रोमियो 14:1 - बिलासपुरी नौआं नियम

¹ तिसरा विश्वास जे कमजोर आ, तिसरा बी स्वागत करा, पर तिस्सो क्या करना चाहिन्दा या क्या नीं करना चाहिन्दा इस बारे च बैहस नीं करा।

रोमियो 14:1 Referans Kwoze

रोमियो 15:1

अहें जे विश्वासा च मजबूत ये, तां अहांजो तिन्हांरियां कमजोरियां च मदद करनी चाहिन्दी सै जे विश्वासा च मजबूत नींये, नां भई सिर्फ खुद अप्पूँ जोई खुश रखिये।

1 कुरिन्थियों 9:22

सै जे विश्वासा च कमजोर ये तिन्हांरे खातर हऊँ खुद कमजोर बणया ताकि कमजोराँ जो ल्याई सक्कूँ। हऊँ सब माहणुआं खातर सब किछ बणया भई किसी नां किसी तरिके ने किछ लोकां रा छुटकारा हुईजो।

रोमियो 15:7

इस खातर परमेशरा री महिमा खातर तुहें बी तियां इ इक्की दुज्जे जो ग्रहण करा, तियां जे मसीह तुहांजो ग्रहण कित्तिरा।

रोमियो 14:21

भला त येआ भई तू नांत मांस खाओ, नांत दाखरस पीओ, कने नां होर किछ बी येढ़ा करना ठीक आ, तिसते जे तेरा साथी विश्वासी पाप करो।

2 यूहन्ना 1:10

जे कोई तुहांले आईने इस शिक्षा जो नीं देआं, तां नांत तुहें तिस्सो अपणे घरें लेई जायां कने नां तिस्सो नमस्कार करयां।

रोमियो 4:19

सै तकरीवन सौआ साल्ला रा था, अपणे मूईरे शरीरा कने सारा रे मूईरे गर्भा रिया दशा जो जाणीने बी विश्वासा च कमजोर नीं हुया,

लूका 17:2

सै जे कोई माह पर विश्वास करने औल़यां चते इक्की जो बी पाप करने पर मजबूर करो, तां तिसरे खातर ये बौहत सजा हुई सक्कां इ भई इक घराटा रा बाट्ट तिसरे गल़े ने बन्हीने समुद्रा च सट्टि दो पर परमेशरा तिसजो इसते बी बौहत भयानक सजा देणी।

मत्ती 14:31

यीशु फौरन तिसले पुज्जया कने तिसजो सम्भाल़ी ने बोल्या, “अरे कमजोर विश्वासी, तैं शक कजो कित्या?”

मत्ती 12:20

जिस किसी जो बी कोई समस्या इ सै इक बुझदे हुए दिऊए साई आ प्रभुये तिसरा नुक्शान नीं होणे देणा, पर आखिर च तिस न्याय करवाएगा।

फिलिप्पियां 2:29

इस खातर तुहें प्रभु च तिसरा बड़िया खुशिया ने स्वागत करा कने येढ़े लोकां रा आदर करदे रैहणा चाहिन्दा।

यूहन्ना 13:20

हऊँ तुहांजो सच बोलां, भई सै जे मेरे भेज्जीरे जो ग्रहण कराँ, सै मिन्जो ग्रहण कराँ, कने सै जे मिन्जो ग्रहण कराँ, सै मेरे भेजणे औल़े जो ग्रहण कराँ।

मत्ती 18:10

इस खातर देक्खा, तुहें मेरे इन्हां मासूम चेलयां चते किसी जो बी घटिया नीं समझयां; हऊँ तुहांजो दस्सां भई तिन्हारी हिफाज़त करने औल़े स्वर्गदूतां री पहुँच स्वर्गा च मेरे पिता ले सदा बणीरी रैईं।

मरकुस 7:19

काँह्भई सै चीज़ जे तुहें खांये सै तुहांरे मना च नीं, पर पेट्टा च जांई कने शरीरा ते बाहर निकल़ी जांई?” येढ़ा बोलीने तिने सब खाणे रियां चिज़ां जो पवित्र ठहराया।

प्रेरितां 28:2

कने तित्थी रे रैहणे औल़यां अहां पर महान दया करीने अहांजो ग्रहण कित्या; काँह्भई बरखा बरसणे ते ठण्ड हुया राँ थी, इस खातर तिन्हें आग्ग बाल़ीने अहां सब्बीं जो सकाया।

रोमियो 11:15

काँह्भई जे परमेशरा रे जरिये तिन्हारे इन्कार कित्ते जाणे ते संसारा रे लोकां रा परमेशरा सौगी मेल-मलापा री वजह बणया, तां फेरी तिन्हांरा परमेशरा रे जरिये ग्रहण कित्या जाणा क्या मूईरयां चते जिऊंदा कित्या जाणे रे बराबर नीं हूणा?

रोमियो 14:2

काँह्भई कोई विश्वास कराँ भई सै सब किछ खाई सक्कां, पर तिसरा विश्वास जे कमजोर आ सै माहणु सिर्फ साग-पत्ते इ खां।

रोमियो 14:3

कने सै जे हर किस्मा रा खाणा खां, तिस्सो सै माहणु घटिया नीं समझणा चाहिन्दा सै जे किछ चिज़ां नीं खान्दा, तिस्सो सिर्फ साग शब्जी खाणे औल़ा बी सब किछ खाणे औल़े जो बुरा नीं बोल्लो; काँह्भई परमेशरे दुईं जो ग्रहण कित्तिरा।

1 थिस्सलुनीकियां 5:14

साथी विश्वासियो, अहें तुहांजो विनती कराँ ये भई सै जे विश्वासी आलसी ये तिन्हाजो सावधान करा, कायराँ जो हौंसला देआ, सै जे कमजोर ये तिन्हांरी मदद करा, कने सारयां खा सहनशीलता दस्सा।

इब्रानियों 5:14

पर रोटी तिन्हां लोकां रे खातर इ सै जे विश्वासा च परिपक्व ये, कने सै जे अनुभवा रे जरिये सही कने गल़ता च फर्क करना जाणाँ ये।