रोमियो 12:3 - बिलासपुरी नौआं नियम

³ इस खातर परमेशरा रे अनुग्रह रिया वजह ने सै बरदान जे तिने मिन्जो दित्या, तिस्सो ध्याना च रखदे हुये हऊँ तुहां चते हर इक्की ने बोलां, भई तेढ़ा जे समझणा चाहिन्दा तिसते बधीने कोई खुद अप्पूँजो नीं समझे; यनिके जितना विश्वास परमेशरे तुहांजो दित्या, तिसरे मुतावक अप्पूँजो समझा।

रोमियो 12:3 Referans Kwoze

गलातियां 6:3

जे कोई माहणु खास नीं हुन्दे हुये बी खुद अप्पूँजो खास समझां तां सै अप्पूँजो धोखा देआं।

1 पतरस 5:5

इस तरिके ने नौजबानो, तुहें बी अपणे बजुर्गां रे अधीन रौआ कने तुहें सारे नम्रता ने इक्की दुज्जे रिया सेवा खातर कमर बन्हीने रा त्यार रौआ, काँह्भई, “परमेशर घमण्डियां रा बरोध कराँ, पर नम्र लोकां पर अनुग्रह कराँ।”

रोमियो 12:16

इक दूये ने मेल-जोल रखा, घमण्डी नीं बणा, पर गरीब लोकां ने बी संगती रक्खा; येढ़ा नीं समझा भई तुहें इ बौहत समझदार ये।

1 पतरस 5:8

खुद अप्पूँजो काबुये च रखा कने सावधान रौआ, काँह्भई तुहांरा दुश्मण शैतान हुरन्गदे हुये शेरा साई इसा तलाशा च रैयां, भई किस जो अपणा शिकार बणाये।

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

याकूब 4:6

बुरियां इच्छां रा डटी ने मुकाबला करने रे खातर सै जादा ते जादा अनुग्रह देआं; तियां जे भई पवित्र शस्त्र बोलां, “परमेशर घमण्डियां रा बरोध कराँ, पर नम्र लोकां पर किरपा कराँ।”

1 पतरस 4:11

तिस्सो जे प्रचार करने रा बरदान मिलीरा तिसजो परमेशरा रा सन्देश प्रचार करना चाहिन्दा। जे तुहांजो दुज्यां री सेवा करने रा बरदान मिलीरा, तां परमेशरा ते पाई रिया सारिया शक्तिया ने ये करा। ताकि सारियां गल्लां च यीशु मसीह रे जरिये परमेशरा री महिमा हो। सारी महिमा कने सामर्थ जुगां-जुगां तक तिसरी इ हाई। आमीन।

1 कुरिन्थियों 7:17

फेरी बी हर इक माहणु तिसा दशा च जे सद्दया गईरा तिसच बणीरा रौ कने तिस्सो प्रभुये ते जो बरदान मिलीरा तिसरे मुतावक जीवन जीओ। हऊँ सारी कलीसियां रे खातर ये नियम तैह कराँ।

तीतुस 2:12

परमेशर अपणे अनुग्रह रिया वजह ते अहांजो सिखां भई तेढ़ा वर्ताव करना बन्द करा सै जे तिस्सो खुश नीं करदा कने तिन्हां चीजां रा लालच नीं करो तिन्हांरी इच्छा जे अविश्वासी लोक करां ए, कने जबकि अहें हल्तियें इसा इ पृथ्विया पर ए, तां समझदारिया ने कने धार्मिकता सौगी इस तरीके ने काम्म करा सै जे परमेशरा जो खुश करां।

तीतुस 2:2

बजुर्गां जो अनुशासित कने हरेक हालता च अपणे बर्ताव कने भावनां जो काबू करने खातर कने ईज्जतदार हुणे खातर, कने विश्वास, प्यार, कने धीरजा च मजबूत हुणे खातर निर्देश देओ।

