रोमियो 2:1 - बिलासपुरी नौआं नियम

¹ इस खातर ओ दोष मढ़णे औल़े, तू चाये कोई बी कैं नीं ओ, तेरले कोई बहान्ना निआं; काँह्भई तिसा गल्ला खातर जे तू किसी पर दोष लाँ, तिसा गल्ला खातर तूं अप्पूँ बी दोषी बणाँ, इस खातर भई तू सै जे दोष लाँ, अप्पूँ सैई काम्म कराँ।

रोमियो 2:1 Referans Kwoze

लूका 6:37

“दुज्यां पर इल्जाम नीं लगावा, नैत परमेशरा बी तुहां पर इल्जाम लगाणा। किसी री निंध्या नीं करा नैत परमेशरा तुहांरी बी निंध्या करनी। दुज्यां जो माफ करा, तां तुहांजो बी परमेशरा माफ करना।

रोमियो 2:3

कने तुहें सै जे येढ़ा सोच्चां ये भई तिन्हां कम्मां खातर जे तुहें दुज्जेयां जो दोषी मन्नां ये कने अप्पूँ खुद सैई काम्म कराँ ये; तां क्या तुहें ये समझां ये भई तुहां परमेशरा रिया सजा ते बची जाणा?

रोमियो 9:20

मेरे मित्र, परमेशरा ने बैहस करने औल़ा तू कुण हुआं? क्या कोई रचना अपणे रचणे औल़े ते पुछी सक्कां इ, “तैं मिन्जो येढ़ा कजो बणाया?”

याकूब 4:11

मेरे साथी विश्वासियो, इक्की दुज्जे री बुराई मत करा। सै जे अपणे साथी विश्वासियां री बदनामी कराँ या तिन्हां पर इल्जाम लगां, सै व्यवस्था री बदनामी कराँ; कने जे तू येढ़ा कराँ, तां तू व्यवस्था रा पालन करने औल़ा निआं, पर तिसरा न्याय करने औल़ा बणी जां।

याकूब 2:20

पर ओ! निकम्मे माहणुआ, तू ये कदीं सोचणा भई सै विश्वास बेकार आ, तिस सौगी जे अच्छे काम्म नींये?

लूका 19:22

सै राजा तिस पर टुट्टीने पैईग्या, ओ बुरे माहणुआ! क्या हऊँ निर्दयी आ? जे तूं मेरे बारे च इतणा किछ जाणाँ था भई हऊँ कितना निर्दयी आ, कने सै जे मैं नीं बाहीरा हुआं, हऊँ तिस्सो बी कठेराँ,

1 कुरिन्थियों 7:16

अरे जनाना, तू कियां जाणाँ इ भई तू अपणे पतिये रा छुटकारा करी सक्कां इ? कने अरे पति, तू कियां जाणाँ भई तू अपणिया जनाना रा छुटकारा करी सक्कां?

लूका 12:14

यीशुये जवाब दित्या, “भले माणसा, तुहांरे खातर न्याय करने रा ये काम्म मेरा नींआ।”

रोमियो 2:2

कने हुण अहें जाणाँ ये भई परमेशर ठीक आ ताहली जे सै इस तरिके रे काम्म करने औल़यां जो सजा देआं।

रोमियो 3:9

तां फेरी क्या अहें यहूदी अन्यजातियां ते खरे? नां बिल्कुल नीं, काँह्भई अहें दस्सी चुक्कीरे भई चाये कोई यहूदी ओ या अन्यजातियां रे लोक ओ, सारे पापां रे बशा चे।

रोमियो 14:22

इस बारे च जो किछ तेरा विश्वास आ, तिस्सो अपणे मना च कने परमेशरा रे सामणे रख। जे इक माहणु ये नीं बोलां भई मैं गल़त कित्या, ताहली जे सै हकीकत च सोच्चां भई सै ठीक आ, तां सच्चीजो सै खुश आ।

1 कुरिन्थियों 4:5

इस खातर तदुआं तकौ जे प्रभु नीं आओ, बगता ते पैहले किसी गल्लां रा न्याय नीं करा, सैई अन्धेरे रियां छिपि रियां गल्लां जो लोई च दसगा, कने माहणुये रे दिला रियां गल्लां जो प्रगट करगा, तां तिस वगत हरेक माहणुये परमेशरा रिया तरफा ते अपणी प्रशंसा पाणी।