रोमियो 14:2 - बिलासपुरी नौआं नियम

² काँह्भई कोई विश्वास कराँ भई सै सब किछ खाई सक्कां, पर तिसरा विश्वास जे कमजोर आ सै माहणु सिर्फ साग-पत्ते इ खां।

रोमियो 14:2 Referans Kwoze

1 तिमुथियुस 4:4

काँह्भई परमेशरा री बणाईरी हर इक चीज़ बधिया इ कने अहें सब किछ खाई सक्कां ये; पर ये भई धन्यवाद करीने खाई जाओ,

रोमियो 14:14

हुण प्रभु यीशुये मिन्जो ज्ञान कने विश्वास दित्तिरा भई कोई बी खाणा अपणे अप्पूँ ते अपवित्र नींआ, पर जे सै सिर्फ तिसरे खातर अपवित्र इ, सै जे तिस्सो अपवित्र मन्नां।

इब्रानियों 13:9

लग-लग किस्मा रे विचित्र उपदेशां ते नीं भरमाये जाओ, काँह्भई तुहांरे मना रे खातर ये बधिया भई सै परमेशरा रे अनुग्रह रे जरिये मजबूत बणे, नां की खाणे रे बारे च नियमां रा पालन करने रे जरिये। काँह्भई जितने लोक इस नियमा रा पालन कराँ ये सै अपणे खातर किछ बधिया नीं करदे।

गलातियां 2:12

काँह्भई याकूब रिया तरफा ते भेज्जीरे किछ लोकां रे पुज्जणे ते पैहले पतरस अन्यजातियां ने सौगी खां पीं था। पर ताहली जे सै लोक आये तां खतना कित्तिरे लोकां रे डरा रे मारे सै पिच्छे हटिग्या कने तिन्हाते कनारा करने लगया।

इब्रानियों 9:10

परमेशरा जो चढ़ाये जाणे औल़ियां चीजां त सिर्फ खाणे-पीणे कने कई तरह रियां शुद्धीकरण रियां विधियां नेई मतलब रखां। ये सिर्फ शारीरिक नियम ये, ये तदुआं तक लागू हुआं ये तदुआं तक जे परमेशर नया नियम नीं बणाई देन्दा।

तीतुस 1:15

तिन्हां लोकां खातर सब चिज़ां शुद्ध इयां तिन्हांरे मन जे शुद्ध ये, पर अशुद्ध कने अविश्वासी लोकां खातर किछ बी शुद्ध निआं, काँह्भई तिन्हांरे मन कने अन्तरात्मा दोन्नों अशुद्ध ये।

1 कुरिन्थियों 10:25

जो किछ कसाईयां ले बिकां, तिस्सो खाओ कने अन्तरात्मा रिया वजह ते किछ नीं पुछो।

रोमियो 14:1

तिसरा विश्वास जे कमजोर आ, तिसरा बी स्वागत करा, पर तिस्सो क्या करना चाहिन्दा या क्या नीं करना चाहिन्दा इस बारे च बैहस नीं करा।

रोमियो 14:20

खाणे रे खातर परमेशरा रे कम्मां जो नीं बगाड़ा। हरेक किस्मा रा खाणा पवित्र आ, पर तिस माहणुये रे खातर बुरा, ताहली जे तिसरा खाणा दुज्जे माहणुये ते पाप करवां।

रोमियो 15:1

अहें जे विश्वासा च मजबूत ये, तां अहांजो तिन्हांरियां कमजोरियां च मदद करनी चाहिन्दी सै जे विश्वासा च मजबूत नींये, नां भई सिर्फ खुद अप्पूँ जोई खुश रखिये।

1 कुरिन्थियों 8:9

पर सावधान रौआ! येढ़ा नीं हो भई तुहांरी ये अजादी किति कमजोराँ खातर पापां री वजह नीं बणी जाओ।

1 कुरिन्थियों 9:22

सै जे विश्वासा च कमजोर ये तिन्हांरे खातर हऊँ खुद कमजोर बणया ताकि कमजोराँ जो ल्याई सक्कूँ। हऊँ सब माहणुआं खातर सब किछ बणया भई किसी नां किसी तरिके ने किछ लोकां रा छुटकारा हुईजो।