2 कुरिन्थियों 12:7

पर तिन्हां अदभुत दर्शणां रे बारे च मिन्जो बौहत गर्व नीं हूणा चाहिन्दा, तिन्हौं जे परमेशरे मिन्जो दस्सीरा। इस खातर मेरे शरीरा च इक कन्डा चुभाया गया था भई शैतान्ना रा इक दूत मिन्जो बौहत पीड़ा देओ, ताकि हऊँ घमण्ड नीं करूँ।

रोमियो 11:20

ये सच्च आ, सै तिन्हांरे अविश्वासा रिया वजह ने तोड़ीने सट्टीतियां, पर तुहें अपणे विश्वासा रे दमा पर अपणिया जगह टिक्कीरे रैयों, इस खातर इसरा घमण्ड देखां करदे बल्कि डरदे रैयां,

रोमियो 1:5

मसीह रे जरिये अहांजो अनुग्रह कने प्रेरित हुणे रा गौरब मिलया ताकि तिसरे नौआं रिया वजह ने सारी जातियां रे लोक विश्वास करीने तिसरे हुक्मा जो मन्नो,

1 पतरस 1:13

इस खातर अपणे मना जो काम्म रे खातर त्यार करा। सचेत रौआ कने अपणी आस पूरी तरह तिस अनुग्रह पर रखा सै जे मसीह यीशुये रे भीं ते औणे रे बगत तुहांजो दित्या जाणा।

तीतुस 2:4

ताकि सै जवान औरतां जो ये सखाई सक्को भई तिन्हांजो अपणे पतियां कने बच्चयां ने कियां प्यार करना चाहिन्दा;

1 कुरिन्थियों 15:10

पर हऊँ जो किछ बी आ, परमेशरा रे अनुग्रह तेआ। कने तिसरा अनुग्रह सै जे माह पर हुआ, सै बेकार नीं हुया पर मैं तिन्हां सब्बीं प्रेरितां ते बधीने मेहणत बी कित्तिरी; तां बी ये मेरिया तरफा ते नीं हुआ; पर परमेशरा रे अनुग्रह ते सै जे मांह पर था।

यूहन्ना 3:34

काँह्भई तिस्सो जे परमेशरे भेज्जीरा, सै परमेशरा रियां इ गल्लां बोलां; काँह्भई ये सैई आ तिसजो जे परमेशरे पवित्र आत्मा पूरे तरिके ने देई दित्तिरा।

इफिसियां 4:16

अहें सारे जितने मसीह पर विश्वास कराँ ये, तिसरे जिस्मा रे अंगाँ साई ये। तियां जे इक्की माहणुये रा जिस्म सारे जोड़ा रे जरिये जुड़ीरा कने ताहली जे जिस्मा रे सारे अंग ठीक-ढ़ंगा ने काम्म कराँ ये, तां शरीर बधां कने मजबूत हुआं; इस तरिके ने ताहली जे अहें सारे मसीह रे दित्तिरे कम्मा जो कराँ ए अहां मजबूत कने परिपक्व हुणे कने इक्की दूये जो जादा प्यार करना।

लूका 18:11

फरीसी कल्हा खड़ा हुईने अपणे मना च इयां प्राथना करने लगया, भई परमेशर, हऊँ तेरा धन्यवाद कराँ, काँह्भई हऊँ दुज्जेयां लोकां साई अन्धेर करने औल़ा चोर, ठग कने पापी, निआं, खास कर इस चुंगी लेणे औल़े साई, सै जे ऊत्थी खढ़िरा! मैं कदीं किसी जो धोखा नीं दित्या, हऊँ पाप नीं करदा, कने नां हऊँ ब्याभिचार कराँ,

तीतुस 2:6

इस तरिके ने जवान मर्दां जो बी अपणा बर्ताव काबू करने खातर विनती कर।

1 तिमुथियुस 2:15

पर औरतां जन्म देंदे वगत खतरे ते बचाई लेई जाईयां, जे सै सब्र रखीने विश्वास, प्यार, कने पवित्रता च मजबूत रौ।

