रोमियो 12:15 - बिलासपुरी नौआं नियम

¹⁵ खुश रैहणे औल़यां ने खुश रौआ, कने रोणे औल़यां ने रोआ।

रोमियो 12:15 Referans Kwoze

1 कुरिन्थियों 12:26

इस खातर जे इक्की अंगा जो दुख मिलां, तां सब अंग तिसने सौगी दुख पांये; कने जे इक्की अंगा री बडयाई हुआं इ, तां सब अंग तिसने सौगी नन्द मनायें।

इब्रानियों 13:3

कैदियां रे प्रति तुहांरा व्यवहार येढ़ा ओ भई मन्नो तुहें खुद तिन्हां साई जेल्ला च ओ, कने तिन्हांने जे बुरा बर्ताव हुया राँ तिन्हांजो ये मन्नीने याद करा भई तुहां सौगी ये बुरा बर्ताव हुया राँ।

लूका 1:58

कने ये खबर इकदम तिसारे पड़ेसियां कने रिस्तेदाराँ च फैलीगी भई प्रभुये स्याणदिया बेला बी तिसाजो न्याणा देईने बौहत दया किति, इस खातर लोकें तिसा सौगी मिलीने खुशी मनाई।

प्रेरितां 11:23

सै तित्थी पुज्जी ने कने परमेशरा रा अनुग्रह देखीने खुश हुआ, कने सबनीं जो ये उपदेश दित्या भई तन-मन लाईने प्रभुये ने चिपकी रे रौआ।

फिलिप्पियां 2:26

काँह्भई सै तुहां सब्बीं जो देखणा चाँह था, इसा वजह ते सै परेशान था, काँह्भई तुहें सुणया था भई सै बमार था।

2 कुरिन्थियों 11:29

ताहली जे कोई कमजोर आ, तां हऊँ बी अप्पूँजो कमजोर समझां, कने ताहली जे किसी जो पापा च लेई जाया जां, तां मिन्जो बौहत गुस्सा महसूस हुआं।

2 कुरिन्थियों 2:3

सैई गल्ल त मैं तुहांजो लिखी थी, ताकि ताहली जे हऊँ तुहांले आऊं तां तिन्हाते जे मिन्जो खुशी मिलणी चाहिन्दी थी, तिन्हांते मिन्जो दुख नीं मिलो; काँह्भई तुहां सब्बीं च मेरा इसा गल्ला रा भरोसा भई मेरिया खुशिया ची तुहें सारे बी खुश हुणे।

यूहन्ना 11:19

इस खातर भाईये रिया मौती पर मार्था कने मरियमा जो शान्ति देणे खातर यहूदा प्रदेशा ते बौहत सारे लोक आईरे थे।

फिलिप्पियां 2:28

इस खातर हऊँ तिस्सो तुहांले भेजणे जो बौहत उत्सुक आ भई ताहली जे तुहें तिसजो देक्खो तां इक बार भीं खुश हुई सक्को कने मेरी चिन्ता घटी जो।