रोमियो 14:4 - बिलासपुरी नौआं नियम

⁴ तू किसी दुज्जे घरा रे सेवका पर इल्जाम लाणे औल़ा कुण हुआं? ये सिर्फ तिसरा इ स्वामी तैह कराँ भई तिने खरा कित्या या खरा नीं कित्या। पर सै सफल हूणा, काँह्भई प्रभुये तिस्सो खड़ा हुणे रे लायक बनाणा।

रोमियो 14:4 Referans Kwoze

रोमियो 9:20

मेरे मित्र, परमेशरा ने बैहस करने औल़ा तू कुण हुआं? क्या कोई रचना अपणे रचणे औल़े ते पुछी सक्कां इ, “तैं मिन्जो येढ़ा कजो बणाया?”

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।

इब्रानियों 7:25

इस खातर सै जे यीशुये रे जरिये परमेशरा ले औयें, सै तिन्हांरा पूरी तरह छुटकारा करी सक्कां, काँह्भई यीशु तिन्हां खातर विनती करने जो हमेशा जीवित आ।

रोमियो 14:3

कने सै जे हर किस्मा रा खाणा खां, तिस्सो सै माहणु घटिया नीं समझणा चाहिन्दा सै जे किछ चिज़ां नीं खान्दा, तिस्सो सिर्फ साग शब्जी खाणे औल़ा बी सब किछ खाणे औल़े जो बुरा नीं बोल्लो; काँह्भई परमेशरे दुईं जो ग्रहण कित्तिरा।

रोमियो 16:25

हुण सारी महिमा परमेशरा री ओ, सै जे तुहांजो विश्वासा च मजबूत करी सक्कां, तियां जे खुशखबरी बोलां इ। यीशु मसीह रे बारे री ये खुशखबरी अन्यजातियां रे लोकां रे खातर तिसरी योजना परगट कित्तिरी सै जे युगां-युगां ते छुपीरी थी।

1 पतरस 1:5

परमेशर अपणिया सामर्था रे जरिये तुहांजो सुरक्षित रखां, काँह्भई तुहें मसीह पर विश्वास कराँ ये कने तिस तुहांजो लगातार आखिरी दिना तक सुरक्षित रखी रखणा, फेरी तुहां जाणना भई परमेशरे तुहांरा पूरे तरिके ने पापाँ ते कने मौती ते छुटकारा कित्तिरा।

प्रेरितां 11:17

“इस खातर तां जे परमेशरे तिन्हांजो बी सैई दान दित्या, सै जे अहांजो प्रभु यीशु मसीह पर विश्वास करने ते मिलया था; तां हऊँ कुण था सै जे परमेशरा जो रोकी सकुं?”

रोमियो 11:23

जे सै बी मसीह पर विश्वास कराँ ये, तां सै बी डाल़ा ने कलमा साई जोड़ी दित्ते जाणे; काँह्भई परमेशर तिन्हांजो भीं ते जोड़ने च सामर्थी आ।