रोमियो 13:7 - बिलासपुरी नौआं नियम

⁷ जिस किसी माहणुये री देणदारी जे तिज्जो देणे जोई, तिसजो तू चुकता कर; सै टैक्स जे तिज्जो देणे जोआ, तिस्सो दे। तिसरी चुंगी जे तूह पर निकल़ां इ, तिसजो चुंगी दे; तू सब अधिकारियां रे प्रति आदर दास्स।

रोमियो 13:7 Referans Kwoze

लूका 20:25

यीशुये गलाया, तां ठीक आ, “सै जे कैसरा रा, सै कैसरा जो दवा। पर सै जे परमेशरा रा तिस्सो परमेशरा जोई दवा।”

मत्ती 17:25

पतरसे जबाब दित्या, “हाँ सै देआं।” कने घरा जो चली आया, पतरसा रे बोलणे ते पैहले इ यीशु बोल्लीप्या, तिसने गलाया, “हे शमौन, तेरा क्या विचार आ? धरतिया रे राजे किस ते कर लैं? खुद अपणयां बच्चयां ते या पराये बच्चयां ते?”

1 तिमुथियुस 5:17

सै प्राचीन जे कलीसिया रे कम्मां जो ठीक-ढंगा ने कराँ ये, विशेष करीने सै जे वचन सुनाणे कने सखाणे च मेहणत कराँ ये, सै दो गुणा आदरा रे लायक समझे जाओ।

मत्ती 22:21

तिन्हे तिसने गलाया, “रोम रे बादशाह रा।” फेरी यीशुये तिन्हाजो गलाया, “अच्छा तां फेरी सै जे बादशाह रा, तिस्सो बादशाह जो देआ, कने सै जे परमेशरा रा, तिस्सो परमेशरा जो देआ।”

इफिसियां 6:5

अरे सेबको, तुहौं मना रिया सच्चाईया ने आदर कने डरा ने अपणे संसारिक मालकां रे हुक्मां रा पालन इस तरिके ने करा, तियां जे तुहें मसीह रा कराँ ये।

1 पतरस 3:7

तियां इ पतियो, तुहें बी अपणी पत्नियां रा आदर करा कने तिन्हांने समझदारिया ने बर्ताव करा तियां जे तुहें कट्ठा जीआ राँये, काँह्भई सै तुहां साई मजबूत निआं, पर तुहें कने सै परमेशरा रे जीवना रे बरदाना च बराबरिया रे वारस ये। येढ़ा करने ते तुहांरियां प्राथनां रे जबाबां च अड़चन नीं औणी।

1 तिमुथियुस 6:1

जितने विश्वासी लोक दास ये, तिन्हौं अपणे-अपणे मालका जो सारियां गल्लां च ईज्जत देणी चाहिन्दी, ताकि दुज्जे लोक परमेशरा री कने अहां रिया शिक्षां री निंध्या नीं करो।

इफिसियां 5:33

इस खातर किछ बी हो, तुहां चते हर इक्की जो बी अपणी पत्निया ते तियां इ प्यार करना चाहिन्दा जियां जे तुहें खुद अप्पूँजो कराँ ये, कने हरेक पत्निया जो बी अपणे-अपणे पतिये रा आदर करना चाहिन्दा।

लूका 23:2

सै यीशुये पर इल्जाम लगाणे लगे, “ये माहणु अहांरे लोकां जो बहकाणे लगीरा, ये तिन्हारे राजे कैसरा जो कर देणे ते मना कराँ! कने ये येढ़ा दावा कराँ भई हऊँ मसीह आ, कने अप्पूँजो इक राजा बोलदे हुये सुणया।”

मरकुस 12:17

यीशुये तिन्हाजो गलाया, “सै जे रोमी सरकारा रा यनि बादशाह कैसरा रा, सै कैसरा जो देओ, कने सै जे परमेशरा रा सै परमेशरा जो देओ।” तां सै तिस पर बौहत हैरान हुणे लगे।

1 तिमुथियुस 5:13

कने इसते इलावा तिन्हांजो घरें-घरें फिरीने आलसी हुणे री आदत पैई जाईं, कने सिर्फ आलसी ही नीं पर बक-बक करदी रैईयां कने दुज्यां रे कम्मां च विघन बी पाईयां कने गल़त गल्लां बोलां इयां सै जे तिन्हांजो नीं बोलणियां चाहिन्दियां।

लूका 20:22

अहांजो येढ़ा दस्सा: भई क्या कैसरा जो कर देणा ठीक आ कि नीं?”

रोमियो 12:10

भाईचारे रे प्यारा ने इक्की दुज्जे रे प्रति समर्पित रौआ, कने दुज्यां जो अप्पूँ ते बधीने आदर देआ।

रोमियो 13:6

इस खातर तुहांजो टैक्स बी देणा चाहिन्दा, काँह्भई अधिकारी परमेशरा रे सेवक ये सै जे अपणे फर्जां जो पूरा करने च समर्पित रैं।