रोमियो 12:6 - बिलासपुरी नौआं नियम

⁶ तां फेरी तिसरे अनुग्रह रे मुतावक अहांजो लग-लग बरदान मिलीरे, अहें तिन्हांरा इस्तेमाल करिये, जे किसी जो भविष्यवाणिया रा बरदान मिलीरा, तां सै अपणे विश्वासा रे मुतावक भविष्यवाणी करे;

रोमियो 12:6 Referans Kwoze

1 कुरिन्थियों 7:7

हऊँ येढ़ा चांह भई तेढ़ा जे हऊँ आ, तियां इ सब माहणु हो; पर हर इक्की जो परमेशरा रिया तरफा ते खास वरदान मिलीरे; किसी जो इक्की तरिके रा, कने किसी जो दुज्जे तरिके रा।

रोमियो 12:3

इस खातर परमेशरा रे अनुग्रह रिया वजह ने सै बरदान जे तिने मिन्जो दित्या, तिस्सो ध्याना च रखदे हुये हऊँ तुहां चते हर इक्की ने बोलां, भई तेढ़ा जे समझणा चाहिन्दा तिसते बधीने कोई खुद अप्पूँजो नीं समझे; यनिके जितना विश्वास परमेशरे तुहांजो दित्या, तिसरे मुतावक अप्पूँजो समझा।

रोमियो 1:11

काँह्भई मेरी बौहत इच्छा इ भई हऊँ तुहांजो मिलीने तुहांजो आशीषां बंडी सक्कूँ सै जे परमेशरा रे आत्मे मिन्जो दित्ति रियां, ताकि तुहें विश्वासा च मजबूत हुई सक्को;

1 कुरिन्थियों 13:2

कने जे हऊँ भविष्यवाणी करी सक्कूँ, कने सब्बीं भेतां कने सब प्रकारा रे ज्ञाना जो समझूं, कने मिन्जो येत्थी तका पूरा विश्वास हो भई हऊँ पहाड़ां जो हटाई सक्कां, पर प्यार नीं रखूं, तां हऊँ किछ निआं।

इफिसियां 4:11

तिने खुद इ किसी जो प्रेरित हुणे रा बरदान दित्या, तां किसी जो भविष्यवक्ता हुणे रा, किसी जो खुशखबरिया रे प्रचारक हुणे रा, किसी जो परमेशरा रे लोकां री हिफाज़त करने कने सखाणे रा।

1 कुरिन्थियों 14:1

इक्की दुज्जे जो प्यार करने री कोशिश करा, कने आत्मिक वरदान्नां री बेसब्रिया ने इच्छा करदे रौआ, खास करीने भविष्यवाणिया रे बरदान्न।

2 कुरिन्थियों 8:12

काँह्भई जे किसी च दान देणे री इच्छा हाई, तां सै जे किछ तिसले हाया, तिसरे मुतावक तिसरा दान ग्रहण हूणा, उसरे मुतावक नीं सै जे तिसले निआं।

1 थिस्सलुनीकियां 5:20

भविष्यवाणियां जो घटिया नीं जाणो।

1 कुरिन्थियों 14:29

भविष्यवक्तयां चते दो या तिन्न बोल्लो, कने बाकी लोक तिसरे वचनां जो सावधानिया ने परखो।

प्रेरितां 15:32

यहूदा कने सीलासे सै जे अप्पूँ बी भविष्यवक्ता ये, बौहत गल्लां ते विश्वासियां जो उपदेश देईने मजबूत कित्या।

प्रेरितां 2:17

“ ‘परमेशर बोलां, भई आखिरी दिना च येढ़ा हूणा भई मांह अपणा आत्मा सब माहणुआं पर भेजणा, कने तुहांरे मुण्डुआं कने कुड़ियां भविष्यवाणियां करनियां, कने तुहांरे जवानां दर्शण देखणे कने तुहांरे पुरनिये सुखने देखणे।

फिलिप्पियां 3:15

ताकि तिन्हां लोकां जो, सै जे अहां चते आत्मिक तौर पर परिपक्व ये, इस तरिके ने सोचणा चाहिन्दा, पर जे तुहां चते कोई बी इसते अलग सोच्चां, तां परमेशर तिसजो समझणे च तुहांरी मदद करगा।

इफिसियां 3:5

ये भेत पिछली पीढ़िया रे लोकां जो इयां नीं दस्सीरा था, तियां जे हुण पवित्र आत्मा रे जरिये परमेशरा रे पवित्र प्रेरितां कने भविष्यवक्तयां पर परगट कित्या गया।

प्रेरितां 13:1

अन्ताकिया नगरा री कलीसिया च कई भविष्यवक्ता कने उपदेशक थे; तियां जे : बरनबास कने शमौन तिसरा दुज्जी नौं जे नीगर था; कने लूकियुस कुरेनी, कने चौथाई देशा रे राजे हेरोदेस रा दुध भाई मनाहेम, कने शाऊल।

लूका 11:49

परमेशरे अपणिया बुद्धिया ने तुहांरे खातर येढ़ा गलाया, ‘हऊँ तिन्हाले भविष्यवक्तयां कने प्रेरितां जो भेजगा, तिन्हांजे इन्हां चते किछ मारी देणे कने किछ पर जुल्म करने।’

मत्ती 23:34

इस खातर देक्खा, हऊँ तुहांले भविष्यवक्तयां कने बुद्धिमानां कने शास्त्रियां जो भेज्जां; कने तुहें तिन्हां चते किछ जो मारी देणा, कने किछ लोक क्रूसा पर चढ़ाणे कने किछ जो अपणे यहूदी सभा घराँ च कोड़े मारने कने इक्की नगरा ते दुज्जे नगरा च खदेड़दे फिरगे।

1 कुरिन्थियों 14:24

पर जे सब भविष्यवाणी करने लगो, कने कोई अविश्वासी या सै जे भाषा नीं समझदा अन्दरा जो आई जो, तां तिस्सो एहसास हूणा भई सै पापी आ कने इन्हा गल्लां रे जरिये तिसरा न्याय हूणा।

प्रेरितां 21:9

तिसरियां चार क्वारियां कुड़ियां थिआं सै जे भविष्यवाणी कराँ थिआं।

1 कुरिन्थियों 3:5

तां फेरी पौलुस कुण आ? कने अपुल्लोस कुण आ? अहें सिर्फ परमेशरा रे सेवक ये तिन्हांरे जरिये जे तुहें विश्वास कित्या, तियां जे हर इक्की प्रभये रे जरिये सौंपी रिया जिम्मेवारिया जो निभाया।

1 कुरिन्थियों 12:18

पर सचमुच परमेशरे अंगाँ जो अपणिया इच्छा रे मुतावक इक-इक करीने देहा च रखया।

2 पतरस 1:20

पर सब्बीं ते बड्डी गल्ल येई भई तुहांजो ये जाणी लेणा चाहिन्दा भई पवित्रशास्त्रा री कोई बी भविष्यवाणी भविष्यवक्तयां रे अपणे विचार नींये।

मत्ती 25:22

“कने अगला सै सेवक आया तिने जे सोने रे सिक्कयां रियां दो थैलियां पाईयां थीं, तिने बी आईने बोल्या, ‘मालिक, तुहें मिन्जो निवेश करने रे खातर दो सोने रे सिक्कयां रियां दो थैलियां दित्तियां थिआं कने मैं ये दुगणियां करी तियां।’