रोमियो 2:10 Referans Kwoze

1 पतरस 1:7

ये इस खातर आ भई तुहांरा विश्वास सच्चा साबित हो, मसीह यीशुये पर तुहांरा विश्वास सियुने ते बी बौहत कीमती आ। तियां जे नाशवान सियुना अग्गी ते परखया कने शुद्ध कित्या जां, तियां इ जे तुहांरा विश्वास समस्यां ते परखया जाणे ते बाद मजबूत बणीरा रौ, तां तुहां तिस दिन प्रशंसा, महिमा कने आदर पाणा ताहली जे यीशु मसीह वापस औणा।

याकूब 3:13

भला तुहां च ज्ञानी कने समझदार कुण आ? सै जे हाया, तिस्सो अपणे व्यवहारा ने ये दसणा चाहिन्दा भई तिसरे काम्म तिसा नम्रता ने कित्ते गईरे सै जे ज्ञाना ने जुड़ीरे।

रोमियो 8:6

जे अहांरा मन अहांरे पापी स्वभावा रे जरिये चलां तां अहां मरना, पर जे अहांरा मन आत्मा रे जरिये चलां तां अहांले जीवन कने शान्ति हूणी।

रोमियो 2:7

सै जे लगातार खरे कर्म करदे हुये महिमा, आदर कने अमरता रिया खोज्जा च रैं, तिन्हौं परमेशरा अनन्त जीवन देणा;

लूका 1:79

भई सै जे परमेशरा जो नीं जाणदे सै तिन्हां लोकां साई ये सै जे अन्धेरे च बैठिरे, कने मौती ते डरीरे, तिन्हां पर परमेशरा रे सन्देशा री लोय चमको। कने तिस अहांरी अगुवाई करनी, ताकि अहें परमेशरा सौगी शान्तिया ने रैई सक्को।”

याकूब 2:22

देक्खा, तिसरा परमेशरा पर इतणा भरोसा था भई सै जे किछ परमेशरे बोल्या, सै सब किछ करने जो त्यार हुईग्या; तिसरे विश्वासा जो तांई पूरा मन्नया गया ताहली जे तिने सै कित्या सै जे तिस्सो करने खातर बोल्या गया था,

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

रोमियो 5:1

इस खातर अहें विश्वासा ते धर्मी बणे, कांभई सै जे प्रभु यीशु मसीहे अहांरे खातर कित्या, तिसरे जरिए अहें परमेशरा सौगी शान्तिया ने रौ,

रोमियो 2:9

कने तिस हर इक माहणुये पर दुख कने संकट औणे सै जे बुरा कराँ यें, पैहले यहूदिये पर फेरी अन्यजातियां पर;

यूहन्ना 16:33

मैं तुहांजो ये सब गल्लां इस खातर बोलियां भई तुहांजो मेरते शान्ति मिलो। संसार तुहांजो दुख देआं, हिम्मत रखा! मैं संसारा जो जित्तिल्या।”

फिलिप्पियां 4:7

तां परमेशरा तुहांजो शान्ति देणी सै जे माहणुआं रिया समझा ते बाहर इ, सै जे तुहांरे मना जो कने तुहांरे विचाराँ जो मसीह यीशुये च सुरक्षित रखगी।

गलातियां 5:22

पर पवित्र आत्मा रा फल़ प्यार, खुशी, शान्ति, धीरज, दया, भलाई, विश्वास,

रोमियो 15:13

सारियां आशां रा देणे औल़ा परमेशर तुहांजो बड़े आनन्द कने शान्तिया ने भरी दो, तियां जे भई तिसच तुहांरा विश्वास आ, ताकि पवित्र आत्मा रिया सामर्था ते तुहें आशा ने भरी जाओ।

रोमियो 14:17

काँह्भई परमेशरा रे राज्जा च खाणा पीणा मायना नीं रखदा, पर परमेशरा ने ठीक रैहणा, शान्ति कने पवित्र आत्मा ने आनन्द बौहत मायना रखा।

रोमियो 9:23

कने परमेशरे बी अपणी जादा महिमा परगट करने खातर अहांजो तिसते भरीत्या सै जे तिसरिया दया रिया वजह ने हुया, अहां चते तिन्हांजो परमेशरे अपणी महिमा पाणे खातर त्यार कित्तिरा।

रोमियो 9:21

क्या किसी कम्हारा जो मिट्टिया पर ये अधिकार निआं भई मिट्टिया रे इक्की पेड़े ते इक भान्डा आदर करने खातर कने दुज्जे जो बेकदरिया रे खातर बणाओ?

प्रेरितां 10:35

पर हर जातिया चते सै जे परमेशरा ते डराँ ये कने धर्मा रे काम्म कराँ ये, तिन्हांजो परमेशर ग्रहण कराँ।

यूहन्ना 12:26

जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

लूका 22:14

ताहली जे ठीक वगत आया, यीशु अपणे बाराँ प्रेरितां सौगी मेज़ा पर खाणा खाणे बैट्ठे।

लूका 19:42

यरूशलेम नगरा रे लोको, “जे तुहें समझी जान्दे तां परमेशर आज्ज तुहांजो शान्ति देन्दा हुन्दा; पर हुण तुहें इन्हां गल्लां जो देक्खी नीं सकदे।

लूका 12:37

आशीषित ये सै सेवक सै जे मालका रे औन्दे इ तिसजो जागदे कने त्यार हुईरे मिलां ये। हऊँ तुहांजो सच्च बोलां, भई सै बी तिन्हां रिया सेवा खातर अपणी कमर बन्हीने तिन्हाजो रोटी खाणे बठाल़गा, कने नेड़े आईने तिन्हारी सेवा करगा।

लूका 9:48

फेरी तिन्हांने बोल्या, “सै जे कोई मेरे नौआं ते इस बच्चे जो ग्रहण कराँ, सै मिन्जो ग्रहण कराँ; कने सै जे कोई मिन्जो ग्रहण कराँ, सै मेरे भेजणे औल़े जो ग्रहण कराँ, काँह्भई ये सै आ सै जे तुहां च सबनी ते छोट्टा, सैई महान आ।”

मत्ती 10:13

जे तिस घरा रे लोक लायक हुंगे तां तुहांरा आशीर्वाद तिन्हां रिया सौगी-सौगी हूणा, पर जे सै इसरे लायक नीं हुंगे तां तुहांरा आशीर्वाद तुहांले बापस आई जाणा।

1 पतरस 5:4

ताकि ताहली जे यीशु मसीह औणा सै जे अहांरे प्रधान रखवाल़े साई आ, तां तुहांजो महिमा रा मुकुट मिलणा, सै जे कदीं मुरझान्दा निआं।

यूहन्ना 14:27

हऊँ तुहांजो शान्ति देआं, तेढ़ी नीं, तिस तरिके री जे संसार देआं; पर हऊँ तुहांजो अपणी शान्ति देआं तिसते जे तुहांरा मन नांत घबराओ कने न डरो।

1 तिमुथियुस 1:17

हुण अनन्तकाल रा राजा, सै जे हमेशा रे खातर जिवित आ, तिस्सो जे कोई नीं देक्खी सकदा, तिस इकमात्र कने सच्चे परमेशरा रा आदर कने महिमा जुगां-जुगां तक हुंदी रौ। आमीन।

इब्रानियों 2:7

तैं तिन्हांजो स्वर्गदूतां ते सामर्था च किछ वगता तक घट करीने बणाईरा, तैं तिन्हांजो राजे साई महिमा कने आदर दित्तिरा।