रोमियो 13:11 - बिलासपुरी नौआं नियम

¹¹ इस खातर वगता जो समझीने ये करा। तुहें जाणाँ ये भई तुहांरे खातर अपणिया निन्दा ते जागणे रा बगत आई गरा, काँह्भई ताहली जे अहें विश्वास कित्या था, तिस वगता रे विचारा ने अहांरा छुटकारा हुण तिसते होर नेड़े आ।

रोमियो 13:11 Referans Kwoze

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

इफिसियां 5:14

इसा वजह ने लोक बोलां ये, “सौणे औल़या जाग कने मूईरेयां चते जिऊंदा हुई जा; तां मसीह री ज्योति तूह पर चमकणी।”

1 कुरिन्थियों 15:34

तुहें अपणे होशा च आई जावा कने पाप करना बन्द करा; काँह्भई कितणे येढ़े लोक ये सै जे परमेशरा जो नीं जाणदे, हऊँ तुहांजो शर्मिन्दा करने खातर ये बोलां।

प्रकाशितवाक्य 22:20

सै जे इन्हां गल्लां री गवाही देआं, सै ये बोलां, “हाँ, हऊँ जल्दी औणे औल़ा।” आमीन। हे प्रभु यीशु औ!

लूका 21:28

ताहली जे ये गल्लां हुणे लग गियां, तां आत्म विश्वासा ने खड़े हुईने ऊपर खा देख्यां, काँह्भई तुहांजो तुरन्त बचाया जाणा।”

प्रकाशितवाक्य 22:12

यीशुये बोल्या, देख, हऊँ जल्द औणे औल़ा; कने हर इक्की रे कम्मां रे मुतावक बदला देणे रे खातर ईनाम मेरले आ।

1 कुरिन्थियों 10:11

पर ये सब गल्लां, सै जे तिन्हां पर हुईयां, उदाहरणां रे तौरा पर थिआं; कने सै जे अहांरे खातर चेतावनिया रे रुपा च लिखी रियां, काँह्भई अहें तिस जुगा चे सै जे अन्त रे करीव आ।

मत्ती 16:3

कने सूरज उगणे पर तुहें बोलां ये, ‘आज तूफान औणा, काँह्भई अकाश धुंधला कने लाल आ।’ तुहें अम्बरा रे लक्षणां जो पढ़ना जाणाँ ये, पर अपणे बगता रे लक्षणां जो नीं पढ़ी सकदे।

याकूब 5:8

इस खातर भई प्रभु यीशुये रा औणा नजदीक आ, तुहें बी तसल्ली रक्खीने अपणे मना च मजबूत रौआ।

2 पतरस 3:9

प्रभु अपणे बायदे पूरा करने च देर नीं लगान्दा, तियां जे भई किछ लोक सोच्चां ये। बल्कि सै अहांरे प्रति धीरज रखां, काँह्भई सै नीं चाहन्दा भई कोई बी माह्णु नाश हो, पर सै त चांह भई सारे लोक पापां ते मन फिराई लो।

2 पतरस 3:11

काँह्भई ताहली जे परमेशरा इस तरिके ने सारियां चिज़ां खत्म करनियां, तां सोच्चा तुहांजो किस तरिके रा बर्ताव करना चाहिन्दा? तुहांजो पवित्र जीवन जीणा चाहिन्दा कने अपणे सारयां कम्मां च परमेशरा जो खुश करना चाहिन्दा।

1 यूहन्ना 2:18

मेरे प्यारे बच्चो, संसारा रा अन्त समय आई पुज्जीरा, कने तियां जे तुहें सुणया, भई मसीह रा बैरी औणे औल़ा, तिसरे मुतावक हुण बी मते सारे लोक ये सै जे मसीह रे बरोधी हुईगरे। इस कारण अहें जाणाँ ये भई यीशु मसीह जल़दी वापस औणा।

प्रकाशितवाक्य 1:3

परमेशरा तिन्हां सारयां माहणुआं जो आशीष देणी सै जे इन्हां भविष्यवाणियां रे वचनां जो पढ़ां ये, कने सै जे सुणां ये कने इसच लिखी रियां गल्लां रा पालन कराँ ये, काँह्भई इन्हां गल्लां रा पूरा हुणे रा बगत नेड़े आ।

प्रकाशितवाक्य 22:10

फेरी तिने मेरने गलाया, “इसा कताबा री भविष्यवाणिया रियां गल्लां पर सील मत लगा; काँह्भई वगत नजदीक आ।