रोमियो 16:12 - बिलासपुरी नौआं नियम

¹² त्रुफेना कने तिसारी बैहण त्रफोसा जो बी नमस्कार! सै जे दोन्नों जनानां प्रभु रिया सेवा च मेहणती सेबिकां इयां, तिन्हांजो बी मेरा नमस्कार। मेरी प्यारी भैण परसिस जो बी मेरा नमस्कार, तिसे जे प्रभु च खूब मेहणत कित्ती।

रोमियो 16:12 Referans Kwoze

1 कुरिन्थियों 16:16

इस खातर साथी विश्वासियो हऊँ तुहांजो विनती कराँ भई येढ़यां अगुवेयां रे अधीन रौआ, सै जे मेहणत कराँ ये कने सही भगतिया ने सेवा कराँ ये।

1 कुरिन्थियों 15:58

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

1 तिमुथियुस 4:10

अहें मेहणत कने कोशिश इस इ खातर कराँ ये भई अहांरी आशा तिस जीवते परमेशरा पर इ सै जे सब माहणुआं रा कने खास कर विश्वासियां रा छुटकारा करने औल़ा।

1 थिस्सलुनीकियां 1:3

कने ताहली जे अहें अपणे परमेशर कने पिता ने प्राथना कराँ ये तां अहें सदा तुहांरे तिन्हां कम्मां जो आद कराँ ये तिन्हांजो जे तुहें विश्वासा रिया वजह ने कराँ ये। कने तुहें साथी विश्वासियां री मदद करने खातर लगना ने काम्म कराँ ये काँह्भई तुहें तिन्हांने प्रेम कराँ ये, कने तुहें दुख सैया यें काँह्भई अहांरे प्रभु यीशु मसीह रे वापस औणे री आशा रखां ये, इन्हां सारियां गल्लां जो अहें हमेशा याद कराँ ये।

कुलुस्सियां 4:12

इपफ्रास रा बी तुहांजो नमस्कार हो, सै जे तुहांरे नगरा चते इक आ कने यीशु मसीह रा दास आ, कने सदा तुहांरे खातर लगना ने प्राथनां च कोशिश करदा रैयां, ताकि तुहें सिद्ध हुईने पूरे विश्वासा सौगी परमेशरा रिया इच्छा च टिक्कीरे रौओ।

कुलुस्सियां 1:29

इसरे खातर हऊँ मसीह री शक्तिया रे मुतावक सै जे माह च सामर्था ने काम्म कराँ इ, तन-मन लाईने मेहणत करी कराँ।

1 कुरिन्थियों 15:10

पर हऊँ जो किछ बी आ, परमेशरा रे अनुग्रह तेआ। कने तिसरा अनुग्रह सै जे माह पर हुआ, सै बेकार नीं हुया पर मैं तिन्हां सब्बीं प्रेरितां ते बधीने मेहणत बी कित्तिरी; तां बी ये मेरिया तरफा ते नीं हुआ; पर परमेशरा रे अनुग्रह ते सै जे मांह पर था।

मत्ती 9:38

इस खातर परमेशरा ने प्राथना करा कने पुच्छा भई सै अपणिया फसला जो कठेरने कने मेरा सन्देश सुनाणे खातर बौहत मजदूर भेज्जी दो, तियां जे खेता रा मालक अपणे खेता रिया फसला जो कठेरने खातर बौहत सारे मजदूर भेज्जां।”

मत्ती 5:47

“कने जे तुहें सिर्फ अपणे भाईयां जोई नमस्कार करो, तां कुण जेआ महान काम्म कराँ ये? क्या अन्यजातियां रे लोक बी येढ़ा इ नीं करदे?

रोमियो 16:11

मेरी यहूदी साथी हिरोदियोन जो नमस्ते। नरकिस्सुस रे परिवारा रे तिन्हां लोकां जो बी नमस्ते सै जे प्रभु पर विश्वास कराँ ये।

रोमियो 16:13

प्रभुरे असाधारण सेवक रुफुस जो कने तिसरिया मौआ जो बी मेरा नमस्कार, सै जे मेरे खातर माता साई।