1 तिमुथियुस 2:9

तियां इ हऊँ बी चांह भई जनानां बी ठीक ढंगा रे बधिया कपड़े पैहनीने अप्पूँजो स्वारो; नां की किसी रा ध्यान खिंजणे रे खातर बाल बनाणा कने सोने कने मोतियां कने मैहंगे कपड़यां ते,

1 तिमुथियुस 1:14

कने अहांरे प्रभुये रा अनुग्रह तिस विश्वास कने प्यारा सौगी सै जे मसीह यीशु चा, बौहत जादा माह पर हुया।

इफिसियां 3:4

कने जे तुहें तिस्सो पढ़गे तां जाणी सक्कां ये भई हऊँ मसीह रा सै भेत किति तक समझां।

2 कुरिन्थियों 12:13

मैं होर कलीसियां रे खातर क्या कित्या सै जे मैं तुहांरे खातर नीं कित्तिरा? सै येआ भई मैं तुहांजो पैसयां ने मदद करने खातर परेशान नीं कित्या। इस खातर, किरपा करीने इसा गल़तिया रे खातर मिन्जो माफ करयां।

1 कुरिन्थियों 3:10

तिसा योग्यता रे मुतावक सै जे परमेशरे मिन्जो अनुग्रह ने दित्ति, तिसरा इस्तेमाल करदे हुये मैं इक कुशल करीगरा साई निऊँ बणाई, कने दुज्जा कोई तिसा निऊँआ पर मकान बणाईराँ। पर हरेक माहणुये जो इसा गल्ला रा ध्यान रखणा चाहिन्दा भई सै तिस्सो कियां बणाईराँ।

रोमियो 11:25

अन्यजातियां रे मेरे साथी विश्वासियो, हऊँ चाँह भई तुहें इस भेता जो समझो ताकि तुहें अपणे बारे च घमण्ड नीं करो। इस्राएल रे किछ लोक येढ़े इ कठोर बणाई दित्तिरे, कने येढ़े इ कठोर बणीने रैहणे तदुआं तक जे भई कई अन्यजातियां रे लोक मसीह च नीं आई जाणे।

3 यूहन्ना 1:9

इक चिट्ठी मैं पैहले तुहांरिया कलीसिया रे विश्वासियां जो बी लिखी थी, पर दियुत्रेफस मेरे निर्देशां जो ग्रहण करने ते मना कराँ, काँह्भई सै हमेशा कलीसिया रा अगुवा हूणा चांह।

कुलुस्सियां 2:13

ताहली जे तुहें अपणे पापां च मुड़दा थे कने तुहें अपणे पापी स्वाभावा रिया शक्तिया ते अजाद नीं थे, फेरी परमेशरे तुहांजो मसीह सौगी जिऊंदा कित्या, कने अहांरे सारे अपराधां जो माफ कित्या,

कुलुस्सियां 1:29

इसरे खातर हऊँ मसीह री शक्तिया रे मुतावक सै जे माह च सामर्था ने काम्म कराँ इ, तन-मन लाईने मेहणत करी कराँ।

इफिसियां 3:2

जरूर तुहें सुणीरा भई परमेशरे अपणे अनुग्रह रे जरिये तुहांजो खुशखबरिया रा प्रचार करने री जिम्मेवारी मिन्जो दित्तिरी।

2 कुरिन्थियों 10:13

अहां किसी गल्ला रे खातर घमण्ड नीं करना तिसरे बारे च जे अहांजो घमण्ड करने रा अधिकार नींआ, पर अहां सिर्फ तिस कम्मा रे बारे च घमण्ड करना तिस्सो करने खातर जे परमेशरे अहांजो भेज्जिरा, कने तुहें तिस कम्मा रा हिस्सा ये।

फिलिप्पियां 2:13

काँह्भई परमेशर इ तुहां च काम्म करया राँ कने सैई तुहौं परमेशरा जो खुश करने री इच्छा कने शक्ति देईराँ।