रोमियो 12:7 - बिलासपुरी नौआं नियम

⁷ जे किसी जो दुज्यां री सेवा करने रा बरदान मिलीरा, तां सै सेवा करो; जे कोई सखाणे औल़ा हो, तां सै सखाणे च लगीरा रौ;

रोमियो 12:7 Referans Kwoze

इफिसियां 4:11

तिने खुद इ किसी जो प्रेरित हुणे रा बरदान दित्या, तां किसी जो भविष्यवक्ता हुणे रा, किसी जो खुशखबरिया रे प्रचारक हुणे रा, किसी जो परमेशरा रे लोकां री हिफाज़त करने कने सखाणे रा।

2 तिमुथियुस 4:2

भई तू परमेशरा रे वचना रा प्रचार कर हालात चाये ठीक हो या नीं हो वचन प्रचार करने खातर त्यार रै। तिज्जो लोकां जो ये दसणा जरूरी आ भई तिन्हें क्या गल़ती कित्तिरी कने तू तिन्हांरे पापां रे खातर तिन्हौं डान्ट। पर तिज्जो लोकां जो हौंसला बी देणा चाहिन्दा तियां जे तू धीरजा ने तिन्हांजो शिक्षा देआं।

1 तिमुथियुस 5:17

सै प्राचीन जे कलीसिया रे कम्मां जो ठीक-ढंगा ने कराँ ये, विशेष करीने सै जे वचन सुनाणे कने सखाणे च मेहणत कराँ ये, सै दो गुणा आदरा रे लायक समझे जाओ।

प्रेरितां 13:1

अन्ताकिया नगरा री कलीसिया च कई भविष्यवक्ता कने उपदेशक थे; तियां जे : बरनबास कने शमौन तिसरा दुज्जी नौं जे नीगर था; कने लूकियुस कुरेनी, कने चौथाई देशा रे राजे हेरोदेस रा दुध भाई मनाहेम, कने शाऊल।

2 तिमुथियुस 2:24

कने प्रभुये रे सेवका जो त झगड़ना इ नीं चहिन्दा, वल्कि तिस्सो त सब्बीं पर दया कने परमेशरा रे वचना जो ठीक ढंगा ने सखाणे रे काविल हूणा चाहिन्दा, तिस्सो सैहनशील हूणा चहिन्दा।

2 तिमुथियुस 2:2

कने बौहत लोकां रे सामणे जो शिक्षायें तैं माहते सुणी रियां, तिन्हौं बफादार माहणुआं जो सौंपी दे सै जे दुज्यां जो बी सखाणे रे लायक हो।

1 तिमुथियुस 4:16

इस बारे च सावधान रै भई तू कियां जीं कराँ कने क्या सखाया राँ। इन्हां गल्लां जो लगातार करदा रै काँह्भई जे येढ़ा करदा रैंहगा, तां तू अपणा कने तिज्जो सुणने औल़यां रा बी छुटकारा करगा।

1 तिमुथियुस 3:2

इस खातर ये जरूरी आ भई अगुवा निर्दोष कने इक्की पत्निया रा पति, हरेक हालता च अपणे बर्ताव कने भावनां जो काबू करने औल़ा, ईज्जतदार, आदर-खातर करने औल़ा, कने परमेशरा रे वचना जो ठीक ढंगा ने सखाणे रे काविल हो।

1 तिमुथियुस 2:7

हऊँ सच्च बोलां, झूट्ठ नीं बोलदा, भई हऊँ इसा इ वजह ने प्रचारक, प्रेरित कने अन्यजातियां खातर विश्वास कने सच्चाईया रा उपदेशक चुणया गईरा।

कुलुस्सियां 4:17

कने अरखिप्पुस ते गलायां भई सै इसा गल्ला रा ध्यान रखो भई प्रभु च सै जे सेवा तिस्सो दित्तिरी, सै तिसजो सावधानिया ने पूरी करी सक्को।

गलातियां 6:6

तिने जे परमेशरा रा वचन सिक्खीरा, तिस्सो बधिया चीजां तिसजो देणी चाहिन्दा सै जे तिस्सो सखां।

1 कुरिन्थियों 12:28

कने परमेशरे कलीसिया च लग-लग माहणु नियुक्त कित्तिरे : पैहले प्रेरित, दुज्जे भविष्यवक्ता, तिज्जे सखाणे औल़े, फेरी सामर्था रा काम्म करने औल़े, चंगा करने औल़े, मदद करने औल़े, प्रबन्ध करने औल़े, लग-लग किस्मा री भाषायें बोलणे औल़े।

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

प्रेरितां 20:20

कने सै-सै गल्लां जे तुहांरे फायदे रियां थिआं, तिन्हांजो दसणे कने लोकां रे सामणे कने घरें-घरें सखाणे च कदीं मनी झिझक्या,

प्रेरितां 6:1

तिन्हां दिना च तां जे चेले गिणतिया च बौहत बधणे लगे, तां यूनानी भाषा बोलणे औल़े यहूदी चेलयां इब्रानी भाषा बोलणे औल़यां यहूदी चेलयां पर कुड़कुड़ाने लगे, भई हर रोज किया सेवा च अहां रियां विधवां री देख-भाल नीं हुंदी।

यूहन्ना 3:2

सै रात के बगत यीशुये ले आया कने बोल्या, गुरू जी, हऊँ जाणाँ भई तुहें परमेशरा रिया तरफा ते अहांजो सखाणे आईरे, काँह्भई सै चमत्कार जे तुहें दस्सां ए तिस्सो परमेशरा रिया सहायता ते बगैर कोई बी नीं दस्सी सकदा।

मत्ती 28:19

इस खातर तुहें जाईने सारी जातियां रे लोकां जो चेला बणावा; कने तिन्हांजो पिता, पुत्र, कने पवित्र आत्मा रे नौआं ते बपतिस्मा देआ,

1 कुरिन्थियों 12:5

कने सेवा बी कईयां किस्मां री, पर प्रभु इक इ हया;

1 कुरिन्थियों 14:26

अरे साथी विश्वासियो क्या करना चहिन्दा? ताहली जे तुहें कट्ठे हुआं ये, तां हरेक रे दिला च भजन, उपदेश, होरीं भाषां, प्रकाशन या होरीं भाषा रा मतलब दसणा रैया। सब किछ कलीसिया री आत्मिक तरक्किया खातर हूणा चहिन्दा।